ಸದ್ಯ ಇದು ಒಂದು ರೀತಿ ಆರ್ಸಿಬಿಗೆ ಪ್ಲಸ್ ಪಾಯಿಂಟ್ ಆಗಿದ್ದು, ಎರಡನೇ ಅಥವಾ ಮೂರನೇ ಕ್ರಮಾಂಕದಲ್ಲಿ ತಂಡದ ಪರ ಸ್ಪೋಟಕ ಬ್ಯಾಟಿಂಗ್ ಮಾಡುವ ರಿಷಭ್ ಪಂತ್, ಕ್ಯಾಪ್ಟನ್ ಆಗಿಯೂ ಡೆಲ್ಲಿ ಗೆಲುವಿಗೆ ಪ್ರಮುಖ ಕಾರಣರಾಗಿದ್ದರು. ಅದರಲ್ಲೂ ಮುಂದಿನ ಪ್ರತಿ ಪಂದ್ಯವು ಬಹಳ ಮುಖ್ಯವಾಗಿದ್ದು, ಪ್ಲೇಆಫ್ಗಾಗಿ ಎದುರಾಳಿಗಳೊಂದಿಗೆ ಭಾರೀ ಹಣಾಹಣಿ ನಡೆಸಬೇಕಿದೆ, ಗೆದ್ದು ಪ್ಲೇಆಫ್ಗೆ ಎಂಟ್ರಿ ಕೊಡಲೇಬೇಕಿದೆ. ಹೀಗಿರುವಾಗಲೇ ತಂಡದಿಂದ ಪಂತ್ ಹೊರಗಿರುವುದು ಡೆಲ್ಲಿಗೆ ಮೈನಸ್ ಆದರೆ, ಆರ್ಸಿಬಿಗೆ ದೊಡ್ಡ ಪ್ಲಸ್ ಆಗಿ ಪರಿಣಮಿಸಿದೆ. ಒಟ್ಟಿನಲ್ಲಿ ಮುಂದಿನ ಮ್ಯಾಚ್ ಬೆಂಗಳೂರು ಪಾಲಾದರೆ, ಖಂಡಿತವಾಗಿ ರಿಷಭ್ ಅನುಪಸ್ಥಿತಿಯೇ ಡೆಲ್ಲಿ ಸೋಲಿಗೆ ಪ್ರಮುಖ ಕಾರಣವಾಗುವುದರಲ್ಲಿ ಅನುಮಾನವೇ ಇಲ್ಲ.
