ಕಳೆದ 16 ವರ್ಷಗಳಿಂದಲೂ ಒಂದು ಬಾರಿಯೂ ಕಪ್ ನೋಡದ ಆರ್ಸಿಬಿ ಖಂಡಿತ 17ನೇ ಸೀಸನ್ನಲ್ಲಿ ಟ್ರೋಫಿ ಎತ್ತಿ ಹಿಡಿಯಲಿದೆ ಎಂದು ಅನೇಕ ಮಾಜಿ ಕ್ರಿಕೆಟಿಗರು ಮತ್ತು ಅಭಿಮಾನಿಗಳು ಭರವಸೆ ವ್ಯಕ್ತಪಡಿಸಿದ್ದರು. ಆದರೆ, ಲೀಗ್ನ ಮಧ್ಯಂತರದಲ್ಲಿ ಸತತ ಸೋಲುಗಳಿಂದ ಕಂಗೆಟ್ಟು, ಅಂಕಪಟ್ಟಿಯಲ್ಲಿ 10ನೇ ಸ್ಥಾನ ಗಳಿಸಿದ್ದನ್ನು ನೋಡಿ, ಪ್ಲೇಆಫ್ ಕನಸು ಮುಗಿಯಿತು ಎಂದೇ ಭಾವಿಸಿದ್ದರು. ಇದೆಲ್ಲದರ ನಡುವೆ ಬ್ಯಾಕ್ ಟು ಬ್ಯಾಕ್ ಗೆಲುವಿನ ಮೂಲಕ ಟಾಪ್ ಐದಕ್ಕೆ ಬಂದು, ರೋಚಕ ನಾಕೌಟ್ ಪಂದ್ಯದಲ್ಲಿಯೂ ಸಿಎಸ್ಕೆ ಮಣಿಸಿದ ಆರ್ಸಿಬಿ, ಐತಿಹಾಸಿಕವಾಗಿ ಪ್ಲೇಆಫ್ಗೆ ಎಂಟ್ರಿ ಕೊಟ್ಟಿತು. ಇದು ನೋಡುಗರ ಹುಬ್ಬೇರುವಂತೆ ಮಾಡಿತು. ಜತೆಗೆ ಕೆಲವರ ಬಾಯಿಯನ್ನು ಮುಚ್ಚುವಂತೆ ಸಹ ಮಾಡಿತ್ತು.
