ಸದ್ಯ ಭಾರತದ ಅತಿವೇಗದ ಓಟಗಾರ್ತಿ ಎನಿಸಿಕೊಂಡಿರುವ ಓಡಿಶಾದ 24 ವರ್ಷದ ದ್ಯುತಿ ಚಂದ್, ಬುಧವಾರ ಹೈದರಾಬಾದ್ನಲ್ಲಿ ಯುಎಸ್ ಕೌನ್ಸುಲ್ ಜನರಲ್ ಅವರೊಂದಿಗೆ ನಡೆದ ಆನ್ಲೈನ್ ಸಂವಾದದಲ್ಲಿ, ಪ್ರತಿಯೊಬ್ಬರಿಗೂ ಅವರದ್ದೇ ಆದ ಭಾವನೆಗಳಿರುತ್ತವೆ. ಯಾರು ಯಾರ ಪ್ರೀತಿ ಬಲೆಗೆ ಬೇಕಾದರೂ ಬೀಳಬಹುದು. ಅದಕ್ಕೆ ಜಾತಿ, ಧರ್ಮ ಅಥವಾ ಲಿಂಗ ಭೇದವಿಲ್ಲ ಎಂದು ತಮ್ಮ ನಿಲುವನ್ನು ಸಮರ್ಥಿಸಿಕೊಂಡಿದ್ದಾರೆ. ನಾನು ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿಕೊಂಡಿದ್ದೇನೆ. ನನಗೆ ಎಲ್ಲಾ ರೀತಿಯಲ್ಲೂ ಪ್ರೋತ್ಸಾಹ ನೀಡುತ್ತಾ ಬಂದಿದ್ದಾರೆ ಅವರು, ಜನರು ಏನು ಬೇಕಾದರೂ ಕರೆಯಲಿ, ನಾವು ತಲೆಕೆಡಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ. ಇದು ನಮ್ಮ ಜೀವನ, ನಮ್ಮ ಸಂತೋಷ, ಯಾರು ಹೆದರಿಸುವ ಕೆಲಸ ಮಾಡಬೇಡಿ ಎಂದಿದ್ದಾರೆ.
