ಮುಂಬೈ: ವಾವ್.. ಅವರು ನನ್ನ ಟೀ-ಶರ್ಟ್ ಅನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. ಹೀಗಂತ ಬಾಲಿವುಡ್ ನಟಿ ಹಾಗೂ ಮಾಜಿ ಬ್ಲೂ ಫಿಲ್ಮ್ ಸ್ಟಾರ್ ಸನ್ನಿ ಲಿಯೋನ್ ಹೇಳಿದ್ಯಾಕೆ ಗೊತ್ತಾ? ಗೊತ್ತಿಲ್ಲವೆಂದರೆ ಮುಂದೆ ಓದಿ…
ಜಾಗತಿಕವಾಗಿ ಮರಣಮೃದಂಗ ಬಾರಿಸುತ್ತಿರುವ ಕರೊನಾ ವೈರಸ್ ಹಡರುವುದನ್ನು ತಡೆಗಟ್ಟಲು ಬಹುತೇಕ ರಾಷ್ಟ್ರಗಳು ಲಾಕ್ಡೌನ್ ಆಶ್ರಯಿಸಿವೆ. ಅದರಲ್ಲಿ ನಮ್ಮ ರಾಷ್ಟ್ರವು ಒಂದು. ಏಪ್ರಿಲ್ 14ರವರೆಗೆ ಇಡೀ ಭಾರತಕ್ಕೆ ಬೀಗಮುದ್ರೆ ಬಿದ್ದಿದೆ.
ಇಂತಹ ಸಮಯದಲ್ಲಿ ಮನೆಯಲ್ಲೇ ಉಳಿದಿರುವ ಕೋಟ್ಯಾಂತರ ಜನರಿಗೆ ಮನರಂಜನೆ ನೀಡುವ ಉದ್ದೇಶದಿಂದ 80ರ ದಶಕದಲ್ಲಿ ಹೆಚ್ಚು ಜನರನ್ನು ಆಕರ್ಷಿಸಿದ್ದ ರಾಮಾಯಣ, ಮಹಾಭಾರತ ಹಾಗೂ ಶಕ್ತಿಮಾನ್ ಧಾರವಾಹಿಗಳನ್ನು ದೂರದರ್ಶನ ಮರುಪ್ರಸಾರ ಮಾಡುತ್ತಿದೆ.
ಇದನ್ನು ಗಮನಿಸಿರುವ ಸನ್ನಿ ಲಿಯೋನ್ ಇಂದು ಸಂಜೆ ಟ್ವೀಟ್ ಮಾಡಿ, ವಾವ್… ಅವರು(ದೂರದರ್ಶನ) ನನ್ನ ಟೀ-ಶರ್ಟ್ಸ್ ಅನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. ದೂರದರ್ಶನದಲ್ಲಿ ಮರಳಿ ಬಂದಿರುವುದೇನೆಂದು ಊಹಿಸಿ? ಎಂದು ಟೀ-ಶರ್ಟ್ ಹಾಗೂ ಅದರ ಮೇಲೊಂದು ಜಾಕೆಟ್ ಧರಿಸಿ ಕ್ಯಾಮರಾಗೆ ಪೋಸ್ ನೀಡಿರುವ ಮಾದಕ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ.
Wow..they took my tee seriously!!
Guess what's back on DD?😂#SunnyLeone #Ramayana #Mahabharat #Shaktimaan pic.twitter.com/ZnlmxkaLbd— Sunny Leone (@SunnyLeone) March 30, 2020
ಫೋಟೋವನ್ನು ಗಮನಿಸಿದರೆ ಅದರೆ ಮೇಲೆ 90ರ ದಶಕವನ್ನು ಮರಳಿ ತನ್ನಿ(Bring Back the 90s) ಎಂದು ಬರೆಯಲಾಗಿದೆ. ಇನ್ನು ಒಂದು ಹೆಜ್ಜೆ ಮುಂದೆ ಹೋಗಿ ಹ್ಯಾಷ್ಟ್ಯಾಗ್ನಲ್ಲಿ ರಾಮಾಯಣ, ಮಹಾಭಾರತ ಮತ್ತು ಶಕ್ತಿಮಾನ್ ಅನ್ನು ಉಲ್ಲೇಶಿಸಿರುವುದು ಸನ್ನಿ ಲಿಯೋನ್ ಯಾವುದರ ಬಗ್ಗೆ ಮಾತನಾಡುತ್ತಿದ್ದಾರೆ ಎಂಬುದನ್ನು ಸ್ಪಷ್ಟವಾಗಿ ತೋರಿಸಿದೆ. (ಏಜೆನ್ಸೀಸ್)
ರಾಮಾಯಣ, ಮಹಾಭಾರತದ ಬಳಿಕ 90ರ ದಶಕದ ಸೂಪರ್ ಹೀರೋ ಶಕ್ತಿಮಾನ್ ಬರ್ತಿದ್ದಾನೆ! ಸ್ವಾಗತಿಸಿ..
ರಾಮಾಯಣದ ಜತೆಗೆ ಮಹಾಭಾರತ ಪ್ರಸಾರವೂ ಶುರು; ಪ್ರತಿದಿನ ಮಧ್ಯಾಹ್ನ 12 ಮತ್ತು ಸಂಜೆ 7ಕ್ಕೆ