ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ನಾಕೌಟ್ ಪಂದ್ಯದಲ್ಲಿ ಸಿಎಸ್ಕೆ ತಂಡವನ್ನು ಹೀನಾಯವಾಗಿ ಸೋಲಿಸಿದ ಆರ್ಸಿಬಿ ಅಂದು ತನ್ನ ಗೆಲುವನ್ನು ಸಂಭ್ರಮಿಸಿದ ರೀತಿ ಕಂಡು ಅಂಬಟಿ ರಾಯಡು ತೀವ್ರ ಸಿಟ್ಟಾಗಿದ್ದರು. ಅದರಲ್ಲೂ ಆರ್ಸಿಬಿ ಪರ ಸ್ಟಾರ್ ಬ್ಯಾಟ್ಸ್ಮನ್ ಆದ ವಿರಾಟ್ ಕೊಹ್ಲಿ, ಪಂದ್ಯ ಗೆಲ್ಲುತ್ತಿದ್ದಂತೆ ಕಿರುಚಿ, ಕುಣಿದು, ಸಂಭ್ರಮಿಸಿದ್ದನ್ನು ಸಹ ವಿರೋಧಿಸಿ ಮಾತನಾಡಿದ್ದರು. ಸಿಎಸ್ಕೆ ವಿರುದ್ಧ ಗೆದ್ದು ಬೀಗಿದ ಆರ್ಸಿಬಿ, ಎಲಿಮಿನೇಟರ್ ಮ್ಯಾಚ್ನಲ್ಲಿ ರಾಜಸ್ಥಾನ ರಾಯಲ್ಸ್ ಎದುರು ಸೋಲುಂಡಿತು. ಇದೇ ವಿಷಯವನ್ನು ಮುಂದಿಟ್ಟು, ವಿರಾಟ್ರನ್ನು ಟೀಕಿಸಿದ ರಾಯಡು, ಕಿರುಚಾಡಿ, ಕೂಗಾಡಿದರೆ ಏನೂ ಫಲ ಎಂದು ಲೇವಡಿ ಮಾಡಿದ್ದರು.
