ನವದೆಹಲಿ: ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಆತ ಉತ್ತಮ ಕ್ರಿಕೆಟ್ ಪಟುವಾಗುತ್ತಿದ್ದ. ಆದರೆ, ವಿಧಿಯಾಟವೇ ಬೇರೆಯಾಗಿತ್ತು. ಎಡಗಾಲು ನೋವಿಂದಾಗಿ ಕ್ರಿಕೆಟ್ ಜರ್ನಿಯೇ ಅಂತ್ಯಗೊಂಡಿತು. ಆದರೆ, ಛಲಬಿಡದ ಈತ ಕ್ರೀಡೆಯಲ್ಲೇ ತೊಡಗಬೇಕೆಂದು ನಿರ್ಧರಿಸಿ ಶಿವಂ ಠಾಕೂರ್ ಶೂಟಿಂಗ್ ಆಯ್ದುಕೊಂಡರು. ಕೌಂಟಿ ಶೂಟಿಂಗ್ನಲ್ಲಿ ಹಲವು ಪದಕ ಜಯಿಸಿ ಗಮನಸೆಳೆದಿದ್ದಾರೆ. ಇದೀಗ ಕರೊನಾ ವೈರಸ್ ಭೀತಿಯಿಂದಾಗಿ ಸಂಕಷ್ಟಕ್ಕೆ ಒಳಗಾಗಿರುವ ಕ್ರೀಡಾಪಟುಗಳ ಸಹಾಯಕ್ಕೆ ಮುಂದಾಗಿದ್ದಾರೆ. ಅದಕ್ಕಾಗಿ ಕ್ರಿಕೆಟ್ ಅಭ್ಯಾಸ ಮಾಡುವ ವೇಳೆ ಹಾರ್ದಿಕ್ ಪಾಂಡ್ಯ ಹಾಗೂ ದಿಗ್ಗಜ ಸಚಿನ್ ತೆಂಡುಲ್ಕರ್ ಪುತ್ರ ಅರ್ಜುನ್ ತೆಂಡುಲ್ಕರ್ ನೀಡಿದ್ದ ಕೆಲ ಕ್ರಿಕೆಟ್ ಪರಿಕರಗಳಿನ್ನು ಹರಾಜಿಗಿಡಲು ತೀರ್ಮಾನಿಸಿದ್ದಾರೆ.
