ಬೆಂಗಳೂರು: ನಿನ್ನೆ (ಮೇ.23) ರಾಜಸ್ಥಾನ ರಾಯಲ್ಸ್ ವಿರುದ್ಧದ ಎಲಿಮಿನೇಟರ್ ಪಂದ್ಯದಲ್ಲಿ 4 ವಿಕೆಟ್ ಅಂತರದಿಂದ ಸೋತ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ, ಸತತವಾಗಿ 17ನೇ ಆವೃತ್ತಿಯಲ್ಲಿಯೂ ಕಪ್ ನೋಡದೆ ತಮ್ಮ ಅಭಿಮಾನಿಗಳನ್ನು ನಿರಾಸೆಗೊಳಿಸಿತು. ಆದ್ರೆ, ಲೀಗ್ನ ಮೊದಲ ಹಂತದಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡಿ, ಅಂಕಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿದ್ದ ಆರ್ಸಿಬಿ, ಪ್ಲೇಆಫ್ ಇರಲಿ ಮೊದಲು ಟಾಪ್ 5ಗೆ ಬರಲಿ ನೋಡೋಣ ಎಂದು ಅನೇಕರು ಸವಾಲು ಹಾಕಿದ್ದರು. ಈ ಟೀಕೆ, ಲೆಕ್ಕಾಚಾರಗಳನ್ನು ತಲೆಕೆಳಗಾಗಿ ಮಾಡಿದ ಆರ್ಸಿಬಿ ತಂಡ, ಬ್ಯಾಕ್ ಟು ಬ್ಯಾಕ್ ಆರು ಪಂದ್ಯಗಳನ್ನು ಭಾರೀ ಅಂತರದಿಂದ ಗೆಲ್ಲುವ ಮೂಲಕ ಪ್ಲೇಆಫ್ಗೆ ಅದ್ದೂರಿ ಎಂಟ್ರಿ ಕೊಟ್ಟು, ಟೀಕಾಕಾರರಿಗೆ ಭಾರೀ ಮುಖಭಂಗ ಉಂಟುಮಾಡಿತು.
ಇದನ್ನೂ ಓದಿ: ಪ್ರಜ್ವಲ್ ರೇವಣ್ಣ ನಡೆಸಿರುವುದು ಲೈಂಗಿಕ ಹತ್ಯಾಕಾಂಡ: ಪ್ರಾಂತ ಕೃಷಿ ಕೂಲಿಕಾರರ ಸಂಘ ಆಕ್ರೋಶ
ಪ್ರಸಕ್ತ ಐಪಿಎಲ್ ಆವೃತ್ತಿಯಲ್ಲಿ ಅತ್ಯಂತ ಕಳಪೆ ಫಾರ್ಮ್ನಿಂದ ಅತ್ಯುತ್ತಮ ಪ್ರದರ್ಶನ ನೀಡಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಎಲ್ಲಿಲ್ಲದ ಮೆಚ್ಚುಗೆ, ಶ್ಲಾಘನೆ ವ್ಯಕ್ತವಾಗಿದೆ. ಯಾರು ಟೀಕೆ, ಅಪಹಾಸ್ಯ ಮಾಡಿದ್ದರೋ, ಅವರೇ ಇಂದು ಆರ್ಸಿಬಿ ತಂಡ ನೀಡಿದ ಅಮೋಘ ಪ್ರದರ್ಶನಕ್ಕೆ ಮನಸೋತು, ತಮ್ಮ ಮಾತುಗಳನ್ನು ಬದಲಾಯಿಸಿಕೊಂಡಿದ್ದಾರೆ. ಆದ್ರೆ, ಈ ಮಧ್ಯೆ ಸಿಎಸ್ಕೆ ತಂಡದ ಕೆಲವು ಅಭಿಮಾನಿಗಳು ಮಾತ್ರ ಎಂದಿನಂತೆ ತಮ್ಮ ಟೀಕೆ ಮಾಡುವ ಚಾಳಿಯನ್ನು ಯಶಸ್ವಿಯಾಗಿ ಮುಂದುವರೆಸಿದ್ದಾರೆ.
