ಕಳೆದ ವಿಶ್ವಕಪ್ವರೆಗೆ ಇಂಗ್ಲೆಂಡ್ ತಂಡದ ಜತೆಗಿದ್ದ 43 ವರ್ಷದ ಸಕ್ಲೇನ್ ಮುಷ್ತಾಕ್, ಇನ್ಸ್ಟಾಗ್ರಾಂ ಲೈವ್ ಮಾತುಕತೆಯ ವೇಳೆ ವಿರಾಟ್ ಕೊಹ್ಲಿ ವಿರುದ್ಧ ರೂಪಿಸಿದ್ದ ಕಾರ್ಯತಂತ್ರದ ಬಗ್ಗೆ ಹೇಳಿಕೊಂಡಿದ್ದಾರೆ. ‘ವಿರಾಟ್ ಕೊಹ್ಲಿ ಒಬ್ಬನಲ್ಲ, ಹನ್ನೊಂದು ಮಂದಿ ಇದ್ದಾರೆ ಎಂದು ಭಾವಿಸಿಯೇ ನೀವು ಬೌಲಿಂಗ್ ಮಾಡಬೇಕು. ವಿಶ್ವದರ್ಜೆಯ ಆಟಗಾರನೊಬ್ಬನಿಗೆ ಯಾವುದೇ ರೀತಿಯ ಸ್ಪಿನ್ ಬೌಲಿಂಗ್ ಎದುರಿಸುವುದು ಕಷ್ಟವಾಗದು. ಎಡಗೈ, ಆಫ್, ಅಥವಾ ಲೆಗ್ ಸ್ಪಿನ್ ಬೌಲಿಂಗ್ ಸಮರ್ಥವಾಗಿ ಎದುರಿಸಬಲ್ಲ. ಆದರೆ ಬೌಲರ್ಗಿಂತ ಹೆಚ್ಚಿನ ಒತ್ತಡ ಅವರ ಮೇಲಿರುವಂತೆ ನೋಡಿಕೊಳ್ಳಬೇಕು. ಅವರನ್ನು ಇಡೀ ವಿಶ್ವವೇ ನೋಡುತ್ತಿರುತ್ತದೆ. ಬೌಲರ್ ಆಗಿ ನೀವು ಇದನ್ನು ತಲೆಯಲ್ಲಿಟ್ಟುಕೊಳ್ಳಬೇಕು’ ಎಂದು ಸಕ್ಲೇನ್ ಯಾವಾಗಲೂ ತಂಡದ ಸ್ಪಿನ್ ಬೌಲರ್ಗಳಾದ ಮೊಯಿನ್ ಅಲಿ ಮತ್ತು ಆದಿಲ್ ರಶೀದ್ಗೆ ಹೇಳುತ್ತಿದ್ದರಂತೆ. ಸಕ್ಲೇನ್ ಮಾರ್ಗದರ್ಶನದಲ್ಲಿ ಇವರಿಬ್ಬರು ತಲಾ 6 ಬಾರಿ ವಿರಾಟ್ ಕೊಹ್ಲಿ ವಿಕೆಟ್ ಕಬಳಿಸಿದ ಸಾಧನೆ ಮಾಡಿದ್ದಾರೆ.
