6,6,6,6,6: ಸ್ಟಾರ್​ ಬೌಲರ್​ ರಶೀದ್​ ಖಾನ್​ಗೆ ಬೆವರಿಳಿಸಿದ ಪೊಲ್ಲಾರ್ಡ್!​ ಬ್ಯಾಕ್​ ಟು ಬ್ಯಾಕ್​ ಸಿಕ್ಸರ್​, ವಿಡಿಯೋ ವೈರಲ್​

ನವದೆಹಲಿ: ನಾನು ಐಪಿಎಲ್​ ಸೇರಿದಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಣೆ ಮಾಡಿರಬಹುದಷ್ಟೇ ಆದರೆ, ನನ್ನ ಬಳಿ ಈಗಲೂ ಅದೇ ಪವರ್​ ಇದೆ ಎಂಬುದನ್ನು ವೆಸ್ಟ್​ಇಂಡೀಸ್​ ಮಾಜಿ ಸ್ಫೋಟಕ ಆಟಗಾರ ಕೀರನ್​ ಪೊಲ್ಲಾರ್ಡ್ ನಿರೂಪಿಸಿದ್ದಾರೆ.​ ಜಗತ್ತಿನ ಅಪಾಯಕಾರಿ ಬೌಲರ್​ಗಳಲ್ಲಿ ಒಬ್ಬರಾದ ಅಫ್ಘಾನಿಸ್ತಾನದ ರಶೀದ್​ ಖಾನ್​ ಅವರ ಬೌಲಿಂಗ್​ನಲ್ಲಿ ಅಬ್ಬರಿಸಿ, ಬೊಬ್ಬಿರಿದ ಪೊಲ್ಲಾರ್ಡ್​ ಒಂದೇ ಓವರ್​ನಲ್ಲಿ ಬ್ಯಾಕ್​ ಟು ಬ್ಯಾಕ್​ 5 ಸಿಕ್ಸರ್​ ಸಿಡಿಸುವ ಮೂಲಕ ಕ್ರಿಕೆಟ್​ ಜಗತ್ತಿನಲ್ಲಿ ಮತ್ತೊಮ್ಮೆ ಮಿಂಚಿದ್ದಾರೆ.

ದಿ ಹಂಡ್ರೆಡ್​ ಟೂರ್ನಿಯಲ್ಲಿ ಪೊಲ್ಲಾರ್ಡ್​ ತಮ್ಮ ಸಾಮರ್ಥ್ಯವನ್ನು ಮೆರೆದಿದ್ದಾರೆ. ಸದರ್ನ್ ಬ್ರೇವ್ಸ್ ಪರ ಆಡಿದ ಪೊಲ್ಲಾರ್ಡ್​, ಟ್ರೆಂಟ್​ ರಾಕೆಟ್ಸ್​ ತಂಡದ ಬೌಲರ್​ ರಶೀದ್​ ಖಾನ್​ಗೆ ಒಂದೇ ಓವರ್​ನಲ್ಲಿ 5 ಸಿಕ್ಸರ್​ ಬಾರಿಸಿದರು. ಪೊಲ್ಲಾರ್ಡ್​ ಅವರು ಅತ್ಯುತ್ತಮ ಬ್ಯಾಟಿಂಗ್​​ ಪ್ರದರ್ಶನ ಮಾಡಿದ ಕಾರಣ ಸದರ್ನ್ ಬ್ರೇವ್ಸ್ ತಂಡ 1 ಬಾಲ್​ ಬಾಕಿ ಇರುವಾಗಲೇ 127 ರನ್​ಗಳ ಗುರಿಯನ್ನು ತಲುಪಿತು. ಆಗಸ್ಟ್​ 10ರಂದು ಸೌಥಂಪ್ಟನ್​ನ ರೋಸ್​ ಬೌಲ್​ನಲ್ಲಿ ಈ ಪಂದ್ಯ ನಡೆಯಿತು.

ಮೊದಲ 15 ಎಸೆತಗಳಲ್ಲಿ 10 ರನ್​ ನೀಡಿ ಒಂದು ವಿಕೆಟ್​ ಪಡೆಯುವ ಮೂಲಕ ರಶೀದ್​, ಉತ್ತಮ ಎಕನಾಮಿಯನ್ನು ಕಾಯ್ದುಕೊಂಡಿದ್ದರು. ಆದರೆ, ತಂಡದ ಗೆಲುವಿಗೆ 20 ಎಸೆತಗಳಲ್ಲಿ 49 ರನ್​ ಬೇಕಿದ್ದಾಗ ಅಬ್ಬರಿಸಿದ ಪೊಲ್ಲಾರ್ಡ್​, ರಶೀದ್​ ಖಾನ್​ ಅವರ ಎಕನಾಮಿಯನ್ನೇ ಸಂಪೂರ್ಣ ತಲೆಕೆಳಗೆ ಮಾಡಿದರು. ಒಂದೇ ಓವರ್​ನಲ್ಲಿ 5 ಸಿಕ್ಸರ್​ ಸಿಡಿಸುವ ಮೂಲಕ ಗೆಲುವಿನ ಅಂತರವನ್ನು 15 ಎಸೆತಕ್ಕೆ 19 ರನ್​ ಗುರಿಗೆ ತಂದಿಟ್ಟರು.

ಪೊಲ್ಲಾರ್ಡ್​ ಕೇವಲ 23 ಎಸೆತಗಳಲ್ಲಿ 45 ರನ್​ ಗಳಿಸಿದರು. ಇದರ ಪರಿಣಾಮ ಗೆಲುವು ಸದರ್ನ್​ ಬ್ರೇವ್​ ತಂಡದ ಪರವಾಯಿತು. ಬಳಿಕ ಮಾತನಾಡಿದ ಪೊಲ್ಲಾರ್ಡ್​, ಇದರಿಂದ ಕೆಲವು ಪಾಠಗಳನ್ನು ಕಲಿತಿದ್ದೇವೆ ಮತ್ತು ಮುಂದಿನ ಬಾರಿ ಇಂತಹ ಪರಿಸ್ಥಿತಿಗೆ ನಮ್ಮನ್ನು ನಾವು ಹಾಕಿಕೊಳ್ಳುವುದಿಲ್ಲ ಎಂದರು. ಅಲ್ಲದೆ, ಇದೇ ಸಂದರ್ಭದಲ್ಲಿ ರಶೀದ್​ ಬಗ್ಗೆ ಮಾತನಾಡಿದ ಅವರು, ನಾನು ಅನೇಕ ಬಾರಿ ರಶೀದ್​ ವಿರುದ್ಧ ಆಡಿದ್ದೇನೆ ಮತ್ತು ಹಲವು ಬಾರಿ ಔಟ್​ ಕೂಡ ಆಗಿದ್ದೇನೆ. ಆದರೆ, ಆತ ಬೌಲಿಂಗ್ ಮಾಡುವ ಲೈನ್​ ಅಂಡ್​ ಲೆಂಥ್​ ಬಗ್ಗೆ ನನಗೆ ಚೆನ್ನಾಗಿ ತಿಳಿದಿತ್ತು ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/fan-proposed-and-samantha-said-ok-the-video-is-viral

https://www.vijayavani.net/mrunal-thakur-became-a-mother-before-marriage-she-is-the-mother-of-an-8-year-old-daughter-video-viral