ಐಪಿಎಲ್‌ಗೂ ಮುನ್ನವೇ ಶಾಕ್​! 'ಕ್ಯಾಪ್ಟನ್​ ಕೂಲ್'​ ಆಡುವ ಕೊನೆಯ ಆವೃತ್ತಿ ಇದೇ ಎನ್ನುತ್ತಿದೆ ಈ ಸುಳಿವು | MS Dhoni

MS Dhoni: ಇದೇ ಮಾರ್ಚ್​ 22ರಿಂದ ಆರಂಭಗೊಳ್ಳಲಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 18ನೇ ಆವೃತ್ತಿಗೆ ಕ್ರಿಕೆಟ್​ ಅಭಿಮಾನಿಗಳಲ್ಲಿ ತೀವ್ರ ಕುತೂಹಲ, ಕೌತುಕ ಹೆಚ್ಚಾಗಿದೆ. ಶುರುವಿಗೆ ಇನ್ನೂ 20ಕ್ಕೂ ಹೆಚ್ಚು ದಿನಗಳು ಬಾಕಿ ಉಳಿದಿವೆ. ಈಗಾಗಲೇ ಪಂದ್ಯದ ವೇಳಾಪಟ್ಟಿಯೂ ಬಿಡುಗಡೆಯಾಗಿದೆ. ಲೀಗ್ ಆರಂಭದ ಬೆನ್ನಲ್ಲೇ ಆಯಾ ತಂಡಗಳು ಭರ್ಜರಿ ತಯಾರಿಯಲ್ಲಿ ತೊಡಗಿವೆ. ಈ ಪೈಕಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮಾಜಿ ನಾಯಕ, ಕ್ಯಾಪ್ಟನ್ ಕೂಲ್​ ಮಹೇಂದ್ರ ಸಿಂಗ್ ಧೋನಿ ಚೆನ್ನೈಗೆ ಬಂದಿಳಿದಿದ್ದು, ಅಭಿಮಾನಿಗಳಲ್ಲಿ ಉತ್ಸಾಹದ ಜತೆಗೆ ಗೊಂದಲವನ್ನು ಸೃಷ್ಟಿಸಿದ್ದಾರೆ.

ಇದನ್ನೂ ಓದಿ: ವ್ಯಾಲೆಂಟೈನ್ಸ್​ ಡೇಗೆ ಸೆಕೆಂಡ್​ ಹ್ಯಾಂಡ್ ಗಿಫ್ಟ್​ ಕೊಟ್ಟಿದ್ದಾರೆಂದು ಕಾರನ್ನು ಕಸದ ಬುಟ್ಟಿಗೆ ಎಸೆದ ಪತ್ನಿ; ವಿಡಿಯೋ ವೈರಲ್​ ಆಗುತ್ತಿದ್ದಂತೆ ಬೆಳಕಿಗೆ ಬಂತು ಅಸಲಿ ಸಂಗತಿ

ಈ ಹಿಂದಿನಿಂದಲೂ ಧೋನಿ ಐಪಿಎಲ್​ಗೆ ನಿವೃತ್ತಿ ಘೋಷಿಸಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಅದರಲ್ಲೂ ಈ ಬಾರಿಯ ಐಪಿಎಲ್​ ಟೂರ್ನಿಯೇ ಅವರ ಕೊನೆ ಎಂದು ಹೇಳಲಾಗುತ್ತಿದೆ. ಆದರೆ, ಇದ್ಯಾವುದಕ್ಕೂ ಧೋನಿ ಇನ್ನೂ ಸ್ಪಷ್ಟವಾಗಿ ಏನು ಹೇಳಿಲ್ಲ. ಅವರು ಭಾಗಿಯಾದ ಕೆಲವು ಸಂದರ್ಶನಗಳನ್ನು ನೋಡಿದಾಗ ಇನ್ನೂ ಒಂದೆರೆಡು ವರ್ಷಗಳ ಕಾಲ ಅವರು ಸಿಎಸ್​ಕೆ ಪರ ಆಡುವುದು ಖಚಿತ ಎಂದೇ ಹೇಳಲಾಗುತ್ತಿದೆ. ಇದಕ್ಕೆ ಅವರ ತರಬೇತಿ, ಭರವಸೆಯ ಮಾತುಗಳು ಸಾಕ್ಷಿಯಾಗಿವೆ. ಇಷ್ಟಾದರೂ ಸಹ ಅಭಿಮಾನಿಗಳಲ್ಲಿ ಅವರ ನಿವೃತ್ತಿ ಬಗ್ಗೆ ಇಂದಿಗೂ ತೀವ್ರ ಗೊಂದಲವಿದೆ ಎನ್ನುವುದಕ್ಕೆ ಈ ಘಟನೆಯೂ ಒಂದು ಸಾಕ್ಷಿ.

