'ಕಿಂಗ್​ ಕೊಹ್ಲಿ'ಯ 973 ರನ್​ ದಾಖಲೆ ಮುರಿಯಲು ಈ ಮೂವರು ಬ್ಯಾಟರ್​ಗಳಿಗೆ ಸಾಧ್ಯವೇ?

ನವದೆಹಲಿ: ದುಬೈನಲ್ಲಿ ನಡೆದ ಎರಡು ದಿನಗಳ ಐಪಿಎಲ್​ ಹರಾಜು ಪ್ರಕ್ರಿಯೆ ಸಂಪೂರ್ಣವಾಗಿ ಮುಕ್ತಾಯಗೊಂಡಿದ್ದು, ಬಿಡ್ಡಿಂಗ್​ ಪ್ರಕ್ರಿಯೆಯಲ್ಲಿ ಯುವ ಹಾಗೂ ಹೊಸ ಆಟಗಾರರನ್ನು ಖರೀದಿ ಮಾಡುವಲ್ಲಿ 10 ತಂಡಗಳ ಮ್ಯಾನೇಜ್​ಮೆಂಟ್​ ಕೂಡ ಉತ್ತಮ ಪ್ರದರ್ಶನ ತೋರಿದೆ. ಇನ್ನು ಉಳಿದಿರುವುದು ಕೇವಲ ಐಪಿಎಲ್​ ಪಂದ್ಯಗಳ ಆರಂಭವಷ್ಟೇ. ಈ ದಿನಕ್ಕಾಗಿ ತುದಿಗಾಲಿನಲ್ಲಿ ಕಾಯುತ್ತಿರುವ ಕ್ರಿಕೆಟ್ ಅಭಿಮಾನಿಗಳು, ತಮ್ಮ ನೆಚ್ಚಿನ ಫ್ರಾಂಚೈಸಿಗಳಿಗೆ ಸೇರಿಕೊಂಡಿರುವ ಹೊಸಬರ ಆಟದ ಮೇಲೆ ಅಪಾರ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಈ ಸಾಲಿನಲ್ಲಿ ಬ್ಯಾಟರ್​ಗಳ ಮೇಲೆಯೇ ಭಾರೀ ನಿರೀಕ್ಷೆ.

ಇದನ್ನೂ ಓದಿ: ಈವರೆಗೂ ನೋಡಿರದ ವಿಚಿತ್ರ ಬ್ಯಾಟಿಂಗ್ ಇದು!​ ಪೊಲ್ಲಾರ್ಡ್ ಬ್ಯಾಟ್​ ಬೀಸಿದ ಶೈಲಿಗೆ ದಂಗಾದ್ರೂ ಫ್ಯಾನ್ಸ್​ | Kieron Pollard

ಐಪಿಎಲ್​ ಅಂದಾಗ ಅಲ್ಲಿ ವಿಕೆಟ್ ಕಬಳಿಸುವ ಬೌಲರ್​ಗಳ ಎಸೆತಗಳನ್ನು ನೋಡುವುದು ಎಷ್ಟು ಖುಷಿಯೋ, ಅದಕ್ಕಿಂತ ದುಪ್ಪಟ್ಟಿನ ಸಂತಸ, ಹಬ್ಬ ಉಂಟಾಗುವುದು ಬ್ಯಾಟರ್​ಗಳ ಅಬ್ಬರದ ಬ್ಯಾಟಿಂಗ್ ಕಂಡಾಗ. ಮೈದಾನದ ತುಂಬ ರನ್​ಗಳ ಹೊಳೆಯನ್ನು ಹರಿಸಿ, ಸ್ಟೇಡಿಯಂ ತುಂಬಿರುವ ಅಭಿಮಾನಿಗಳನ್ನು ಹುಚ್ಚೆದ್ದು ಕುಣಿಸುವುದು ಸ್ಟಾರ್ ಬ್ಯಾಟರ್​ಗಳ ಸ್ಫೋಟಕ ಬ್ಯಾಟಿಂಗ್. ಟಿ20 ಫಾರ್ಮೆಟ್​ ಆಗಿರುವ ಐಪಿಎಲ್​ನಲ್ಲಿ ಸಖತ್​ ಸ್ಟೈಲಿಶ್​ ಆಗಿ ರನ್​ಗಳನ್ನು ಹಾಗೂ ಕ್ರಿಕೆಟ್​ ಪ್ರಿಯರ ಅಪಾರ ಮೆಚ್ಚುಗೆಯನ್ನು ಗಳಿಸಿರುವುದು ಟೀಮ್​ ಇಂಡಿಯಾದ ಸ್ಟಾರ್​ ಆಟಗಾರ 'ರನ್​ ಮಷಿನ್'​ ವಿರಾಟ್​ ಕೊಹ್ಲಿ.

