ಮಂಗಳೂರು: ಮನೆಯಂಗಳದಲ್ಲಿ ಆಡುವ ಕ್ರಿಕೆಟ್ನಲ್ಲಿ ಯುವತಿ ಹೊಡೆದ ಕವರ್ ಡ್ರೈವ್ ಅನ್ನು ‘ಇಎಸ್ಪಿಎನ್ ಕ್ರಿಕ್ಇನ್ಪೋ’ ತನ್ನ ಫೇಸ್ಬುಕ್ ಪೇಜ್ನಲ್ಲಿ ಪ್ರಕಟಿಸಿದ್ದು, ಈ ಶಾಟ್ಗೆ ಕ್ರಿಕೆಟ್ ಪ್ರಿಯರಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.
ಉಡುಪಿ ಜಿಲ್ಲೆ ಕಾರ್ಕಳ ತಾಲೂಕಿನ ಕೆರ್ವಾಶೆಯ ಜ್ಯೋತಿ ಪೂಜಾರಿ ಈ ಯುವತಿ. ಮುಂಬೈನಲ್ಲಿ ವಾಸವಾಗಿರುವ ಅವರು ಕರೊನಾ ಹಿನ್ನೆಲೆಯಲ್ಲಿ ಊರಿಗೆ ಬಂದಿದ್ದರು. ಎರಡು ದಿನ ಹಿಂದೆ ಮನೆಯಂಗಳದಲ್ಲಿ ಕ್ರಿಕೆಟ್ ಆಡುವಾಗ ವಿಡಿಯೋ ಮಾಡಿದ್ದ ರಂಜಿತ್ ಪೂಜಾರಿ ತಮ್ಮ ಫೇಸ್ಬುಕ್ ಖಾತೆಗೆ ಪೋಸ್ಟ್ ಮಾಡಿದ್ದರು. ಅದನ್ನು ಇಎಸ್ಪಿಎನ್ ಕ್ರಿಕ್ಇನ್ಪೋ ಗಮನಿಸಿ ತಮ್ಮ ಪೇಜ್ನಲ್ಲಿ ಪ್ರಕಟಿಸಿದೆ. ಇದನ್ನೂ ಓದಿ: VIDEO| ಮದುವೆ ಬೆನ್ನಲ್ಲೇ ಮಯೂರಿ ಮೊದಲ ಪ್ರತಿಕ್ರಿಯೆ: ಅಭಿಮಾನಿಗಳಿಗೆ ಸಿಹಿ ಸುದ್ದಿ!
‘ಸ್ಟೆಪ್ಪಿಂಗ್ ಔಟ್ ಟು ದ ಲೆಗ್ಸೈಡ್ ಆಂಡ್ ಸ್ಮ್ಯಾಶಿಂಗ್ ಇಟ್ ಥ್ರೂದ ಕವರ್ಸ್’ ಎನ್ನುವ ಶೀರ್ಷಿಕೆ ಕೊಟ್ಟು ಇಂತಹ ಹೊಡೆತವನ್ನು ಹಿಂದೆ ಎಲ್ಲದರೂ ನೋಡಿದ್ದೀರಾ ಎಂದು ಕೇಳಿದೆ. ವೃತ್ತಿಪರ ಆಟಗಾರರಂತೆ ಯುವತಿ ಬಾಲನ್ನು ಕವರ್ ಡ್ರೈವ್ ಮೂಲಕ ಬೌಂಡರಿಗೆ ಅಟ್ಟುವ ಪ್ರಯತ್ನ ಮಾಡಿದ್ದಾರೆ. ಇದಕ್ಕೆ ಕ್ರಿಕೆಟ್ ಪ್ರಿಯರಿಂದ ವಿವಿಧ ಕ್ರಿಕೆಟಿಗರನ್ನು ಹೋಲಿಕೆ ಮಾಡಿ ಪ್ರತಿಕ್ರಿಯೆ ಬಂದಿದೆ. ಲಕ್ಷಕ್ಕೂ ಅಧಿಕ ಮಂದಿ ವಿಡಿಯೋ ವೀಕ್ಷಿಸಿದ್ದು, ಹಲವು ಮಂದಿ ಷೇರ್, ಕಮೆಂಟ್, ಲೈಕ್ ಮಾಡಿದ್ದಾರೆ.
Stepping out to the leg side and smashing it through the covers. Now, where have we seen that before?
(#Yourshots 🎥 by Ranjith Poojary) pic.twitter.com/arKZW1zw9P
— ESPNcricinfo (@ESPNcricinfo) June 11, 2020
ಮನೆಯಲ್ಲಿ ಟೈಮ್ಪಾಸ್ ಮಾಡಲು ಆಡುವಾಗ ರಂಜಿತ್ ವಿಡಿಯೋ ಮಾಡಿ ಫೇಸ್ಬುಕ್ನಲ್ಲಿ ಅಪ್ಲೋಡ್ ಮಾಡಿದ್ದರು. ನನ್ನ ಹೊಡೆತ ಇಷ್ಟೆಲ್ಲ ಫೇಮಸ್ ಆಗುತ್ತೆ ಎಂದು ಗೊತ್ತಿರಲಿಲ್ಲ. ಕ್ರಿಕೆಟ್ ಅಂದರೆ ಇಷ್ಟ, ಬಿಡುವಾದಾಗ ಮನೆಯವರೊಟ್ಟಿಗೆ ಆಡುತ್ತೇನೆ. ಧೋನಿ ಫೇವರಿಟ್ ಆಟಗಾರ.
| ಜ್ಯೋತಿ ಪೂಜಾರಿ, ಯುವತಿ
ತಂದೆಯಿಲ್ಲದ ಹೆಣ್ಣು ಮಗುವಿನ ಸಂಪೂರ್ಣ ವಿದ್ಯಾಭ್ಯಾಸಕ್ಕೆ ನೆರವಾದ ಕಿಚ್ಚ ಸುದೀಪ್