ನಮ್ಮ ಗೆಲುವಿಗೆ ಬಾಂಗ್ಲಾ ಬೌಲರ್​ಗಳು ಸವಾಲಾಗಿದ್ದರು; ಪಂದ್ಯಶ್ರೇಷ್ಠ ಪ್ರಶಸ್ತಿ ಬಳಿಕ ಅಶ್ವಿನ್ ಹೇಳಿದ್ದು ಹೀಗೆ!

ಢಾಕಾ: ರೋಚಕತೆ ಕಾಯ್ದುಕೊಂಡಿದ್ದ ಬಾಂಗ್ಲಾದೇಶ ವಿರುದ್ಧದ ಎರಡನೇ ಟೆಸ್ಟ್​​ ಪಂದ್ಯದಲ್ಲಿ ಆರ್​​.ಅಶ್ವಿನ್ ಜವಾಬ್ದಾರಿಯುತ ಇನ್ನಿಂಗ್ಸ್​​ ನೆರವಿನಿಂದ ಭಾರತ ಗೆಲವು ದಾಖಲಿಸಿಕೊಂಡಿತು. ಬೌಂಡರಿ ಬಾರಿಸುವ ಟೀಂ ಇಂಡಿಯಾದ ಗೆಲುವನ್ನು ಅಧಿಕೃತಗೊಳಿಸಿದರು.

ಭಾರತದ ಗೆಲುವಿಗೆ 145 ರನ್​ಗಳ ಸಾಧಾರಣ ಗುರಿಯನ್ನು ಬಾಂಗ್ಲಾದೇಶ ನೀಡಿತ್ತು. ಆದರೆ ಚೇಸಿಂಗ್ ವೇಳೆ ಬಾಂಗ್ಲಾ ಸ್ಪಿನ್ ದಾಳಿಗೆ ಭಾರತದ ಬ್ಯಾಟರ್​ಗಳು ಎಡವಿದರು. ಒಂದು ಹಂತದಲ್ಲಿ ಭಾರತ ಸೋತೇ ಬಿಡುತ್ತದೆ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಸಂಕಷ್ಟದ ಸ್ಥಿತಿಯಲ್ಲಿ ಅಶ್ವಿನ್-ಶ್ರೇಯಸ್ ಜೋಡಿ ಜವಾಬ್ದಾರಿಯುತ ಇನ್ನಿಂಗ್ಸ್​ ಕಟ್ಟಿದರು. 74 ರನ್​​ಗಳಿಗೆ 7 ವಿಕೆಟ್ ಕಳೆದುಕೊಂಡು ಎಡವಿದ್ದ ಟೀಂ ಇಂಡಿಯಾಗೆ ಅಶ್ವಿನ್ ಮತ್ತು ಶ್ರೇಯಸ್ ಅಯ್ಯರ್ 71 ರನ್​ಗಳ ಅರ್ಧಶತಕದ ಜೊತೆಯಾಟದ ಮೂಲಕ ಕುತೂಹಲ ಕೆರಳಿಸಿದ್ದ ಪಂದ್ಯದಲ್ಲಿ ರೋಚಕ ಜಯ ತಂದುಕೊಟ್ಟರು.

ಆರ್​. ಅಶ್ವಿನ್ 42 ರನ್ ಮತ್ತು ಶ್ರೇಯಸ್ ಅಯ್ಯರ್ 28 ರನ್ ಗಳಿಸಿ ಅಜೇಯರಾಗಿ ಉಳಿದರು. ಅಶ್ವಿನ್ ಪಂದ್ರಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರೆ, ಚೇತೇಶ್ವರ್ ಪೂಜಾರ ಸರಣಿ ಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಪಂದ್ಯದ ಬಳಿಕ ಅಶ್ವಿನ್ ಮಾತನಾಡುತ್ತಾ, ಬಾಂಗ್ಲಾ ಬೌಲರ್​ಗಳು ನಮ್ಮ ಮೇಲೆ ನಿಜವಾದ ಒತ್ತಡವನ್ನೇ ಹೇರಿದರು. ಕಡಿಮೆ ರನ್ ಅಂತರದಲ್ಲಿ ಹೆಚ್ಚು ವಿಕೆಟ್ ಕಳೆದುಕೊಂಡಿದ್ದರಿಂದ ಗೆಲುವಿನ ಅವಕಾಶ ಕಡಿಮೆಯಿತ್ತು. ಹೆಚ್ಚಿನ ಬ್ಯಾಟಿಂಗ್ ಕೂಡ ಉಳಿದರಲಿಲ್ಲ. ಹೀಗಾಗಿ ಜವಾಬ್ದಾರಿಯುತವಾಗಿ ಬ್ಯಾಟಿಂಗ್ ನಡೆಸಬೇಕಾಗಿತ್ತು. ಬಾಂಗ್ಲಾ ಬೌಲರ್​ಗಳು ಉತ್ತಮ ಲೈನ್​ನಲ್ಲಿ ಬೌಲಿಂಗ್ ಮಾಡಿದರು ಎಂದು ಹೇಳಿದರು. (ಏಜೆನ್ಸೀಸ್)

https://www.vijayavani.net/ind-vs-ban-india-beat-bangladesh-by-3-wickets-in-2nd-test/

https://www.vijayavani.net/hardik-pandya-likely-to-replace-rohit-sharma-as-indias-odi/