ರೋಹಿತ್ ಶರ್ಮ ಎಡವಟ್ಟು! ಅಕ್ಸರ್ ಪಟೇಲ್​ ಹ್ಯಾಟ್ರಿಕ್​ಗೆ ಮುಳುವಾದ ಟೀಮ್ ಇಂಡಿಯಾ ಕ್ಯಾಪ್ಟನ್​ | Champions Trophy

Champions Trophy: ಬಹುನಿರೀಕ್ಷಿತ ಚಾಂಪಿಯನ್ಸ್ ಟ್ರೋಫಿ ನಿನ್ನೆಯಿಂದ (ಫೆ.19) ಅಧಿಕೃತ ಚಾಲನೆ ಪಡೆದುಕೊಂಡಿದ್ದು, ಶುಭಾರಂಭ ಪಂದ್ಯದಲ್ಲಿ ಆತಿಥೇಯ ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್ ತಂಡಗಳು ಮುಖಾಮುಖಿಯಾಗಿ ಸೆಣಸಾಡಿತು. ಇನ್ನು ಟೂರ್ನಿಯ ಎರಡನೇ ದಿನದಂದು ಬಾಂಗ್ಲಾದೇಶ ಮತ್ತು ಭಾರತ ತಂಡಗಳು ಅಖಾಡಕ್ಕಿಳಿದಿದ್ದು, ಮೊದಲು ಬ್ಯಾಟ್​ ಮಾಡುತ್ತಿರುವ ಬಾಂಗ್ಲಾ ಪಡೆಗೆ ದೊಡ್ಡ ಆಘಾತವೇ ಎದುರಾಗಿದೆ.

ಇದನ್ನೂ ಓದಿ: ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ: ಫೆ.28ರಂದು ನಗರದಲ್ಲಿ ಮಹಿಳಾ ಕ್ರೀಡಾಕೂಟ

ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಬಾಂಗ್ಲಾದೇಶ, ಟೀಮ್ ಇಂಡಿಯಾಗೆ ಬೌಲಿಂಗ್ ಮಾಡುವಂತೆ ಆಹ್ವಾನಿಸಿತು. ಈ ವೇಳೆ ಕ್ರೀಸ್​ಗೆ ಬಂದ ಬಾಂಗ್ಲಾ ಪಡೆ, ಆರಂಭದಲ್ಲೇ ಭಾರತೀಯ ಬೌಲರ್​ಗಳ ಆರ್ಭಟಕ್ಕೆ ತತ್ತರಿಸಿದ್ದು, 25 ಓವರ್ ಅಂತ್ಯಕ್ಕೆ ಬರೋಬ್ಬರಿ ಐದು ವಿಕೆಟ್​ಗಳನ್ನು ಕಳೆದುಕೊಂಡು, ತೀವ್ರ ಪರದಾಡುತ್ತಿದೆ. ಬಾಂಗ್ಲಾ ಹುಲಿಗಳನ್ನು ಕಾಡುತ್ತಿರುವ ಟೀಮ್ ಇಂಡಿಯಾ ಬೌಲರ್​ಗಳ ಪೈಕಿ ಹ್ಯಾಟ್ರಿಕ್​ನತ್ತ ಸಾಗಿದ ಸ್ಪಿನ್ನರ್​ ಅಕ್ಸರ್​ ಪಟೇಲ್​ ಪ್ರಯತ್ನ ಕಡೆಗೂ ವಿಫಲವಾಯಿತು. ಅದು ಕ್ಯಾಪ್ಟನ್​ ಎಡವಟ್ಟಿನಿಂದ.

ಜಖೆರ್​ ಅಲಿ ವಿಕೆಟ್​ ಪಡೆದು ಅಂತಾರಾಷ್ಟ್ರೀಯ ಏಕದಿನ ಇನ್ನಿಂಗ್ಸ್​ನಲ್ಲಿ ಹ್ಯಾಟ್ರಿಕ್​ ವಿಕೆಟ್​​ ದಾಖಲೆ ಬರೆಯಬೇಕಿದ್ದ ಅಕ್ಸರ್​ ಪಟೇಲ್​ ಕನಸನ್ನು ರೋಹಿತ್ ಶರ್ಮ ಕ್ಯಾಚ್​ ಕೈಚೆಲ್ಲುವ ಮೂಲಕ ಭಗ್ನಗೊಳಿಸಿದರು. ಸುಲಭ ಕ್ಯಾಚ್​​ ಅನ್ನು ಕೈಬಿಟ್ಟ ರೋಹಿತ್​, ತಾನು ಬಾಲ್ ಹಿಡಿಯಲು ಸಾಧ್ಯವಾಗಲಿಲ್ಲ ಎಂಬ ಬೇಸರದಿಂದ ನೆಲಕ್ಕೆ ಎರಡ್ಮೂರು ಬಾರಿ ಕೈನಿಂದ ಬಡಿದುಕೊಂಡರು. ಕಡೆಗೆ ಅಭಿಮಾನಿಗಳ ಮುಂದೆ ಕ್ಷಮೆಯಾಚಿಸಿದರು. ಕ್ಯಾಪ್ಟನ್ ಕ್ಯಾಚ್​ ಡ್ರಾಪ್​ನಿಂದ ಅಕ್ಸರ್​ ಪಟೇಲ್​ ಹ್ಯಾಟ್ರಿಕ್​ ದಾಖಲೆ ಮೊಟಕುಗೊಂಡಿತು ಎಂಬ ನಿರಾಸೆ ಅನೇಕರದ್ದು. ರೋಹಿತ್ ಕ್ಯಾಚ್​ ಕೈಬಿಟ್ಟ ದೃಶ್ಯ ಜಾಲತಾಣಗಳಲ್ಲಿ ಹರಿದಾಡಿದ್ದು, ಸದ್ಯ ಹಲವರ ಟೀಕೆಗೆ ಗುರಿಯಾಗಿದೆ,(ಏಜೆನ್ಸೀಸ್).

https://www.vijayavani.net/know-these-before-getting-gold-loan