ನಿವೃತ್ತಿ ವದಂತಿಗಳ ಹರಿದಾಡುವಿಕೆ ಬೆನ್ನಲ್ಲೇ ನಿನ್ನೆ (ಫೆ.26) ಧೋನಿ ಅವರು ಚೆನ್ನೈಗೆ ಆಗಮಿಸಿದರು. ಬಿಗಿ ಭದ್ರತೆಯಲ್ಲಿ ವಿಮಾನ ನಿಲ್ದಾಣದಿಂದ ಹೊರಬಂದ ಧೋನಿ, ಅಭಿಮಾನಿಗಳು ಮತ್ತು ಕ್ಯಾಮರಾಗಳತ್ತ ಕೈಬೀಸಿದರು. ಈ ವೇಳೆ ಕಪ್ಪು ಟಿ-ಶರ್ಟ್​ ಧರಿಸಿದ್ದ ಧೋನಿ, ಬಹಳ ಸ್ಟೈಲಿಶ್​ ಆಗಿ ಕಾಣಿಸಿದ್ದು ನೋಡುಗರ ಗಮನ ಸೆಳೆಯಿತು. ಇಲ್ಲಿ ಅವರು ಧರಿಸಿದ್ದ ಕಪ್ಪು ಅಂಗಿಯಲ್ಲಿ ಬರೆಯಲಾಗಿದ್ದ ಅಕ್ಷರಗಳನ್ನು ತೀರ ಸೂಕ್ಷ್ಮವಾಗಿ ಗಮನಿಸಿದ ಫ್ಯಾನ್ಸ್​ಗಳಿಗೆ ಅವರ ನಿವೃತ್ತಿ ಬಗ್ಗೆ ಮತ್ತೆ ಗೊಂದಲ ಭುಗಿಲೆದ್ದಿದೆ. ಇದೇ ಅವರ ಕೊನೆಯ ಐಪಿಎಲ್​ ಎಂದು ಚರ್ಚಿಸುವಂತೆ ಮಾಡಿದೆ.

ಇದನ್ನೂ ಓದಿ: ನನ್ನ ಕತ್ತು ಸೀಳಿದರೂ.. ಶ್ವಾಸನಾಳ ಕೂಡ ”ಮಮತಾ ಬ್ಯಾನರ್ಜಿ ಜಿಂದಾಬಾಂದ್​” ಎನ್ನುತ್ತೆ; ವದಂತಿಗಳ ವಿರುದ್ಧ ಕಿಡಿಕಾರಿದ ಅಭಿಷೇಕ್​ ಬ್ಯಾನರ್ಜಿ | Rumours

ಮಾರ್ಚ್ 23ರಂದು ಮುಂಬೈ ಇಂಡಿಯನ್ಸ್ ವಿರುದ್ಧದ ಮೊದಲ ಪಂದ್ಯಕ್ಕಾಗಿ ತರಬೇತಿ ನಡೆಸಲು ಅಖಾಡಕ್ಕಿಳಿಯಲು ಸಜ್ಜಾಗಿರುವ ಕ್ಯಾಪ್ಟನ್ ಕೂಲ್​ ಧರಿಸಿದ್ದ ಕಪ್ಪು ಟಿ-ಶರ್ಟ್‌ ಮತ್ತು ಅದರಲ್ಲಿನ ಅಕ್ಷರಗಳೇ ಇದೀಗ ಫ್ಯಾನ್ಸ್​ಗಳಲ್ಲಿ ಗೊಂದಲ ಹುಟ್ಟುಹಾಕಿದೆ. ಕೋಡೆಡ್ ಸಂದೇಶ ಇರುವುದನ್ನು ಗಮನಿಸಿದ ಅಭಿಮಾನಿಗಳು, ಇದನ್ನು ಮೋರ್ಸ್ ಕೋಡ್‌ನಲ್ಲಿ ಬರೆಯಲಾಗಿದೆ ಎಂದು ಡಿಕೋಡ್​ ಮಾಡಿದ್ದಾರೆ. ಚುಕ್ಕೆಗಳು ಮತ್ತು ಡ್ಯಾಶ್‌ಗಳ ಸರಣಿಯನ್ನು ಒಳಗೊಂಡಿರುವ ಪ್ರಿಂಟಿಂಗ್​ನಲ್ಲಿ "ಒನ್ ಲಾಸ್ಟ್ ಟೈಮ್" ಎಂಬ ಅರ್ಥವನ್ನು ಕಂಡುಕೊಂಡಿದ್ದಾರೆ. ಸದ್ಯ ಇದೇ ಅಭಿಮಾನಿಗಳ ಅಚ್ಚರಿಗೆ ಕಾರಣವಾಗಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋಗಳು ಜಾಲತಾಣಗಳಲ್ಲಿ ಹರಿದಾಡಿದೆ,(ಏಜೆನ್ಸೀಸ್).

https://www.vijayavani.net/students-of-this-school-are-great-in-these-five-languages