‘ಅಮ್ಮ ನೀನು ನನ್ನನ್ನು ದಿಟ್ಟ ಹುಡುಗಿಯಾಗಿ ಬೆಳೆಸಿದೆ. ಎಲ್ಲ ಪರಿಸ್ಥಿತಿಗಳನ್ನೂ ಕಾರ್ಯತಃ ಎದುರಿಸಲು ನೀನು ಕಲಿಸಿದೆ. ನನಗೆ ಗೊತ್ತಿರುವ ಅತ್ಯಂತ ಸುಂದರ, ಸಂತೋಷದ ಮತ್ತು ನಿಸ್ವಾರ್ಥ ವ್ಯಕ್ತಿ ನೀನಾಗಿದ್ದೆ. ಅಕ್ಕ ನನಗೆ ಗೊತ್ತು, ನಿನಗೆ ನಾನೇ ನೆಚ್ಚಿನ ವ್ಯಕ್ತಿಯಾಗಿದ್ದೆ. ನೀನೊಬ್ಬ ಹೋರಾಟಗಾರ್ತಿ. ಕೊನೇಕ್ಷಣದವರೆಗೂ ಹೋರಾಟ ಬಿಟ್ಟುಕೊಡದಿರುವುದಕ್ಕೆ ನೀನೇ ನನಗೆ ಸ್ಫೂರ್ತಿಯಾಗಿದ್ದೆ. ನಾನು ಮಾಡುವ ಎಲ್ಲ ಕೆಲಸದಲ್ಲೂ ಆನಂದವನ್ನು ಕಾಣುವ ವ್ಯಕ್ತಿಗಳಿಬ್ಬರು ನೀವಾಗಿದ್ದಿರಿ. ನಿಮ್ಮ ಜತೆ ಕಳೆದ ಇತ್ತೀಚೆಗಿನ ಕೆಲ ದಿನಗಳು ಅತ್ಯಂತ ನಿರಾಳವಾಗಿದ್ದವು. ನಾವೆಲ್ಲರೂ ಸಂತೋಷದಿಂದ ಇದ್ದೆವು. ಆದರೆ ಅದೇ ನಾವೆಲ್ಲರೂ ಜೊತೆಯಾಗಿ ಸಂತೋಷದಿಂದ ಇರುವ ಕೊನೇಕ್ಷಣಗಳಾಗಿದ್ದವು ಎಂಬ ಕಲ್ಪನೆಯೂ ಇರಲಿಲ್ಲ’ ಎಂದು ಭಾರತ ಪರ 48 ಏಕದಿನ ಮತ್ತು 74 ಟಿ20 ಪಂದ್ಯ ಆಡಿರುವ ಚಿಕ್ಕಮಗಳೂರು ಮೂಲದ ವೇದಾ ಹೇಳಿದ್ದಾರೆ.
