ಮಹಿಳೆಯೊಬ್ಬರು ಬಹಳ ಉತ್ಸಾಹದಿಂದ ಕೊಹ್ಲಿ ಜತೆ ಸೆಲ್ಫಿ ತೆಗೆಸಿಕೊಂಡ ವಿಡಿಯೋ ವೈರಲ್ ಆಗಿದೆ. ವಿಡಿಯೋದಲ್ಲಿ ಮಹಿಳೆಯೊಬ್ಬರು ವಿರಾಟ್ನನ್ನು ನೋಡಿದ ತಕ್ಷಣ ಅವರೊಂದಿಗೆ ಸೆಲ್ಫಿ ತೆಗೆದುಕೊಳ್ಳುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ. ಅದನ್ನು ಕೇಳಿ ವಿರಾಟ್ ಕೂಡ ನಿಂತು ಮಾತನಾಡಿಸುತ್ತಾರೆ. ಆದರೆ, ಮಹಿಳೆ ಫೋನ್ ತೆಗೆದು ಸೆಲ್ಫಿ ತೆಗೆದುಕೊಳ್ಳಲು ಯತ್ನಿಸಿದಾಗ ಗೊಂದಲಕ್ಕೀಡಾಗುತ್ತಾಳೆ. ವಿರಾಟ್ ಸೆಲ್ಫಿ ತೆಗೆಸಿಕೊಳ್ಳದೆ ಹೊರಟು ಹೋಗುತ್ತಾರೆ ಎಂದು ಭಾವಿಸಿದ ಮಹಿಳೆ, ಕೊಹ್ಲಿ ಕೈಯನ್ನು ಗಟ್ಟಿಯಾಗಿ ಹಿಡಿದುಕೊಳ್ಳುತ್ತಾರೆ. ಇದರಿಂದಾಗಿ ಕೊಹ್ಲಿಗೆ ಕೊಂಚ ಮುಜುಗರ ಉಂಟಾಗುತ್ತದೆ. ಮಹಿಳೆಯ ಫೋನ್ ಕ್ಯಾಮೆರಾ ಬೇಗ ತೆರೆಯದ ಕಾರಣ ಅಲ್ಲಿಯೇ ನಿಂತಿದ್ದ ಛಾಯಾಗ್ರಾಹಕರು ಆಕೆಯ ಫೋಟೋವನ್ನು ಕ್ಲಿಕ್ಕಿಸಿದ್ದಾರೆ. ಆ ಬಳಿಕ ವಿರಾಟ್ ಅಲ್ಲಿಂದ ನಿರ್ಗಮಿಸುತ್ತಾರೆ. ಇದೇ ಸಂದರ್ಭದಲ್ಲಿ ಮತ್ತೊಬ್ಬ ಮಹಿಳೆ ಕೊಹ್ಲಿ ಹಿಂದೆಯೇ ಓಡಿ ಹೋಗುತ್ತಾರೆ. ಅಷ್ಟರಲ್ಲಿ ಕೊಹ್ಲಿ ಹೋಟೆಲ್ ಒಳಗೆ ಹೋಗುತ್ತಾರೆ. ಸುಮಾರು 28 ಸೆಕೆಂಡಿನ ವಿಡಿಯೋ ಇಲ್ಲಿಗೆ ಕೊನೆಗೊಳ್ಳುತ್ತದೆ.
