ವಿರಾಟ್​ ನನ್ನ ನಾಯಕತ್ವದಡಿಯಲ್ಲಿ ಆಡಿದ್ದಾರೆ, ಟೀಮ್​ ಇಂಡಿಯಾದಲ್ಲಿರುವ ಅನೇಕರು... ತೇಜಸ್ವಿ ಯಾದವ್​ ಹೇಳಿಕೆ ವೈರಲ್

ಪಟ್ನಾ: ರಾಷ್ಟ್ರೀಯ ಜನತಾ ದಳದ ನಾಯಕ, ಬಿಹಾರ ಮಾಜಿ ಮುಖ್ಯಮಂತ್ರಿ ಲಾಲು ಪ್ರಸಾದ್​ ಯಾದವ್​ ಅವರ ಪುತ್ರ ತೇಜಸ್ವಿ ಯಾದವ್​ ತಮ್ಮ ವಿವಾದಾತ್ಮಕ ಹೇಳಿಕೆಗಳ ಮೂಲಕವೇ ಆಗಿಂದಾಗೆ ಸದ್ದು ಮಾಡುತ್ತಿರುತ್ತಾರೆ. ಇದೀಗ ಟೀಮ್​ ಇಂಡಿಯಾದ ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ ತಮ್ಮ ನಾಯಕತ್ವದಡಿಯಲ್ಲಿ ಕ್ರಿಕೆಟ್​ ಆಡುತ್ತಿದ್ದರು ಮತ್ತು ಭಾರತ ತಂಡದಲ್ಲಿರುವ ಅನೇಕರು ತಮ್ಮ ಬ್ಯಾಚ್​ಮೇಟ್​ಗಳೆಂದು ಹೇಳುವ ಮೂಲಕ ನಗೆಪಾಟಲಿಗೀಡಾಗಿದ್ದಾರೆ.

ಖಾಸಗಿ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಈ ಕುರಿತು ಬಗ್ಗೆ ಮಾತನಾಡಿರುವ ತೇಜಸ್ವಿ, ನಾನು ಕ್ರಿಕೆಟಿಗನಾಗಿದ್ದೆ ಮತ್ತು ಅದರ ಬಗ್ಗೆ ಯಾರೂ ಮಾತನಾಡುವುದಿಲ್ಲ. ವಿರಾಟ್ ಕೊಹ್ಲಿ ನನ್ನ ನಾಯಕತ್ವದಲ್ಲಿ ಆಡಿದ್ದಾರೆ. ಪ್ರಸ್ತುತ ಭಾರತ ತಂಡದಲ್ಲಿರುವ ಅನೇಕ ಆಟಗಾರರು ನನ್ನ ಬ್ಯಾಚ್​ಮೇಟ್​ಗಳಾಗಿದ್ದರು. ಆದರೆ, ಇದರ ಬಗ್ಗೆ ಯಾರೂ ಕೂಡ ಯಾಕೆ ಮಾತನಾಡುವುದಿಲ್ಲ.

ಇದನ್ನೂ ಓದಿ: ಆತ ಹಠಮಾರಿ ಯಾರ ಸಲಹೆಯನ್ನು ಸ್ವೀಕರಿಸಲ್ಲ; ಬಾಂಗ್ಲಾ ಸರಣಿಗೂ ಮುನ್ನ ಮಾಜಿ ಆಟಗಾರ ಹೇಳಿದ್ದು ಯಾರ ಬಗ್ಗೆ ಗೊತ್ತಾ?

ನಾನು ಒಬ್ಬ ಒಳ್ಳೆಯ ಕ್ರಿಕಟಿಗನಾಗಿದ್ದೆ. ಆದರೆ, ಗಾಯದ ಸಮಸ್ಯೆಯಿಂದ ನಾನು ಕ್ರಿಕೆಟ್​ಅನ್ನು ತೊರೆಯಬೇಕಾಗಿ ಬಂತು. ನಾನು ವಿರಾಟ್​ ಒಟ್ಟಿಗೆ ದೆಹಲಿ ಪರ ಆಡಿದ್ದೇವೆ. ನನ್ನ ವೃತ್ತಿಜೀವನದಲ್ಲಿ ವತ್ತಿಜೀವನದಲ್ಲಿ ಒಟ್ಟು 1 ಪ್ರಥಮ ದರ್ಜೆ, 2 ಲಿಸ್ಟ್‌ ಎ ಮತ್ತು 4 ಟಿ20 ಪಂದ್ಯಗಳನ್ನು ಎಂದು ತೇಜಸ್ವಿ ಯಾದವ್​ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

ಇತ್ತ ತೇಜಸ್ವಿ ಯಾದವ್​ ಅವರ ಹೇಳಿಕೆ ತೀವ್ರ ಟೀಕೆಗೆ ಗುರಿಯಾಗಿದ್ದು, ನೆಟ್ಟಿಗರು ಅವರನ್ನು ಹೀನಾಯವಾಗಿ ಟ್ರೋಲ್​ ಮಾಡಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್​ ಏತಕ್ಕೆ ಈವರೆಗೂ ಕಪ್​ ಗೆದ್ದಿಲ್ಲ ಎಂಬುದು ನಮಗೆ ಈಗ ಅರ್ಥವಾಯಿತು. ಅವರು ಡ್ರೀಮ್​​ 11ನಲ್ಲಿ ತಾವು ಕಟ್ಟಿದ ತಂಡದ ಬಗ್ಗೆ ಮಾತನಾಡುತ್ತಿರಬೇಕು ಎಂದು ಕಮೆಂಟ್​ ಮಾಡಿ ಟೀಕಿಸಿದ್ದಾರೆ.

https://www.vijayavani.net/opposition-offered-to-back-me-as-pm-but-i-says-nitin-gadkari

https://www.vijayavani.net/horrible-scene-of-gas-truck-blast-death-toll-now-put-at-25