ಕ್ಯಾಚ್​ ಕೈಬಿಟ್ಟ ಹರ್ಷಲ್​ ವಿರುದ್ಧ ಕಾವ್ಯ ಮಾರನ್ ಫುಲ್​ ಗರಂ​! ಎಸ್​ಆರ್​ಎಚ್​ ಒಡತಿ ಸಿಟ್ಟಾದ ದೃಶ್ಯ ವೈರಲ್​ | Kavya Maran

Kavya Maran: ನಿನ್ನೆ (ಏ.25) ಚೆಪಾಕ್​ ಕ್ರೀಡಾಂಗಣದಲ್ಲಿ ನಡೆದ ಎಸ್​ಆರ್​ಎಚ್​ ಮತ್ತು ಸಿಎಸ್​ಕೆ ನಡುವಿನ ಪಂದ್ಯದಲ್ಲಿ ಪ್ಯಾಟ್​ ಕಮ್ಮಿನ್ಸ್​ ಪಡೆ 5 ವಿಕೆಟ್​ಗಳ ಸುಲಭ ಗೆಲುವನ್ನು ದಾಖಲಿಸಿತು. ಈ ಪಂದ್ಯದಲ್ಲಿ ಉತ್ತಮ ಆಲ್​ರೌಂಡ್ ಪ್ರದರ್ಶನ ನೀಡಿದ ಸನ್​ರೈಸರ್ಸ್​ ತಂಡ ಐಪಿಎಲ್​ ಪ್ಲೇಆಫ್​ಗೆ ಲಗ್ಗೆಯಿಡುವ ಭರವಸೆಯನ್ನು ಗಟ್ಟಿಯಾಗಿಸಿದೆ. ಒಂದೆಡೆ ಪಂದ್ಯ ಗೆದ್ದರೂ ತಮ್ಮ ತಂಡದ ಒಡತಿ ಕಾವ್ಯ ಮಾರನ್​ ಸಿಟ್ಟಿಗೆ ಆಟಗಾರರು ತುತ್ತಾದ ದೃಶ್ಯಗಳು ಕ್ಯಾಮರಾ ಕಣ್ಣಿನಲ್ಲಿ ಮಾತ್ರವಲ್ಲದೇ ಕ್ರಿಕೆಟ್​ ಪ್ರೇಮಿಗಳ ಕಣ್ಣಿನಲ್ಲಿಯೂ ಸೆರೆಯಾಯಿತು.

ಇದನ್ನೂ ಓದಿ: ಮೂವರು ನಟಿಯರ ಪೈಕಿ ಮೃಣಾಲ್​ ಫಿಕ್ಸ್​! ಅಟ್ಲಿ-ಅಲ್ಲು ಅರ್ಜುನ್​ ಬಹುನಿರೀಕ್ಷಿತ ಚಿತ್ರಕ್ಕೆ ‘ಸೀತಾ ರಾಮಂ’ ಬೆಡಗಿ | Mrunal Thakur

ಸಿಎಸ್​ಕೆ ನೀಡಿದ ಸಾಧಾರಣ ಗುರಿಯನ್ನು ಚೇಸ್​ ಮಾಡುವಾಗ ಬ್ಯಾಟರ್​ ಕಮಿಂದು ಮೆಂಡಿಸ್​ಗೆ ನೂರ್​ ಅಹ್ಮದ್​ರ ಬೌಲಿಂಗ್​ನಲ್ಲಿ ಫ್ರೀ ಹಿಟ್ ಲಭಿಸಿತು. ಇದನ್ನು ಸದುಪಯೋಗ ಪಡಿಸಿಕೊಳ್ಳದ ಮೆಂಡಿಸ್​ಗೆ ಕುಳಿತಲ್ಲೇ 'ಹೇಯ್​....' ಎಂದು ಕಾವ್ಯ ಸನ್ನೆ ಮಾಡುತ ಬೇಸರ ಹೊರಹಾಕಿದರು. ಇದಕ್ಕೂ ಮೊದಲು ಸಿಎಸ್​ಕೆ ಬ್ಯಾಟಿಂಗ್​ನಲ್ಲಿದ್ದ ಸಮಯದಲ್ಲಿ ಜಡೇಜಾ ಕೊಟ್ಟ ಕ್ಯಾಚ್​ ನೇರವಾಗಿ ಹರ್ಷಲ್​ ಪಟೇಲ್​ ಕೈಗೆ ಬಂದಿತು. ಅತ್ಯಂತ ಸುಲಭ ಕ್ಯಾಚ್​ ಕೈಚೆಲ್ಲಿದ ಪಟೇಲ್ ವಿರುದ್ಧ ಎಸ್​ಆರ್​ಎಚ್​ ಒಡತಿ ತೀವ್ರ ಸಿಟ್ಟಾದರು.

ಜಿಶಾನ್ ಅನ್ಸಾರಿ ಬೌಲಿಂಗ್​ನಲ್ಲಿ ಬ್ಯಾಟ್ ಮಾಡುತ್ತಿದ್ದ ಜಡೇಜಾ, ನೇರವಾಗಿ ಹರ್ಷಲ್​ ಪಟೇಲ್​ ನಿಂತ ಜಾಗಕ್ಕೆ ಬಿರುಸಿನಿಂದ ಬಾರಿಸಿದರು. ತನ್ನ ಕಡೆಗೆ ಬಾಲ್​ ಬರುತ್ತಿದ್ದಂತೆ ಕ್ಯಾಚ್​ಗೆ ಸಿದ್ಧವಾದ ಹರ್ಷಲ್​, ಕೈಗೆ ಬಂದ ಕ್ಯಾಚ್​ನ ