ಗೆದ್ದ ನಲಪಾಡ್‌ಗೆ ಮುಖಭಂಗ: ರಕ್ಷಾ ರಾಮಯ್ಯಗೆ ಒಲಿದ ರಾಜ್ಯ ಯುವ ಕಾಂಗ್ರೆಸ್​ ಅಧ್ಯಕ್ಷ ಗಾದಿ

ಬೆಂಗಳೂರು: ಕಳೆದ ತಿಂಗಳು ನಡೆದಿದ್ದ ರಾಜ್ಯ ಯುವ ಕಾಂಗ್ರೆಸ್​ ಅಧ್ಯಕ್ಷ ಸ್ಥಾನ ಚುನಾವಣೆ ಫಲಿತಾಂಶ ಇಂದು(ಫೆ.4) ಪ್ರಕಟವಾಗಿದ್ದು, ಅಚ್ಚರಿಯ ಬೆಳವಣಿಗೆಯಲ್ಲಿ ಎಂ.ಎಸ್​.ರಾಮಯ್ಯ ಕುಟುಂಬದ ರಕ್ಷಾ ರಾಮಯ್ಯ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ಇದೇ ಮೊದಲ ಬಾರಿಗೆ ಮೊಬೈಲ್​ ಆ್ಯಪ್​ ಮೂಲಕ ಯುವ ಕಾಂಗ್ರೆಸ್​ ಸದಸ್ಯರ ನೋಂದಣಿ ಮತ್ತು ಮತದಾನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು. ಮೂರು ದಿನ ಜಿಲ್ಲಾವಾರು ಮತದಾನ ನಡೆದಿತ್ತು. ಮತದಾನ ಸಂದರ್ಭದಲ್ಲಿ ಆ್ಯಪ್​ ಹ್ಯಾಕ್​ ಆಗಿದೆ ಎಂಬ ಆರೋಪಗಳು ಕೇಳಿಬಂದಿತ್ತು. ಫಲಿತಾಂಶದಲ್ಲಿ ರೋಚಕ ತಿರುವು ಕಂಡು ಬಂದಿದ್ದು, ಮಹತ್ವದ ಬೆಳವಣಿಗೆಯಲ್ಲಿ ಅತಿ ಹೆಚ್ಚು ಮತ ಪಡೆದಿದ್ದ ಶಾಂತಿನಗರ ಶಾಸಕ ಎನ್​.ಎ.ಹ್ಯಾರಿಸ್​ ಪುತ್ರ ಮೊಹಮದ್​ ನಲಪಾಡ್​ ಹ್ಯಾರಿಸ್​ ಅವರನ್ನು ಅನರ್ಹಗೊಳಿಸಲಾಗಿದೆ. ಇದನ್ನೂ ಓದಿರಿ ತಾಲೂಕು ಪಂಚಾಯಿತಿಯನ್ನೇ ರದ್ದು ಮಾಡಲು ಸಿದ್ಧತೆ! ಕರ್ನಾಟಕದಲ್ಲಿ ಜಿಪಂ, ಗ್ರಾಪಂ ಮಾತ್ರ ಇರುತ್ತೆ…

ಪಡೆದ ಮತಗಳು: ಮೊಹಮದ್​ ನಲಪಾಡ್​- 64203. ರಕ್ಷಾ ರಾಮಯ್ಯ- 57271, ಮಂಜುನಾಥ್​- 18137, ಮಿಥುನ್​ ರೈ- 3104.

ಚುನಾವಣೆ ವೇಳೆ ಮುಂಚೂಣಿ ನಾಯಕರು ಯಾರೂ ಅಭ್ಯರ್ಥಿ ಪರವಾಗಿ ಕಾಣಿಸಿಕೊಳ್ಳಬಾರದೆಂದು ಪಕ್ಷ ಸೂಚನೆ ನೀಡಿತ್ತು. ಈ ನಡುವೆಯೂ ರಕ್ಷಾ ರಾಮಯ್ಯ ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯ ಬೆಂಬಲಿತ ಎಂದು ಬಿಂಬಿಸಿಕೊಳ್ಳುವಲ್ಲಿ ಪ್ರಯತ್ನ ಮಾಡಿದ್ದರು. ಮಿಥುನ್​ ರೈ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್​ ಬೆಂಬಲಿಗರೆಂದೇ ಪಕ್ಷದಲ್ಲಿ ಗುರುತಿಸಲಾಗುತ್ತಿದೆ.

https://www.vijayavani.net/taluk-panchayats-cancel-in-karnataka/

https://www.vijayavani.net/retired-soldier-manjunath-is-no-more/