ರೋಚಕ ಪಂದ್ಯಗಳಿಗಿಂತ ದಂಡಗಳೇ ಹೆಚ್ಚಾಯ್ತು! ಬಿಸಿಸಿಐ ಕೆಂಗಣ್ಣಿಗೆ ಗುರಿಯಾದ ಸ್ಟಾರ್ ಆಟಗಾರರಿವರು | IPL 2025

IPL 2025: ಮಾ.22ರಿಂದ ಶುರುವಾದ ಐಪಿಎಲ್​ 18ನೇ ಆವೃತ್ತಿಯ ಪಂದ್ಯಗಳು ಕ್ರಿಕೆಟ್​ ಅಭಿಮಾನಿಗಳ ಉತ್ಸಾಹ, ಕುತೂಹಲವನ್ನು ಇದೀಗ ದುಪ್ಪಟ್ಟಾಗಿಸಿದೆ. ಒಂದಕ್ಕಿಂತ ಒಂದು ಪಂದ್ಯ ರೋಚಕತೆಯತ್ತ ಸಾಗುತ್ತಿದ್ದು, ನೋಡುಗರಲ್ಲಿ ಆಟದ ಕ್ರೇಜ್​ ಅನ್ನು ಹುಟ್ಟುಹಾಕುತ್ತಿದೆ. 2025ರ ಲೀಗ್​ನಲ್ಲಿ ಒಂದಷ್ಟು ತಂಡಗಳು ಕ್ರಿಕೆಟ್ ಅಭಿಮಾನಿಗಳ ಗಮನ ಸೆಳೆದರೆ, ಇನ್ನೂ ಕೆಲವು ಟೀಮ್​ಗಳು ಭಾರೀ ನಿರಾಶೆ ಮೂಡಿಸುತ್ತಿವೆ, ಈ ಮಧ್ಯೆ ರೋಚಕ ಪಂದ್ಯಗಳಿಗಿಂತಲೂ ಆಟಗಾರರ ಮೇಲೆ ವಿಧಿಸುತ್ತಿರುವ ದಂಡಗಳ ಸಂಖ್ಯೆಯೇ ಹೆಚ್ಚಾಗುತ್ತಿರುವುದು ಅಚ್ಚರಿ.

ಇದನ್ನೂ ಓದಿ: ನಿಮ್ಮ ಪಾದಗಳು ದೊಡ್ಡ ಕಾಯಿಲೆ ಬಗ್ಗೆ ಎಚ್ಚರಿಕೆ ನೀಡಬಹುದು; ಇಂತಹ ಚಿಹ್ನೆಗಳು ಕಂಡುಬಂದರೆ ನಿರ್ಲಕ್ಷಿಸಬೇಡಿ! | Signs

ಇತ್ತೀಚಿಗಿನ ಪಂದ್ಯದಲ್ಲಿ ದಂಡಕ್ಕೆ ತುತ್ತಾದ ಜಿಟಿ ವೇಗಿ ಇಶಾಂತ್ ಶರ್ಮ, ಐಪಿಎಲ್ ನೀತಿ ಸಂಹಿತೆಯನ್ನು ಉಲ್ಲಂಘಿಸಿದ್ದಕ್ಕಾಗಿ ಪೆನಾಲ್ಟಿಗೆ ತುತ್ತಾದರು. ಇನ್ನೂ ಇಲ್ಲಿಯವರೆಗೂ ಸ್ಟಾರ್ ಆಟಗಾರರು ಭಾರೀ ದಂಡಕ್ಕೆ ಸಿಲುಕಿದ್ದಾರೆ. ಈ ಪಟ್ಟಿಯಲ್ಲಿ ಇಶಾಂತ್ ಜತೆಗೆ ಲಖನೌ ಸೂಪರ್ ಜೈಂಟ್ಸ್​ನ ವೇಗಿ ದಿಗ್ವೇಶ್ ರಥಿ, ಮುಂಬೈನ ಹಾರ್ದಿಕ್ ಪಾಂಡ್ಯ, ರಾಜಸ್ಥಾನ ರಾಯಲ್ಸ್​ನ ರಿಯಾನ್ ಪರಾಗ್ ಮತ್ತು ಎಲ್​ಎಸ್​ಜಿ ಕ್ಯಾಪ್ಟನ್​ ರಿಷಭ್ ಪಂತ್ ಸೇರಿದ್ದಾರೆ.

