ಟೆನ್ನಿಸ್ ದಿಗ್ಗಜ ರೋಜರ್ ಫೆಡರರ್ ಜನ್ಮದಿನಕ್ಕೆ ಸ್ವಿಸ್ ಜನರ ಕಾಣಿಕೆ ಏನು ಗೊತ್ತೆ ?!

ಸ್ವಿಟ್ಜರ್​ಲೆಂಡ್​ : ಜಗತ್ತಿಗೆ ರೋಜರ್ ಫೆಡರರ್ ಟೆನ್ನಿಸ್ ಲೋಕದ ದಿಗ್ಗಜನ ರೂಪದಲ್ಲಿ ಕಾಣುತ್ತಾರೆ. ಆದರೆ ಅವರ ತಾಯ್ನಾಡಾದ ಸ್ವಿಟ್ಜರ್​ಲೆಂಡ್​​​ನ ಜನರಿಗೆ ಅವರ ಸ್ಥಾನಮಾನ ಅದಕ್ಕೂ ಹೆಚ್ಚಿನದಾಗಿದೆ. ಏಕೆಂದರೆ ಈ ಟೆನಿಸ್ ಸ್ಟಾರ್​​ನ ಶ್ರೇಷ್ಠ ಸಾಧನೆಗಳನ್ನು ಆಚರಿಸಲು, ದೇಶದ 'ರಾಷ್ಟ್ರೀಯ ದಿನ'ವನ್ನು ಒಂದು ವಾರ ಮುಂದೂಡಿ, ಫೆಡರರ್ ಜನ್ಮದಿನದಂದು ಆಚರಿಸುವ ಬಗ್ಗೆ ಚರ್ಚೆ ಸಾಗಿದೆ.

ಆಗಸ್ಟ್ 1 ಸ್ವಿಸ್ ಕಾನ್ಫಿಡರೆಸಿ ಸ್ಥಾಪನೆಯಾದ ದಿನ. ಅರ್ಥಾತ್ ಸ್ವಿಟ್ಜರ್​ಲೆಂಡ್​ನ ರಾಷ್ಟ್ರೀಯ ದಿನಾಚರಣೆ. ಆದರೆ ಈ ವರ್ಷ ಅದನ್ನು ಆಗಸ್ಟ್ 8 ಕ್ಕೆ ಆಚರಿಸುವ ಪ್ರಸ್ತಾಪವನ್ನು ಸ್ವಿಸ್ ಸಂಸದರು ಮುಂದಿಟ್ಟಿದ್ದಾರೆ. ಏಕೆಂದರೆ ಈಗ 39 ವರ್ಷ ವಯಸ್ಸಾಗಿರುವ ಫೆಡರರ್ ಅಂದು 40 ವರ್ಷ ಪೂರೈಸಲಿದ್ದಾರೆ. ತನ್ನ ಆಟಗಾರನೊಬ್ಬನಿಗೆ ಯಾವ ದೇಶವೂ ಕೊಟ್ಟಿಲ್ಲದಂಥ ಕಾಣಿಕೆಯನ್ನು ಮಾಜಿ ವರ್ಲ್ಡ್​ ನಂ.1 ಫೆಡರರ್​ಗೆ ನೀಡಲು ಸ್ವಿಸ್ ಜನ ಮುಂದಾಗಿದ್ದಾರೆ.

ಇದನ್ನೂ ಓದಿ: ಬುರ್ಜ್ ಖಲೀಫಾದಲ್ಲಿ ಬ್ರೇಕ್​​ಫಾಸ್ಟ್, ಗೋಲ್ಡನ್ ಕಾಫಿ !

ಮೊದಲಿಗೆ ಸ್ವಿಸ್​ ಸಂಸತ್ತಿನ ಕೆಲವು ಶಾಸಕರು ಈ ರೀತಿ ವಿಭಿನ್ನವಾಗಿ ಫೆಡರರ್​ಗೆ ಸನ್ಮಾನ ಸಲ್ಲಿಸುವ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸ್ತಾಪ ಮಾಡಿದರು. ತಕ್ಷಣವೇ ಅವರ ಅಭಿಮಾನಿಗಳ ಒಲವು ಪಡೆದ ಪ್ರಸ್ತಾಪ, ಸ್ವಲ್ಪ ದಿನಗಳಲ್ಲೇ ಎಂಟು ಮಿಲಿಯನ್ ಜನಸಂಖ್ಯೆಯುಳ್ಳ ದೇಶದ ಚರ್ಚೆಯ ವಿಷಯವಾಯಿತು. ಎಂಟು ಬಾರಿ ವಿಂಬಲ್ಡನ್ ಚಾಂಪಿಯನ್​ಶಿಪ್ ಗೆದ್ದಿರುವ ಫೆಡರರ್​ಗೆ ಗೌರವ ಸೂಚಿಸಲು ಈ ಮುನ್ನ ಸ್ವಿಸ್ ಸ್ಟ್ಯಾಂಪ್ ಕೂಡ ಬಿಡುಗಡೆ ಮಾಡಿರುವ ಸರ್ಕಾರ, ಈ ಬಗ್ಗೆ ಇನ್ನೇನು ನಿರ್ಣಯ ಸ್ವೀಕರಿಸಲಿದೆ.

ಅಸೋಸಿಯೇಷನ್ ಆಫ್ ಟೆನ್ನಿಸ್ ಪ್ರೊಫೆಷನಲ್ಸ್​(ಎಟಿಪಿ)ನಲ್ಲಿ ಹಾಲಿ ವರ್ಲ್ಡ್ ನಂ.6 ಸ್ಥಾನದಲ್ಲಿರುವ ಫೆಡರರ್, ಮಂಡಿಯ ಶಸ್ತ್ರಚಿಕಿತ್ಸೆಯ ನಂತರ ಎಟಿಪಿ ಪ್ರವಾಸಕ್ಕೆ ಹಿಂದಿರುಗಿದ್ದಾರೆ. ತದನಂತರ ಟೋಕಿಯೋದಲ್ಲಿ ನಡೆಯಲಿರುವ ಒಲಂಪಿಕ್ಸ್​ನಲ್ಲಿ ಕೂಡ ಭಾಗವಹಿಸುವ ಬಗ್ಗೆ ಚಿಂತಿಸುತ್ತಿದ್ದಾರೆ ಎನ್ನಲಾಗಿದೆ. (ಏಜೆನ್ಸೀಸ್)

https://www.vijayavani.net/guess-what-is-the-price-of-this-vegetable/

https://www.vijayavani.net/mamata-behaving-like-trump-says-dilip-ghosh/

https://www.vijayavani.net/priyanka-gandhi-cancels-her-campaign-trips-know-the-reason/