ಟಿ20 ವಿಶ್ವಕಪ್ 2024ರ ಟೂರ್ನಿಯೇ ಅಂತಿಮ ಎಂದು ಮುಂಚಿತವಾಗಿಯೇ ತಮ್ಮ ಹೆಡ್ ಕೋಚ್ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದ ರಾಹುಲ್ ದ್ರಾವಿಡ್, ಎಲ್ಲರ ನಿರೀಕ್ಷೆಯಂತೆ ಟೀಮ್ ಇಂಡಿಯಾಗೆ ವಿಶ್ವಕಪ್ ಟ್ರೋಫಿ ತಂದುಕೊಡುವ ಮೂಲಕ ಹ್ಯಾಪಿ ಎಂಡಿಂಗ್ ಪಡೆದಿದ್ದು ಕ್ರಿಕೆಟ್ ಅಭಿಮಾನಿಗಳಿಗೆ ಬಹಳ ಸಂತೋಷ ಉಂಟಾಯಿತು. ದ್ರಾವಿಡ್ ನಿವೃತ್ತಿಯನ್ನು ನೆನೆದು ಕೆಲವರು ಭಾವುಕರಾದರೆ, ಇನ್ನೂ ಕೆಲವರು ಇಂತಹ ಐತಿಹಾಸಿಕ ಗೆಲುವಿಗೆ ಕಾರಣರಾದ ನಿಮಗೆ ಧನ್ಯವಾದ ಎಂದು ತಿಳಿಸಿದರು. ಸದ್ಯ ಇದೆಲ್ಲದರ ಮಧ್ಯೆ ಇದೀಗ ಹೊಸ ಸುದ್ದಿಯೊಂದು ಹೊರಬಿದ್ದಿದ್ದು, ಮುಂಬರುವ ಐಪಿಎಲ್ಗೆ ರಾಹುಲ್ ಅವರೇ ನಮಗೆ ಕೋಚ್ ಆಗಬೇಕು ಎಂದು ಹೆಸರಾಂತ ಫ್ರಾಂಚೈಸಿಯೊಂದು ಮನವಿ ಮಾಡಿದೆ.
