ದೇವರನ್ನೇ ಅಪಹಾಸ್ಯ ಮಾಡಲು ಹೋಗಿ ಅರೆಸ್ಟ್ ಆದ ಕಾಮಿಡಿಯನ್​; ಷಾಗೂ ಟೀಕೆ... ಐವರ ಬಂಧನ

ಇಂದೋರ್​: ಹಿಂದು ದೇವಾನುದೇವತೆಗಳನ್ನು ಅವಹೇಳನ ಮಾಡುವವರಿಗೆ ಇದೊಂದು ಎಚ್ಚರಿಕೆ ಗಂಟೆ ಎನ್ನಬಹುದು. ಏಕೆಂದರೆ ದೇವರು- ದೇವತೆಗಳನ್ನು ಅಪಹಾಸ್ಯ ಮಾಡಿದ ಒಬ್ಬ ಸ್ಟ್ಯಾಂಡಪ್​ ಕಾಮಿಡಿಯನ್​ ಈಗ ಕಂಬಿ ಹಿಂದೆ ನಿಲ್ಲುವಂತಾಗಿದೆ. ಅವನ ಜತೆಗೆ ಇನ್ನು ನಾಲ್ವರೂ ಬಂಧನಕ್ಕೀಡಾಗಿದ್ದು, ದೇವರನ್ನೇ ಕಾಮಿಡಿ ಮಾಡಿದ್ದ ಇವರೇ ಈಗ ಅಲ್ಲಿನ ಜನರ ಮುಂದೆ ಕಾಮಿಡಿ ಪೀಸ್​ಗಳಂತಾಗಿದ್ದಾರೆ.

ದೇವರನ್ನು ಹಾಗೂ ಕೇಂದ್ರ ಗೃಹ ಸಚಿವ ಅಮಿತ್ ಷಾ ಅವರನ್ನು ಕಾಮಿಡಿ ಶೋನಲ್ಲಿ ಅಪಹಾಸ್ಯ ಮಾಡಿದ್ದವನ ವಿರುದ್ಧ ಬಿಜೆಪಿ ಶಾಸಕಿಯ ಪುತ್ರನೇ ದೂರು ನೀಡಿದ್ದು, ಪೊಲೀಸರು ಈಗ ಆರೋಪಿಗಳನ್ನು ಬಂಧಿಸಿ ಪ್ರಕರಣ ದಾಖಲಿಸಿದ್ದಾರೆ. ಗುಜರಾತ್​ನ ಮುನಾವರ್​ ಫರೂಕಿ ಬಂಧಿತ. ಮಧ್ಯಪ್ರದೇಶದ ಇಂದೋರ್​ನಲ್ಲಿ ಶುಕ್ರವಾರ ನಡೆದ ಕಾಮಿಡಿ ಶೋನಲ್ಲಿ ಆತ ಈ ಅವಹೇಳನ ಮಾಡಿದ್ದ.

ಇದನ್ನೂ ಓದಿ: ‘ನಂಗೆ ಬಿಜೆಪಿ ಬಗ್ಗೆ ನಂಬಿಕೆ ಇಲ್ಲ, ಕರೊನಾ ಲಸಿಕೆ ತೆಗೆದುಕೊಳ್ಳುವುದಿಲ್ಲ!’ ಕರೊನಾ ಲಸಿಕೆಯ ಬಗ್ಗೆ ಅಪನಂಬಿಕೆ ವ್ಯಕ್ತಪಡಿಸಿದ ನಾಯಕ

ಬಿಜೆಪಿ ಶಾಸಕಿ ಮಾಲಿನಿ ಲಕ್ಷ್ಮಣ್ ಸಿಂಗ್ ಅವರ ಪುತ್ರ ಏಕಲವ್ಯ ಸಿಂಗ್ ಕೌರ್ ಈ ಬಗ್ಗೆ ದೂರು ನೀಡಿದ್ದರು. ಸ್ನೇಹಿತರ ಜತೆ ಪ್ರೇಕ್ಷಕನಾಗಿ ನಾನು ಆ ಕಾಮಿಡಿ ಶೋಗೆ ಹೋಗಿದ್ದು, ಅಲ್ಲಿ ಮುನಾವರ್​ ದೇವರನ್ನು ಹಾಗೂ ಅಮಿತ್ ಷಾ ಅವರನ್ನು ಅಪಮಾನಿಸಿದ್ದ. ಅದನ್ನು ನಾವು ಆಕ್ಷೇಪಿಸಿದ್ದೆವು ಎಂದು ಏಕಲವ್ಯ ದೂರು ನೀಡಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ. ಮುನಾವರ್ ಜತೆ ಎಡ್ವಿನ್ ಆ್ಯಂಟನಿ, ಪ್ರಕಾಶ್​ ವ್ಯಾಸ್​, ಪ್ರಿಯಂ ವ್ಯಾಸ್ ಮತ್ತು ನಳಿನ್ ಯಾದವ್ ಎಂಬವರನ್ನೂ ಪೊಲೀಸರು ಬಂಧಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/former-ministers-daughter-gives-complaint-against-her-father/

https://www.vijayavani.net/central-government-drafted-new-bill-to-restrict-smoking/

https://www.vijayavani.net/mother-of-two-children-died-then-the-children-kept-waiting-in-the-hope-that-god-would-return-her-soul/