ಯುಗಾದಿ ಹಬ್ಬಕ್ಕೆ ಶುಭಕೋರಿದ RCB ಆಟಗಾರರು! ಕಪ್ ಗೆದ್ರೆ ಪ್ರತಿದಿನ ಹಬ್ಬನೇ, ಮೊದಲು ಮ್ಯಾಚ್ ಗೆಲ್ಲಿ ಎಂದ್ರು ಫ್ಯಾನ್ಸ್​

ಬೆಂಗಳೂರು: ನಾಡಿನೆಲ್ಲೆಡೆ ಯುಗಾದಿ ಸಂಭ್ರಮ ಜೋರಾಗಿದ್ದು, ರಾಜ್ಯದ ಜನರು ಕುಟುಂಬ ಸಮೇತ ಹೊಸ ವರ್ಷದ ಹಬ್ಬದಲ್ಲಿ ಸಖತ್ ಬ್ಯುಸಿಯಾಗಿದ್ದಾರೆ. ಈ ಸಂದರ್ಭಕ್ಕೆ ಅನುಗುಣವಾಗುವಂತೆ ತಮ್ಮ ತಂಡವನ್ನು ಪ್ರತಿ ಪಂದ್ಯದಲ್ಲಿ ಬೆನ್ನುತಟ್ಟಿ, ಎಲ್ಲೇ ಮೀರಿ ಪ್ರೋತ್ಸಾಹಿಸುವ ಅಭಿಮಾನಿಗಳಿಗೆ ಯುಗಾದಿ ಹಬ್ಬದ ಶುಭಾಶಯಗಳನ್ನು ತಿಳಿಸಿದ್ದಾರೆ.

ಇದನ್ನೂ ಓದಿ: ಅಮೆರಿಕದಲ್ಲಿ ಮತ್ತೊಬ್ಬ ಭಾರತೀಯ ವಿದ್ಯಾರ್ಥಿ ಸಾವು: ಉಮಾ ಸತ್ಯ ಸಾಯಿ ನಂತರ ಈಗ ಅಬ್ದುಲ್ ಅರಾಫತ್ ಮೃತದೇಹ ಪತ್ತೆ

ಕಳೆದ 16 ವರ್ಷಗಳಿಂದ ಸತತವಾಗಿ ಆರ್​ಸಿಬಿ ತಂಡವನ್ನು ಪ್ರೋತ್ಸಾಹಿಸಿಕೊಂಡು ಬರುತ್ತಿರುವ ಕನ್ನಡಿಗರು ಹಾಗೂ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಅಭಿಮಾನಿಗಳಿಗೆ ಹಬ್ಬದ ಶುಭಾಶಯಗಳನ್ನು ವಿಶೇಷವಾಗಿ ತಿಳಿಸಲು ಆರ್​ಸಿಬಿ ತಂಡದ ವಿಕೆಟ್ ಕೀಪರ್​, ಸ್ಪೋಟಕ ಬ್ಯಾಟ್ಸ್​ಮನ್ ದಿನೇಶ್ ಕಾರ್ತಿಕ್, ಲಮ್ರೋರ್​, ಎಸ್​. ದಯಾಳ್​, ವಿಜಯ್​ ಕುಮಾರ್​ ವೈಶಾಕ್, ವುಮೆನ್ಸ್ ಆರ್​ಸಿಬಿ ತಂಡದ ಆಟಗಾರ್ತಿ, ಕನ್ನಡತಿ ಶ್ರೇಯಾಂಕ ಪಾಟೀಲ್​ ನಾಡಿನ ಸಮಸ್ತ ಜನತೆಗೆ ಯುಗಾದಿ ಶುಭಾಶಯ ತಿಳಿಸಿದ್ದಾರೆ.

ಒಂದೆಡೆ ತಮ್ಮ ನೆಚ್ಚಿನ ತಂಡದ ಆಟಗಾರರು ಶುಭಕೋರಿದ್ದಕ್ಕೆ ಕೆಲವರು ಸಂತಸಪಟ್ಟರೆ, ಇನ್ನು ಕೆಲವರು ಮೊದಲು ಪಂದ್ಯದ ಮೇಲೆ ಹೆಚ್ಚು ಗಮನಹರಿಸಿ, ಉಳಿದದ್ದು ಆಮೇಲೆ ಎಂದಿದ್ದಾರೆ. ಮತ್ತೊಬ್ಬರು ನೀವು ಕಪ್​ ಗೆದ್ರೆ ಪ್ರತಿದಿನ ನಮಗೆ ಯುಗಾದಿ ಹಬ್ಬನೇ, ಮೊದಲು ಪಂದ್ಯಗಳನ್ನು ಗೆಲ್ಲಿ ಎಂದು ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಕಮೆಂಟ್ ಮಾಡಿದ್ದಾರೆ.

ಇದನ್ನೂ ಓದಿ: ಯುಗಾದಿ ಹಬ್ಬದಂದು ತಪ್ಪದೇ ಈ ಕೆಲಸಗಳನ್ನು ಮಾಡಿ! ನಿಮ್ಮ ಇಷ್ಟಾರ್ಥಗಳನ್ನು ಸಿದ್ಧಿಸಿಕೊಳ್ಳಿ

ಕಳೆದ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್​ ವಿರುದ್ಧ ಹೀನಾಯ ಸೋಲು ಅನುಭವಿಸಿದ್ದಕ್ಕೆ ಆರ್​ಸಿಬಿ ಅಭಿಮಾನಿಗಳು ಭಾರೀ ಬೇಸರ ಹೊರಹಾಕಿದ್ದರು. ಸತತ ಸೋಲಿಗೆ ಕಾರಣ ಆಟಗಾರರೂ ಹೌದು. ಅದಕ್ಕಿಂತ ಹೆಚ್ಚಾಗಿ ಮ್ಯಾನೆಜ್​ಮೆಂಟ್​ ವೈಫಲ್ಯವೇ ಆರ್​ಸಿಬಿಯ ಸತತ ಸೋಲಿಗೆ ಕಾರಣ ಎಂದು ನೇರ ಆರೋಪ ಮಾಡಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಬೆಂಗಳೂರು ತಂಡದ ಮೇಲಿನ ಅಸಮಾಧಾನ ಎಂದಿನಂತೆ ಮುಂದುವರೆದಿದೆ. ಮುಂಬರುವ ಮ್ಯಾಚ್​ಗಳಲ್ಲಿ ಆದರೂ ತಂಡ ಗೆದ್ದು ಬರಲಿ ಎಂದು ಫ್ಯಾನ್ಸ್​ ಆಶಿಸಿದ್ದಾರೆ.

https://www.vijayavani.net/this-farmers-tells-astrology-by-seeing-leaves

https://www.vijayavani.net/dhoni-missed-russel-catch-still-fans