ಸುಶಾಂತ್ ಸಿಂಗ್ ರಜಪೂತ್ ಕೊನೇ ಸಿನಿಮಾ ದಿಲ್ ಬೇಚಾರಾ ಚಿತ್ರದ ಟ್ರೇಲರ್ ಸೋಮವಾರ ಸಂಜೆ ಬಿಡುಗಡೆಯಾಗಿದೆ. ಮುಖೇಶ್ ಛಾಬ್ರಾ ಭಾವುಕ ಪೋಸ್ಟ್ ಹಾಕಿಕೊಂಡು ಟ್ರೇಲರ್ ಲಿಂಕ್ಅನ್ನು ಟ್ವಿಟರ್ನಲ್ಲಿ ಶೇರ್ ಮಾಡಿಕೊಂಡಿದ್ದರು. ಸುಶಾಂತ್ ಸಾವಿನ ಹಿನ್ನೆಲೆಯಲ್ಲಿ ಈ ಚಿತ್ರ ಅಭಿಮಾನಿಗಳಲ್ಲಿ ದೊಡ್ಡ ಮಟ್ಟದ ನಿರೀಕ್ಷೆ ಹುಟ್ಟು ಹಾಕಿತ್ತು. ಏನಾದರಾಗಲಿ ಈ ಸಿನಿಮಾವನ್ನು ಸೂಪರ್ ಹಿಟ್ ಮಾಡೋಣ ಎಂದು ಅಭಿಮಾನಿಗಳು ಟ್ವಿಟರ್ನಲ್ಲಿ ಟ್ರೆಂಡ್ ಮಾಡಿದ್ದರು. ಅದರಂತೆ ಬಿಡುಗಡೆಯಾದ ಟ್ರೇಲರ್ಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.
ಇದನ್ನೂ ಓದಿ: 50 ಪರ್ಸೆಂಟ್ ಡಿಸ್ಕೌಂಟ್; ಸಂಭಾವನೆ ಕಡಿತಕ್ಕೆ ರಾಕುಲ್ ನಿರ್ಧಾರ
ಕ್ಯಾನ್ಸರ್ ಪೀಡಿತೆ ಮತ್ತು ನಾಯಕನ ನಡುವಿನ ಕ್ಯೂಟ್ ಲವ್ ಸ್ಟೋರಿಯಂತೆ ಕಾಣುವ ಈ ಸಿನಿಮಾದಲ್ಲಿ ಸುಶಾಂತ್ ಅದ್ಬುತ ಅಭಿನಯ ತೆರೆಮೇಲೆ ಕಾಣುತ್ತದೆ. ಬಿಡುಗಡೆಯಾದ 16 ಗಂಟೆಯಲ್ಲಿ ಈವರೆಗೂ 22 ಮಿಲಿಯನ್ಗೂ ಅಧಿಕ ಬಾರಿ ಟ್ರೇಲರ್ ವೀಕ್ಷಣೆ ಆಗಿದ್ದು, 50ಲಕ್ಷಕ್ಕೂ ಅಧಿಕ ಮಂದಿ ಟ್ರೇಲರ್ ಲೈಕ್ ಮಾಡಿದ್ದಾರೆ. ಈ ಮೂಲಕ ಹಾಲಿವುಡ್ನ ಎವೆಂಜರ್ಸ್ ಎಂಡ್ ಗೇಮ್ ಚಿತ್ರದ ಟ್ರೇಲರ್ ದಾಖಲೆಯನ್ನು ದಿಲ್ ಬೇಚಾರ ಮುರಿದಿದೆ. ಹಾಲಿವುಡ್ ಚಿತ್ರದ ಟ್ರೇಲರ್ನ್ನು 24ಗಂಟೆಗಳಲ್ಲಿ 3.2 ಮಿಲಿಯನ್ ಜನ ಲೈಕ್ ಮಾಡಿದ್ದರು. ಸುಶಾಂತ್ ಚಿತ್ರದ ಟ್ರೇಲರ್ನ್ನು 5 ಮಿಲಿಯನ್ ಜನ ಮೆಚ್ಚಿಕೊಂಡಿದ್ದಾರೆ. ಜುಲೈ 7ಕ್ಕೆ ಈ ಸಿನಿಮಾ ಡಿಸ್ನಿ ಹಾಟ್ಸ್ಟಾರ್ನಲ್ಲಿ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: ‘ಅಕಟಕಟ’ಕ್ಕೆ ಬೈಕ್ ರೇಸರ್ ಶೋಗನ್ ಗ್ರೀನ್ ಸಿಗ್ನಲ್
ಜಾನ್ ಗ್ರೀನ್ ಬರೆದ ದಿ ಫಾಲ್ಟ್ ಇನ್ ಅವರ್ ಸ್ಟಾರ್ಸ್ ಕಾದಂಬರಿಯಿಂದ ಪ್ರೇರಿತಗೊಂಡು ಈ ಸಿನಿಮಾ ಮಾಡಿದ್ದಾರೆ ನಿರ್ದೇಶಕ ಮುಖೇಶ್. ಸಂಜನಾ ಸಿಂಘ್ವಿ ಮೊದಲ ಬಾರಿ ನಾಯಕಿಯಾಗಿ ಬಾಲಿವುಡ್ಗೆ ಪದಾರ್ಪಣೆ ಮಾಡಿದ್ದಾರೆ.
PHOTOS| ಥ್ರಿಲ್ ನೀಡಲು ಅಪ್ಸರಾ ರೆಡಿ: ಹಾಟ್ ಫೋಟೋಗಳನ್ನು ಹರಿಬಿಟ್ಟು ಪಡ್ಡೆ ಹುಡುಗರ ನಿದ್ದೆಗೆಡಿಸಿದ ಆರ್ಜಿವಿ!