ಕೊಹ್ಲಿಯನ್ನು ಹಿಂದಿಕ್ಕಿದ ರಾಹುಲ್; ವೇಗವಾಗಿ 7 ಸಾವಿರ ರನ್ ಕಂಪ್ಲೀಟ್

ಲಖನೌ: ಲಖನೌ ಸೂಪರ್ ಜೈಂಟ್ಸ್ ತಂಡದ ನಾಯಕ ಕೆಎಲ್ ರಾಹುಲ್, ಹೊಸದೊಂದು ದಾಖಲೆ ಬರೆದಿದ್ದು, ವಿರಾಟ್ ಕೊಹ್ಲಿಯನ್ನ ಹಿಂದಿಕ್ಕಿದ್ದಾರೆ. ಟಿ20 ಕ್ರಿಕೆಟ್‌ನಲ್ಲಿ ವೇಗವಾಗಿ 7,000 ರನ್ ಗಳಿಸಿದ ಮೊದಲ ಭಾರತೀಯ ಬ್ಯಾಟ್ಸ್​ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಕೆ.ಎಲ್ ರಾಹುಲ್ 7000 ರನ್ ಗಳಿಸಲು 197 ಇನ್ನಿಂಗ್ಸ್ ತೆಗೆದುಕೊಂಡು, ಮೊದಲ ಸ್ಥಾನದಲ್ಲಿದ್ದಾರೆ. 212 ಇನ್ನಿಂಗ್ಸ್​ಗಳ ಮೂಲಕ ವಿರಾಟ್ ಕೊಹ್ಲಿ ಟಿ20 ಕ್ರಿಕೆಟ್​ನಲ್ಲಿ 7 ಸಾವಿರ ರನ್ ಪೂರ್ಣಗೊಳಿಸಿದ್ದಾರೆ. ರಾಹುಲ್ ಇದೀಗ ಗುಜರಾತ್ ಟೈಟಾನ್ಸ್ ವಿರುದ್ಧ ಅರ್ಧ ಶತಕ ಗಳಿಸುವ ಮೂಲಕ ಐಪಿಎಲ್ ವೃತ್ತಿಜೀವನದ 33ನೇ ಅರ್ಧಶತಕ ಪೂರೈಸಿದ್ದಾರೆ.

ಇದನ್ನೂ ಓದಿ: ಪದಾರ್ಪಣೆ ಪಂದ್ಯದಲ್ಲೇ ವಿಶಿಷ್ಟ ದಾಖಲೆ ಬರೆದ ಅರ್ಜುನ್ ತೆಂಡೂಲ್ಕರ್‌! ಯಾವುದು ಆ ದಾಖಲೆ?

ಎರಡನೇ ಸ್ಥಾನದಲ್ಲಿ ಕೊಹ್ಲಿ

ಕೆ.ಎಲ್.ರಾಹುಲ್ 197, ಕೊಹ್ಲಿ 212, ಶಿಖರ್ ಧವನ್ 246, ಸುರೇಶ್ ರೈನಾ 241 ಹಾಗೂ ರೋಹಿತ್ ಶರ್ಮಾ 258 ಇನ್ನಿಂಗ್ಸ್ ಮೂಲಕ ಟಿ-20 ಕ್ರಿಕಟ್​ನಲ್ಲಿ 7000 ರನ್ ಪೂರೈಸಿದ್ದಾರೆ.

ಐಪಿಎಲ್​ನಲ್ಲಿ ವೇಗದ ಅರ್ಧ ಶತಕವನ್ನು ದಾಖಲಿಸಿದ ದಾಖಲೆ ಇಂದಿಗೂ ಕೆ.ಎಲ್.ರಾಹುಲ್ ಹೆಸರಿನಲ್ಲಿದೆ. 2018ರಲ್ಲಿ ಕಿಂಗ್ಸ್ ಇಲವೆನ್ ಪಂಜಾಬ್ ತಂಡದಲ್ಲಿದ್ದ ರಾಹುಲ್, ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧದ ಪಂದ್ಯದಲ್ಲಿ 14 ಎಸೆತದಲ್ಲಿ ಅರ್ಧಶತಕ ಬಾರಿಸಿ ಮಿಂಚಿದ್ದರು.

ಇದನ್ನೂ ಓದಿ: ಅನ್‌ಫಾಲೋ ಮಾಡಿದ ಕೊಹ್ಲಿ! ಮುಂದುವರಿದ ಗಂಗೂಲಿ ಜತೆಗಿನ ಮುನಿಸು

ಸರಾಗವಾಗಿ ರನ್ ಗಳಿಸಲು ಪರದಾಟ

ಇದೀಗ ಗುಜರಾತ್ ಟೈಟಾನ್ಸ್ ವಿರುದ್ಧದ ಪಂದ್ಯದಲ್ಲಿ ಕೆ.ಎಲ್.ರಾಹುಲ್ ಸತತ ಟೀಕೆಗಳಿಗೆ ಉತ್ತರಿಸಿದ್ದಾರೆ. ಕೆ.ಎಲ್.ರಾಹುಲ್ ಕಳೆದ ಕೆಲ ಸಮಯಗಳಿಂದ ಮಂಕಾಗಿದೆ. ಜತೆಗೆ ನಿಧಾನಗತಿಯ ಬ್ಯಾಟಿಂಗ್​ನಿಂದಾಗಿ ಸಾಕಷ್ಟು ಟೀಕೆಗೆ ಗುರಿಯಾಗಿದ್ದರು. ರಾಹುಲ್ ಸರಾಗವಾಗಿ ರನ್‌ ಕಲೆಹಾಕಲು ಪರದಾಟ ನಡೆಸುತ್ತಿದ್ದು, ಮತ್ತೆ ಹಿಂದಿನ ಲಯಕ್ಕೆ ಮರಳಲು ಪ್ರಯತ್ನಿಸುತ್ತಿದ್ದಾರೆ.

https://www.vijayavani.net/virat-kohli-and-anushka-sharma-visit-ctr-restaurant-in-malleshwaram-bangalore/

https://www.vijayavani.net/delhi-capital-team-cricket-kit-found-in-bengaluru/