ಭಾರತದಲ್ಲಿ ಮಹಾಮಾರಿ ಕೋವಿಡ್19ರ ಹಾವಳಿ ಮಿತಿಮೀರಿದ್ದು, ಅಂದಾಜು 2 ಲಕ್ಷ ಜನರಿಗೆ ಸೋಂಕು ತಗುಲಿದೆ. ಆರ್ಥಿಕ ಪುನಶ್ಚೇತನಕ್ಕಾಗಿ ಕೇಂದ್ರ ಸರ್ಕಾರ ಕೂಡ ಹಂತ ಹಂತವಾಗಿ ಲಾಕ್ಡೌನ್ ಸಡಿಲಗೊಳಿಸುತ್ತಿದ್ದು, ಮಾರ್ಗಸೂಚಿ ರೂಪಿಸಿ ಕೆಲವೊಂದು ಕ್ರೀಡಾ ಚಟುವಟಿಕೆಗಳ ಪುನರಾರಂಭಕ್ಕೆ ಈಗಾಗಲೇ ಅನುಮತಿ ನೀಡಿದೆ. ರಾಷ್ಟ್ರೀಯ ತರಬೇತಿ ಶಿಬಿರ ಆರಂಭಿಸುವ ಬಗ್ಗೆ ಕ್ರಿಕೆಟ್ ವ್ಯವಹಾರಗಳ ತಂಡ ಹಾಗೂ ಎನ್ಸಿಎ ಸಿಬ್ಬಂದಿ ಕಾರ್ಯಸೂಚಿ ರೂಪಿಸುತ್ತಿದ್ದಾರೆ. ಆದಷ್ಟು ಬೇಗ ಈ ಬಗ್ಗೆ ನಿರ್ಧಾರ ಕೖಗೊಳ್ಳುವ ಸಾಧ್ಯತೆ ಇದೆ. ಕೆಲವು ರಾಜ್ಯಗಳು ಲಾಕ್ಡೌನ್, ಆನ್ಲಾಕ್ ಕುರಿತು ತಮ್ಮದೇ ಆದ ಮಾರ್ಗಸೂಚಿಯನ್ನು ಹೊಂದಿವೆ. ಅವುಗಳನ್ನು ಆಧರಿಸಿ ಕ್ರಿಕೆಟ್ ಚಟುವಟಿಕೆ ಪುನರಾರಂಭಿಸುವ ಬಗ್ಗೆ ತೀಮಾನಿಸಲಾಗುವುದೆಂದು ಧುಮಾಲ್ ಹೇಳಿದ್ದಾರೆ.
