T20 ವಿಶ್ವಕಪ್​ 2024 | ಭಾರತದ ಈ ಇಬ್ಬರು ಓಪನಿಂಗ್​ ಬ್ಯಾಟರ್​ಗಳಿಗೆ ಪಿಚ್​ ಸರಿ ಹೊಂದುತ್ತಿಲ್ಲ: ಮಾಜಿ ಕ್ರಿಕೆಟಿಗ

ದುಬೈ: ಪ್ರಸಕ್ತ ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮಹಿಳೆಯರ ಟಿ20 ವಿಶ್ವಕಪ್ (T20 World Cup) ಪಂದ್ಯದಲ್ಲಿ ಇತ್ತೀಚೆಗಷ್ಟೇ ಪಾಕಿಸ್ತಾನ ತಂಡವನ್ನು ಭಾರತ (Womens Team India) ಬಗ್ಗುಬಡಿಯುವಲ್ಲಿ ಯಶಸ್ವಿಯಾಯಿತು. 6 ವಿಕೆಟ್​ಗಳ ಅಂತರದಲ್ಲಿ ಪಾಕ್ ವಿರುದ್ಧ ಭರ್ಜರಿ ಜಯ ಸಾಧಿಸಿದ ಟೀಮ್ ಇಂಡಿಯಾ ವನಿತೆಯರಿಗೆ ಕ್ರಿಕೆಟ್ ಅಭಿಮಾನಿಗಳು ಹಾಗೂ ಮಾಜಿ ಕ್ರಿಕೆಟಿಗರಿಂದ ಅಭಿನಂದನೆಗಳ ಮಹಾಪೂರವೇ ಹರಿದುಬಂದಿತು. ಆದ್ರೆ, ಕಳೆದ ಪಂದ್ಯಗಳಲ್ಲಿ ಸ್ಟಾರ್​ ಆಟಗಾರ್ತಿಯರೇ ಅಬ್ಬರಿಸುವಲ್ಲಿ ಮುಗ್ಗರಿಸುತ್ತಿರುವುದು ಇದೀಗ ಟೀಮ್ ಇಂಡಿಯಾದ ಮಾಜಿ ಹಿರಿಯ ಆಟಗಾರರ ಗಮನಕ್ಕೆ ಬಂದಿದೆ.

ಇದನ್ನೂ ಓದಿ: ಅನ್ನಪೂರ್ಣೇಶ್ವರಿಗೆ ಮಕರರೂಢಾ ಸ್ಕಂದಮಾತಾ ಅಲಂಕಾರ

ನ್ಯೂಜಿಲೆಂಡ್ ಮತ್ತು ಪಾಕಿಸ್ತಾನ ವಿರುದ್ಧದ ಪಂದ್ಯಗಳಲ್ಲಿ ಒಳ್ಳೆಯ ಬ್ಯಾಟಿಂಗ್ ಪ್ರಾಬಲ್ಯ ಸಾಧಿಸುವಲ್ಲಿ ಎಡವಿದ ಬ್ಯಾಟರ್​​ ಶಫಾಲಿ ಮತ್ತು ಸೃತಿ ಮಂದಾನ, ತಂಡಕ್ಕೆ ಉತ್ತಮ ಓಪನಿಂಗ್ ಕೊಡುಗೆ ನೀಡುವಲ್ಲಿ ವಿಫಲರಾಗಿದ್ದಾರೆ. ಕಳೆದ ಪಂದ್ಯಗಳಲ್ಲಿ ಗುಡ್​ ಸ್ಟಾರ್ಟ್​ ಕೊಡುವಲ್ಲಿ ಪದೇ ಪದೇ ಮುಗ್ಗರಿಸುತ್ತಿರುವ ಇವರಿಬ್ಬರು, ಅರ್ಧ ಶತಕ ಗಳಿಸಲು ಸಹ ತೀವ್ರ ಪರದಾಡುತ್ತಿದ್ದಾರೆ. ಪ್ರತ್ಯೇಕವಾಗಿ ಈ ವಿಷಯವನ್ನು ಉಲ್ಲೇಖಿಸಿ ಮಾತನಾಡಿದ ಮಾಜಿ ಹಿರಿಯ ಕ್ರಿಕೆಟಿಗ ಸಂಜಯ್​ ಮಂಜ್ರೇಕರ್​, ಶಫಾಲಿ ವರ್ಮ ಮತ್ತು ಸೃತಿ ಮಂದಾನಗೆ ದುಬೈ ಪಿಚ್ ಸರಿ ಹೊಂದುತ್ತಿಲ್ಲ ಎಂಬುದು ಇಲ್ಲಿ ಸ್ಪಷ್ಟ ಎಂದರು.

''ಅಸಲಿಗೆ ಇವರಿಬ್ಬರ ಬ್ಯಾಟಿಂಗ್ ನೋಡಲು ಅದ್ಭುತವಾಗಿರುತ್ತದೆ. ತಂಡದ ಪರ ಓಪನಿಂಗ್ ಬ್ಯಾಟ್ಸ್​ಮನ್​ಗಳಾಗಿ ಕಣಕ್ಕಿಳಿಯುವ ಶಫಾಲಿ ಮತ್ತು ಸೃತಿ, ಬ್ಯಾಟಿಂಗ್‌ ಸ್ಕೋರ್​ಗೆ ತಕ್ಕಂತೆ ಆಡುತ್ತಿಲ್ಲ. ನಮ್ಮ ಆಟಗಾರರು ಬ್ಯಾಟಿಂಗ್ ಮಾಡಿದ ರೀತಿಗೆ ಕ್ರಿಕೆಟ್​ ಅಭಿಮಾನಿಗಳು ತೀವ್ರ ನಿರಾಸೆಗೊಂಡಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ ಪಂದ್ಯದಲ್ಲಿ ತಂಡದ ಬ್ಯಾಟಿಂಗ್ ಕಳಪೆಯಾಗಿತ್ತು" ಎಂದು ಸಂಜಯ್ ಮಂಜ್ರೇಕರ್ ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/these-video-about-bengaluru-proves

https://www.vijayavani.net/i-wont-expose-my-body-says-actress