2025ರ ಐಪಿಎಲ್ ಆವೃತ್ತಿಯಲ್ಲಿ ಆರ್ಸಿಬಿ ತಂಡದ ನೂತನ ಕ್ಯಾಪ್ಟನ್ ಆಗಿ ತಂಡವನ್ನು ಮುನ್ನಡೆಸಲಿರುವ ರಜತ್ ಪಾಟೀದಾರ್, ದೊಡ್ಡ ಜವಾಬ್ದಾರಿಯನ್ನೇ ತಮ್ಮ ಹೆಗಲಿಗೇರಿಸಿಕೊಂಡಿದ್ದಾರೆ. ಮಾಜಿ ಕ್ಯಾಪ್ಟನ್, 'ರನ್ ಮಷಿನ್' ವಿರಾಟ್ ಕೊಹ್ಲಿಯೇ ಈ ಬಾರಿ ನಾಯಕನಾಗಿ ತಂಡವನ್ನು ಮುನ್ನಡೆಸಲಿದ್ದಾರೆ ಎಂಬ ಮಾತುಗಳಿತ್ತು. ಇದೇ ಸತ್ಯ ಎಂದು ನಂಬಲಾಗಿತ್ತು. ಆದ್ರೆ, ಅಂತಿಮವಾಗಿ ಅಭಿಮಾನಿಗಳ ನಿರೀಕ್ಷೆಗಳನ್ನು ತಲೆಕೆಳಗಾಗಿಸಿದ ಫ್ರಾಂಚೈಸಿ, ಕೊಹ್ಲಿ ಹೆಸರನ್ನು ಬದಿಗಿಟ್ಟು ರಜತ್ರನ್ನು ತಮ್ಮ ಆಯ್ಕೆಯಾಗಿ ಅಧಿಕೃತ ಘೋಷಣೆ ಹೊರಡಿಸಿತು. ಇದು ವಿರಾಟ್ ಅಭಿಮಾನಿಗಳ ಬಳಗಕ್ಕೆ ಅಚ್ಚರಿ ಉಂಟುಮಾಡಿದ್ದೇ ಆದರೂ ಗಟ್ಟಿಯಾದ ಭರವಸೆಯನ್ನು ತಂದುಕೊಟ್ಟಿದೆ.