ಆರು ಸತತ ಗೆಲುವಿನಲ್ಲಿ ಒಂದಷ್ಟು ಆಟಗಾರರು ಅದ್ದೂರಿ ಪ್ರದರ್ಶನ ನೀಡಿ, ತಂಡದವರ ಗಮನೆಸೆಳೆದು ಮುಂದಿನ ಸೀಸನ್ಗೂ ಆಡುವ ಭರವಸೆ ಉಳಿಸಿಕೊಂಡರೆ, ಇನ್ನೂ ಕೆಲವರು ಇಡೀ ಸೀಸನ್ನಲ್ಲಿ ಒಂದೇ ಒಂದು ಪಂದ್ಯವನ್ನು ಆಡದೆ, ತಂಡದೊಂದಿಗೆ ಪಂದ್ಯ ನೋಡುತ್ತ ಪ್ರೋತ್ಸಾಹಿಸಿದ್ದಾರೆ. ಆದ್ರೆ, ಅಪಾರ ನಿರೀಕ್ಷೆ ಮೂಡಿಸಿದ್ದ ಸ್ಟಾರ್ ಆಟಗಾರರೇ ಅತ್ಯಂತ ಕಳೆಪೆ ಪ್ರದರ್ಶನ ನೀಡಿದ್ದು, ಇವರು ಅವರೇನಾ? ಎಂದು ಪ್ರಶ್ನಿಸುವಂತೆ ಮಾಡಿತು.
ಇದನ್ನೂ ಓದಿ: ಪ್ರಜ್ವಲ್ ರೇವಣ್ಣ ನಡೆಸಿರುವುದು ಲೈಂಗಿಕ ಹತ್ಯಾಕಾಂಡ: ಪ್ರಾಂತ ಕೃಷಿ ಕೂಲಿಕಾರರ ಸಂಘ ಆಕ್ರೋಶ
ಈ ಸೀಸನ್ನಲ್ಲಿ ಆರ್ಸಿಬಿ ಪರ ಆರಂಭಿಕ ಪಂದ್ಯಗಳಲ್ಲಿ ಆಡಿದ ವೆಸ್ಟ್ ಇಂಡೀಸ್ನ ಸ್ಟಾರ್ ಬೌಲರ್ ಅಲ್ಜಾರಿ ಜೋಸೆಫ್, ತೀರ ಕಳಪೆ ಮಟ್ಟದ ಬೌಲಿಂಗ್ ಮಾಡಿ, ಎದುರಾಳಿಗಳು ಅತ್ಯಧಿಕ ರನ್ಗಳನ್ನು ತನ್ನ ಓವರ್ನಲ್ಲಿಯೇ ಸಿಡಿಸುವಂತೆ ಮಾಡಿದರು. ಇದರಿಂದ ಕೆರಳಿದ ಫ್ರಾಂಚೈಸಿ ಅಭಿಮಾನಿಗಳು ಇಂತಹ ಆಟಗಾರನಿಗೆ 11.5 ಕೋಟಿ ರೂ. ಕೊಟ್ಟು ತಂಡಕ್ಕೆ ಕರೆದುಕೊಳ್ಳುವಂತದ್ದೇನಿತ್ತು? ಎಂದು ಪ್ರಶ್ನಿಸಿತ್ತು. ವ್ಯಾಪಕ ಆಕ್ರೋಶದ ಬೆನ್ನಲ್ಲೇ ಟೀಮ್ ಮ್ಯಾನೆಂಜ್ಮೆಂಟ್ ಜೋಸೆಫ್ರನ್ನು ತಂಡದಿಂದ ಕೈಬಿಟ್ಟಿತು.
