ಮತ-ಪಂಥ ಮೂಲಕ ಪರಸ್ಪರ ದ್ವೇಷ ಬಿತ್ತರಿಸುತ್ತಿರುವುದು, ಹಿಂಸೆ ಆಧಾರದಲ್ಲಿ ಮತಾಂತರ ಮಾಡುತ್ತಿರುವುದು, ಜನಸಂಖ್ಯೆ ಹೆಚ್ಚಿಸಿಕೊಳ್ಳುತ್ತಿರುವ ಪ್ರಯತ್ನ ಜಾಸ್ತಿ ದಿನಗಳು ನಡೆಯುವುದಿಲ್ಲ. ಶಾಂತವಾಗಿರುವ ಹಿಂದು ಸಮಾಜ, ಜಾಗೃತಗೊಂಡು ಸಂಘಟಿತವಾಗಿ ಧ್ವನಿ ಎತ್ತಿದ್ದರೆ ಕಾಶ್ಮೀರ ವಿಚಾರದ ಕುರಿತು ಯಾರೂ ಮಾತಾಡುವುದಿಲ್ಲ. ಅದೇರೀತಿ, ಬೇರೆ ದೇಶಗಳಲ್ಲಿ ಕಡಿಮೆ ಸಂಖ್ಯೆಯಲ್ಲಿ ವಾಸಿಸುತ್ತಿರುವ ಹಿಂದುಗಳ ಮಾನ, ಪ್ರಾಣ, ಆಸ್ತಿ-ಪಾಸ್ತಿ ರಕ್ಷಿಸಲು ಸಾಧ್ಯ ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂದ(ಆರ್ಎಸ್ಎಸ್) ಸರಕಾರ್ಯವಾಹರು ದತ್ತಾತ್ರೇಯ ಹೊಸಬಾಳೆ ಹೇಳಿದರು. ಮತ, ಪಂಥ, ಅಸ್ಪೃಶ್ಯತೆ, ಜಾತಿ,ಭಾಷಾ, ರಾಜಕೀಯ ಮತ್ತು ಪ್ರಾಂತ ಆಧಾರದಲ್ಲಿ ಹಿಂದು ಸಮಾಜವನ್ನು ದುರ್ಬಲಗೊಳಿಸುವ ಯತ್ನ ನಡೆಯುತ್ತಿದೆ. ಹಿಂದು ಸಮಾಜದ ದುರ್ಬಲವಾದರೆ ಜಗತ್ತಿಗೆ ಶಾಂತಿ, ಧರ್ಮದ ಮಾರ್ಗ ಹೇಳುವವರು ಯಾರು ಇರುವುದಿಲ್ಲ. ಹಾಗಾಗಿ, ನಾವೆಲ್ಲರೂ ಒಗ್ಗಟ್ಟು ಆಗಬೇಕು. ಯಾವುದೇ ರಾಜಕೀಯ ಪಕ್ಷದಲ್ಲಿರಲಿ, ಧರ್ಮ ವಿಚಾರದಲ್ಲಿ ಎಲ್ಲರೂ ಒಂದಾಗಬೇಕು. ಕಲಿಯುಗದಲ್ಲಿ ಭಗವಂತನ ಅವಾತರ ಮೂಲಕ ನಾವೆಲ್ಲರೂ ಬಲಿಷ್ಠರಾಗಿ ಸಂಘಟಿತರಾದರೆ ಮಾತ್ರ ಧರ್ಮ ರಕ್ಷಣೆ ಕಾರ್ಯವಾಗಲಿದೆ. ಜತೆಗೆ, ಸಂಘಟನೆ ಸ್ವರೂಪ ಜಗತ್ತಿಗೂ ಅರಿವಾಗುತ್ತದೆ ಎಂದರು.