ಕೇವಲ ಒಂದೇ ಒಂದು ಸೀಸನ್

ಇಂಡಿಯನ್​ ಪ್ರಿಯರ್​ ಲೀಗ್​ನಲ್ಲಿ ಇತರೆ ಬ್ಯಾಟರ್​ಗಳಿಗೆ ಹೋಲಿಸಿದರೆ ವಿರಾಟ್ ಕೊಹ್ಲಿ ಅವರ ರನ್​ ದಾಖಲೆ ಸದಾ ಒಂದು ಹೆಜ್ಜೆ ಮುಂದೆ. ಕೆಲವರು ಒಂದು ಸೀಸನ್​ ಆಡಿದರೆ, ಮತ್ತೊಂದು ಆವೃತ್ತಿಯಲ್ಲಿ ಅಬ್ಬರಿಸಲು ವಿಫಲರಾಗುತ್ತಾರೆ. ಆದರೆ, ದಾಖಲೆಗಳ ಸರದಾರ ಎಂದೇ ಖ್ಯಾತಿ ಪಡೆದಿರುವ ವಿರಾಟ್​, ಮೈದಾನಕ್ಕೆ ಬಂದರೆ ಸಾಕು ರನ್​ಗಳ ಹೊಳೆಯನ್ನೇ ಹರಿಸುತ್ತಾರೆ. 2008ರಿಂದಲೂ ಅದ್ಭುತ ಬ್ಯಾಟಿಂಗ್ ಮೂಲಕ ಅಧಿಕ ರನ್​ ಕಲೆಹಾಕುವ ವಿರಾಟ್​, 2016ರ ಐಪಿಎಲ್​ನಲ್ಲಿ ಬರೋಬ್ಬರಿ 973 ರನ್‌ಗಳನ್ನು ಕೇವಲ ಒಂದೇ ಒಂದು ಸೀಸನ್​ನಲ್ಲಿ ದಾಖಲಿಸಿದರು. ಇಂದಿಗೂ ಅವರ ಈ ದಾಖಲೆಯನ್ನು ಮುರಿಯುವಲ್ಲಿ ಯಾರಿಂದಲೂ ಸಾಧ್ಯವಾಗಿಲ್ಲ.

ಐಪಿಎಲ್​ 2025ರ ಮುನ್ನೋಟ

2016ರ ಐಪಿಎಲ್​ ಸೀಸನ್​ನಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಪರ 973 ರನ್​ ಗಳಿಸಿದ ವಿರಾಟ್​, ಇಂದಿಗೂ ಮೈದಾನಕ್ಕೆ ಬಂದರೆ, ಅತ್ಯುತ್ತಮ ಬ್ಯಾಟಿಂಗ್ ಪ್ರದರ್ಶಿಸುತ್ತಾರೆ. ಅಂದು ವಿರಾಟ್​ ಕಲೆಹಾಕಿದ 973 ಅತ್ಯಧಿಕ ರನ್​ ದಾಖಲೆಯನ್ನು ಇಲ್ಲಿಯವರೆಗೂ ಯಾವ ಐಪಿಎಲ್ ಫ್ರಾಂಚೈಸಿಯ ಬ್ಯಾಟರ್​ ಕೂಡ ಮುರಿಯುವಲ್ಲಿ ಯಶಸ್ವಿಯಾಗಿಲ್ಲ. ಇನ್ನು ಐಪಿಎಲ್​ 2025ರ ಮುನ್ನೋಟ ಈಗಾಗಲೇ ಸಿಕ್ಕಿದ್ದೇ ತಡ ಹಲವು ನಿರೀಕ್ಷೆ, ಭವಿಷ್ಯವಾಣಿಗಳು ವ್ಯಕ್ತವಾಗುತ್ತಿವೆ. ಈ ಪೈಕಿ ವಿರಾಟ್​ ದಾಖಲೆಯನ್ನು ಸಿಎಸ್​ಕೆಯ ಈ ಮೂವರು ಬ್ಯಾಟ್ಸ್​ಮನ್​ಗಳು ಬ್ರೇಕ್ ಮಾಡಲು ಸಾಧ್ಯವೇ ಎಂಬ ಪ್ರಶ್ನೆ ಕೇಳಿಬಂದಿದೆ. ಅಸಲಿಗೆ ಇವರಿಂದ ಸಾಧ್ಯವಿದೆಯೇ? ಅಥವಾ ಬೇರೆ ಯಾರಾದರೂ ಮುರಿಯಬಹುದೇ ಎಂಬುದನ್ನು ಕಾಡು ನೋಡಬೇಕು.

ಯಾರು ಆ ಮೂವರು ಬ್ಯಾಟರ್ಸ್​?

1. ರುತುರಾಜ್ ಗಾಯಕ್ವಾಡ್​

2. ಡೇವಾನ್ ಕಾನ್ವೇ

3. ರಚಿನ್ ರವೀಂದ್ರ

https://www.vijayavani.net/star-batters-ready-to-pick-orange-cap-in-2025-ipl