ಎಲ್ಎಸ್ಜಿ ನೀಡಿದ ಗುರಿಯನ್ನು ಚೇಸಿಂಗ್ ಮಾಡುತ್ತಿದ್ದ ಮುಂಬೈ ಪರ ತಿಲಕ್ ವರ್ಮಾ ಕಣಕ್ಕಿಳಿದರು. ಈ ವೇಳೆ ಲಖನೌ ಪರ ಬೌಲಿಂಗ್ನಲ್ಲಿದ್ದ ಶಾರ್ದೂಲ್ ಠಾಕೂರ್ ವಿಕೆಟ್ ಕೀಳುವ ತವಕದಲ್ಲಿದ್ದರು. ಆದರೆ, 23 ಎಸೆತಗಳಲ್ಲಿ 25 ರನ್ ಗಳಿಸಿದ್ದ ತಿಲಕ್, ಮುಂಬೈಗೆ ಬೇಕಿದ್ದ ಅಗತ್ಯ ರನ್ ಬಾರಿಸಲು ಪರದಾಡುತ್ತಿದ್ದರು. ಇದನ್ನು ಗಮನಿಸಿದ ಎಂಐ ಮ್ಯಾನೇಜ್ಮೆಂಟ್, ಕ್ಯಾಪ್ಟನ್ ಹಾರ್ದಿಕ್ ಮೂಲಕ ತಿಲಕ್ರನ್ನು ತಕ್ಷಣವೇ ಬ್ಯಾಟಿಂಗ್ನಿಂದ ನಿವೃತ್ತಿ ಪಡೆಯುವಂತೆ ತಿಳಿಸಿತು. ಅಂತೆಯೇ ತಿಲಕ್ ಕೂಡ ಕೊನೆಯ ಬಾಲ್ ಇರುವಂತೆ ಪೆವಿಲಿಯನ್ಗೆ ಮರಳಿದರು. ಅವರ ಜಾಗಕ್ಕೆ ಮಿಚೆಲ್ ಸ್ಯಾಂಟ್ನರ್ ಕ್ರೀಸ್ಗೆ ಬಂದರು. ಆದರೆ, ಅವರಿಂದಲೂ ಗೆಲುವಿನ ಪತಾಕೆ ಹಾರಿಸಲು ಸಾಧ್ಯವಾಗಲಿಲ್ಲ. ಇದೇ ಎಂಐ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಯಿತು.
