ಈ ಸವಾಲಿನ ಪರಿಸ್ಥಿತಿಯಲ್ಲಿ ಕ್ರೀಸ್ಗೆ ಅಂಟಿ ನಿಂತ ರಾಹುಲ್ (87 ರನ್) ಮತ್ತು ಗಿಲ್ (78 ರನ್) ಅದ್ಭುತ ಬ್ಯಾಟಿಂಗ್ ನಡೆಸಿದರು. ಇನ್ನು ಇಂದಿನ (5ನೇ ದಿನ) ಪಂದ್ಯದಲ್ಲಿ, ರಾಹುಲ್ ಮತ್ತು ಗಿಲ್ ಕ್ರೀಸ್ನಲ್ಲಿ ಬೇರೂರಿದರೆ, ಖಂಡಿತ ಪಂದ್ಯವನ್ನು ಡ್ರಾ ಮಾಡಿಕೊಳ್ಳುವ ಸಾಧ್ಯತೆಗಳು ಹೆಚ್ಚು. ಅದರಲ್ಲೂ ಹೊಸ ಬಾಲ್ನೊಂದಿಗೆ ಬೌಲಿಂಗ್ ದಾಳಿಗೆ ಇಳಿಯಲಿರುವ ಜೋಫ್ರಾ ಆರ್ಚರ್, ವೋಕ್ಸ್, ಸ್ಟೋಕ್ಸ್ ಮತ್ತು ಕಾರ್ಸೆ ಅವರನ್ನು ಎದುರಿಸುವುದು ಟೀಮ್ ಇಂಡಿಯಾಗೆ ಅಷ್ಟು ಸುಲಭವಿಲ್ಲ. ಐದನೇ ದಿನದಂದು ರಾಹುಲ್ ಮತ್ತು ಗಿಲ್ ಜೋಡಿ 4ನೇ ದಿನದಂದು ನಡೆಸಿದ ಹೋರಾಟದ ಮನೋಭಾವವನ್ನು ಕೊನೆಯ ದಿನವೂ ಮುಂದುವರಿಸಿದರೆ, ನಾಲ್ಕನೇ ಟೆಸ್ಟ್ ಡ್ರಾದತ್ತ ಸಾಗಲಿದೆ.