ಜೋಸೆಫ್ ಜತೆಗೆ ಆಸ್ಟ್ರೇಲಿಯಾದ ಸ್ಟಾರ್ ಆಲ್ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಕೂಡ ಇದೇ ರೀತಿ ಕಳಪೆ ಪ್ರದರ್ಶನ ನೀಡಿದ್ದು, ನಿನ್ನೆಯ ಪಂದ್ಯದಲ್ಲಿಯೂ ಅದನ್ನು ಮರುಕಳಿಸಿದರು. ಸದ್ಯ ಈ ಎಲ್ಲಾ ವಿಷಯಗಳಿಂದ ತೀವ್ರ ಕಂಗೆಟ್ಟ ಆರ್ಸಿಬಿ ಫ್ರಾಂಚೈಸಿ, ಇದೀಗ ತಮ್ಮ ತಂಡದಿಂದ ಮುಂಬರುವ ಆವೃತ್ತಿಯಲ್ಲಿ ನಾಲ್ವರು ಸ್ಟಾರ್ ಆಟಗಾರರನ್ನು ಕೈಬಿಡಲು ನಿರ್ಧರಿಸಿದೆ ಎಂಬ ಹೊಸ ಮಾಹಿತಿ ಹೊರಬಿದ್ದಿದೆ.
ಇದನ್ನೂ ಓದಿ: ಆ ನಿರ್ಮಾಪಕರಿಂದ ನನಗೆ ಮೋಸವಾಯಿತು… ವರ್ಷಗಳ ನಂತರ ಸತ್ಯ ಬಿಚ್ಚಿಟ್ಟ ನಮಿತಾ
ವರದಿಗಳ ಪ್ರಕಾರ, ಗ್ಲೆನ್ ಮ್ಯಾಕ್ಸ್ವೆಲ್, ಕ್ಯಾಮರಾನ್ ಗ್ರೀನ್, ಅಲ್ಜಾರಿ ಜೋಸೆಫ್ ಮತ್ತು ಆಕಾಶ್ ದೀಪ್ ಅಥವಾ ಅನುಜ್ ರಾವತ್ರನ್ನು ತಂಡದಿಂದ ರಿಲೀಸ್ ಮಾಡಲು ನಿರ್ಧರಿಸಿದೆ ಎನ್ನಲಾಗಿದೆ. ಸದ್ಯ ಈ ಬಗ್ಗೆ ಆರ್ಸಿಬಿ ಅಭಿಮಾನಿಗಳಲ್ಲಿ ಭಾರೀ ಆತಂಕ ಮೂಡಿದ್ದು, ಇದು ನಿಜವೇ? ಎಂಬ ಪ್ರಶ್ನೆಯನ್ನು ಮುಂದಿಡುವಂತೆ ಮಾಡಿದೆ. ಆದರೆ, ಈ ಕುರಿತು ಆರ್ಸಿಬಿ ಫ್ರಾಂಚೈಸಿ ಪ್ರಕಟಿಸಲಿರುವ ಅಧಿಕೃತ ಮಾಹಿತಿಗಾಗಿ ಸದ್ಯ ನಿರೀಕ್ಷಿಸಲಾಗಿದೆ,(ಏಜೆನ್ಸೀಸ್).
ನಿವೃತ್ತಿ ಬಗ್ಗೆ ನಮಗೆ ಸ್ಪಷ್ಟನೆ ಇಲ್ಲ! ಆದ್ರೆ, ಹೋಗುವ ಮುನ್ನ ಧೋನಿ ಹೇಳಿದ್ದು ಇದೊಂದು ಮಾತು…
ಇವರಿಬ್ಬರಿಲ್ಲ ಅಂದ್ರೆ IPLಗೆ ಕಳೆಯೇ ಇಲ್ಲ! ಮುಂದೆ ಯಾರೂ ಹೀಗೆ ಹುಚ್ಚೆದ್ದು ನೋಡೋದಿಲ್ಲ: ನವಜೋತ್ ಸಿಂಗ್ ಸಿಧು