ನೀವು ಆರ್​ಸಿಬಿ ಫ್ಯಾನ್​ ಆಗಿದ್ದೇ ಹೌದಾದರೆ ಇವರ್ಯಾರು ಎಂದು ಗುರುತಿಸಿ; ಅಭಿಮಾನಿಗಳಿಗೆ ಆರ್​ಸಿಬಿ ಸವಾಲ್​

ಬೆಂಗಳೂರು: ಐಪಿಎಲ್​ ಮುಗಿದಿದೆ, ಆದರೆ ಅದರ ಅಭಿಮಾನಿಗಳು ಮಾತ್ರ ಅದರ ಗುಂಗಿನಿಂದ ಹೊರಬಂದಿಲ್ಲ. ಅದರಲ್ಲೂ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವ ಆರ್​ಸಿಬಿ ಅಭಿಮಾನಿಗಳಂತೂ ಈಗಾಗಲೇ ಮುಂದಿನ ಐಪಿಎಲ್​ಗೆ ಸಕಲ ಸಿದ್ಧತೆ ಮಾಡಿಕೊಳ್ಳಲಾರಂಭಿಸಿದ್ದಾರೆ, ಹಾಗೆಯೇ ಮುಗಿದಿರುವ ಐಪಿಎಲ್​ನಲ್ಲಿ ಆರ್​ಸಿಬಿ ಎಲ್ಲಿ ಎಡವಿತು, ಹೇಗೆ ಆಡಬೇಕಿತ್ತು ಎನ್ನುವುದರ ವಿಮರ್ಶೆಯನ್ನು ಮುಂದುವರಿಸಿದ್ದಾರೆ.

ಇದನ್ನೂ ಓದಿ: ರೈಲಿನ ಮೇಲೆ ಸೆಲ್ಫೀಗೆ ಫೋಸ್​ ಕೊಡುತ್ತಿದ್ದ ಬಾಲಕ ವಿದ್ಯುತ್​ ತಗುಲಿ ಸತ್ತೇ ಹೋದ

ನೀವು ಒಂದು ವೇಳೆ ಅರ್​ಸಿಬಿಯ ಕಟ್ಟಾ ಅಭಿಮಾನಿಯಾಗಿದ್ದರೆ ನಿಮಗೊಂದು ಸವಾಲಿದೆ. ಹಾಗೆಂದು ಈ ಸವಾಲನ್ನು ನಾವು ಕೊಡುತ್ತಿದ್ದೇವೆ ಎಂದುಕೊಳ್ಳಬೇಡಿ. ಈ ಸವಾಲನ್ನು ಕೊಟ್ಟಿರುವುದು ಕೂಡ ಆರ್​ಸಿಬಿ ತಂಡವೇ.

ಆರ್​ಸಿಬಿಯ ನಿಮ್ಮಿಷ್ಟದ ಆಟಗಾರರೊಬ್ಬರನ್ನು ಕೇವಲ ಬಿಳಿ ಬಣ್ಣದಲ್ಲಿ ಚಿತ್ರಿಸಲಾಗಿದೆ. ಹಿಂದೆ ಆರ್​ಸಿಬಿಯ ಕೆಂಪು ಬಣ್ಣದ ಬ್ಯಾಕ್​ಗ್ರೌಂಡ್​ ಕೊಡಲಾಗಿದೆ. ಬಿಳಿ ಬಣ್ಣದಲ್ಲಿ ಚಿತ್ರಿಸಲಾಗಿರುವ ಆಟಗಾರ ನಿಂತಿರುವ ಭಂಗಿ ನೋಡಿಯೇ ನೀವು ಅವರನ್ನು ಕಂಡು ಹಿಡಿಯುತ್ತೀರಿ ಎನ್ನುವ ನಂಬಿಕೆ ತಂಡಕ್ಕಿದೆ. ಯಾರೆಂದು ಕಂಡುಹಿಡಿಯಿರಿ ಎಂದು ಟ್ವಿಟ್ಟರ್​ನಲ್ಲಿ ಕೇಳಿದೆ.

ಇದನ್ನೂ ಓದಿ: ಮಾಸ್ಕ್​ ಹಾಕದಿದ್ದರೆ 500 ರೂ. ಅಲ್ಲ, 2 ಸಾವಿರ ರೂ. ಫೈನ್​!

ಆರ್​ಸಿಬಿ ಈ ಸವಾಲಿನ ಟ್ವೀಟ್​ ಮಾಡಿ ಅರ್ಧ ಗಂಟೆಯೊಳಗೆ ಸಾವಿರಾರು ಜನರು ಆಟಗಾರರನನ್ನು ಗೆಸ್​ ಮಾಡಿ ಕಮೆಂಟ್​ ಮಾಡಿದ್ದಾರೆ. ಒಂದು ವೇಳೆ ನಿಮಗೂ ಅದು ಯಾರೆಂದು ತಿಳಿದರೆ ನೀವೂ ಕಮೆಂಟ್​ ಮಾಡಿ ಬನ್ನಿ. (ಏಜೆನ್ಸೀಸ್​)

https://www.vijayavani.net/a-video-of-bihars-minister-struggling-to-get-the-lines-of-the-national-anthem-during-a-flag-hoisting-ceremony/

https://www.vijayavani.net/congress-will-be-contesting-the-bmc-election-2022-alone/