ಕ್ಯಾಪ್ಟನ್​ಗಳಾಗಿ ಹಾರ್ದಿಕ್ ಪಾಂಡ್ಯ, ರಿಷಭ್ ಪಂತ್​ ಮತ್ತು ರಿಯಾನ್ ಪರಾಗ್​ ತಮ್ಮ ತಂಡ ಮಂದಗತಿಯ ಓವರ್ ಮಾಡಿದ್ದಕ್ಕಾಗಿ ಭಾರೀ ಮೊತ್ತದ ದಂಡವನ್ನು ಈಗಾಗಲೇ ಸ್ವೀಕರಿಸಿದ್ದಾರೆ. ಇನ್ನು ಬೌಲರ್​ ದಿಗ್ವೇಶ್ ರಥಿ ಎರಡು ಬಾರಿ ನೋಟ್‌ಬುಕ್ ಬರೆಯುವಂತೆ ಸಂಭ್ರಮಿಸಿದ ರೀತಿಗೆ ಬಿಸಿಸಿಐ ದಂಡವನ್ನು ವಿಧಿಸಿದೆ. ಭಾನುವಾರ (ಏ.06) ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಎಸ್‌ಆರ್‌ಎಚ್ ಮತ್ತು ಜಿಟಿ ನಡುವಿನ ಪಂದ್ಯದ ಸಂದರ್ಭದಲ್ಲಿ ಐಪಿಎಲ್ ನೀತಿ ಸಂಹಿತೆಯನ್ನು ಉಲ್ಲಂಘಿಸಿದ ಇಶಾಂತ್​ಗೆ ಪಂದ್ಯ ಶುಲ್ಕದ ಶೇ.25ರಷ್ಟು ದಂಡವನ್ನು ವಿಧಿಸಿ, ಡಿಮೆರಿಟ್ ಪಾಯಿಂಟ್ ಘೋಷಿಸಲಾಯಿತು.

ಇದನ್ನೂ ಓದಿ: ಮೆಟ್ರೋ ರೈಲಿನೊಳಗೆ ಮೊಟ್ಟೆ ತಿನ್ನುತ್ತಾ, ಮದ್ಯ ಸೇವಿಸಿ ಯುವಕನ ಹುಚ್ಚಾಟ; Viral vedeo

ಕಳೆದ ಆವೃತ್ತಿಯವರೆಗೂ ಸತತ ಮೂರು ಪಂದ್ಯಗಳಲ್ಲಿ ಮಂದಗತಿಯ ಓವರ್​ ಮಾಡಿದ ತಂಡಕ್ಕೆ ಭಾರೀ ದಂಡವನ್ನು ವಿಧಿಸುತ್ತಿದ್ದ ಬಿಸಿಸಿಐ, ಆ ತಂಡದ ಕ್ಯಾಪ್ಟನ್​ರನ್ನು ಮುಂದಿನ ಒಂದು ಪಂದ್ಯದಿಂದ ಹೊರಗಿಡುತ್ತಿತ್ತು. ಈ ನಿಯಮದ ವಿರುದ್ಧ ಕೊಂಚ ಅಪಸ್ವರ ಕೇಳಿಬಂದಿತು. ಇದರ ಬೆನ್ನಲ್ಲೇ 2025ರ ಆವೃತ್ತಿಯಿಂದ ಈ ನಿಯಮವನ್ನು ರದ್ದುಗೊಳಿಸಿ, ಕೇವಲ ಪಂದ್ಯ ಮೊತ್ತ ಮತ್ತು ಭಾರೀ ದಂಡವನ್ನು ವಿಧಿಸುವ ನಿಯಮವನ್ನು ಮಾತ್ರ ಇದೀಗ ಬಿಸಿಸಿಐ ಪಾಲಿಸುವುದಾಗಿ ತಿಳಿಸಿದೆ,(ಏಜೆನ್ಸೀಸ್).

https://www.vijayavani.net/who-has-orange-purple-cup-in-ipl-2025