ಮುನ್ನೆಚ್ಚರಿಕಾ ಕ್ರಮಗಳನ್ನು ಅನುಸರಿಸಿಕೊಂಡು ಈಗಾಗಲೇ ಸಿನಿಮಾ ಚಿತ್ರೀಕರಣಕ್ಕೆ ಚಾಲನೆ ನೀಡಲಾಗಿದೆ. ಇದೀಗ ಹೊಸದಾಗಿ ಕೋವಿಡ್ ವಿಮೆ ಮಾಡಿಸಿಕೊಂಡೇ ಶೂಟಿಂಗ್ನತ್ತ ತೆರಳಲು ನಿರ್ವಪಕರು ನಿರ್ಧರಿಸಿದ್ದಾರೆ! ಹೌದು, ಬಾಲಿವುಡ್ ನಟಿ ತಾಪ್ಸೀ ಪನ್ನು ಮುಖ್ಯಭೂಮಿಕೆ ನಿಭಾಯಿಸುತ್ತಿರುವ ‘ಲೂಪ್ ಲಪೇಟಾ’ ಚಿತ್ರದ ನಿರ್ವಪಕರು ಶೂಟಿಂಗ್ಗೆ ಸಿದ್ಧರಾಗಿದ್ದಾರೆ.
ಈಗಾಗಲೇ ಗೋವಾ ಮತ್ತು ಮುಂಬೈನಲ್ಲಿ ಒಂದಷ್ಟು ಭಾಗದ ಚಿತ್ರೀಕರಣವನ್ನೂ ಮುಗಿಸಿಕೊಂಡಿದ್ದಾರೆ. ಇದೀಗ ಲಾಕ್ಡೌನ್ ಕರೊನಾ ಕಾಟ ಹೆಚ್ಚಳದ ಹಿನ್ನೆಲೆಯಲ್ಲಿ ಇಡೀ ತಂಡಕ್ಕೆ ಕೋವಿಡ್ ವಿಮೆ ಮಾಡಿಸಲು ನಿರ್ಧರಿಸಿದ್ದು, ಆ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಂಡಿದ್ದಾರೆ ನಿರ್ವಪಕ ಅತುಲ್ ಕಸ್ಬೇಕರ್. ಈ ಮೂಲಕ ಬಾಲಿವುಡ್ನ ಮೊದಲ ಕೋವಿಡ್ ವಿಮೆಯುಳ್ಳ ಸಿನಿಮಾ ಎಂಬ ಖ್ಯಾತಿ ‘ಲೂಟ್ ಲಪೇಟಾ’ ಚಿತ್ರಕ್ಕೆ ಸಿಗಲಿದೆ.
ಈ ವಿಮೆ ಜಾರಿಯಾದಲ್ಲಿ ಶೂಟಿಂಗ್ ಸಂದರ್ಭದಲ್ಲಿ ಯಾರಿಗಾದರೂ ಕೋವಿಡ್ ಪಾಸಿಟಿವ್ ಪತ್ತೆಯಾದರೆ, ಇಡೀ ತಂಡ ಕ್ವಾರಂಟೈನ್ನಲ್ಲಿರಬೇಕಾಗುತ್ತದೆ. ಚಿತ್ರೀಕರಣಕ್ಕೂ ಬ್ರೇಕ್ ಹಾಕಬೇಕಾಗುತ್ತದೆ. ಆಗ ನಿರ್ವಪಕರಿಗಾಗುವ ನಷ್ಟವನ್ನು ಈ ಕೋವಿಡ್ ವಿಮೆ ತುಂಬಿಕೊಡಲಿದೆ. ಮಳೆಗಾಲ ಮುಗಿಯುತ್ತಿದ್ದಂತೆ ಶೂಟಿಂಗ್ಗೆ ನಿರ್ವಪಕ ಅತುಲ್ ಕಸ್ಬೇಕರ್ ಚಾಲನೆ ನೀಡಲಿದ್ದು, ಅದಕ್ಕೂ ಪೂರ್ವಭಾವಿಯಾಗಿ, ಸೆಟ್ನಲ್ಲಿ ಯಾರೆಲ್ಲ ಇರಲಿದ್ದಾರೆ ಅವರೆಲ್ಲರ ಮಾಹಿತಿಯನ್ನು ಕಲೆಹಾಕಿ ವಿಮೆ ಕಂಪನಿಗೆ ನೀಡುವ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದಾರೆ. –ಏಜೆನ್ಸೀಸ್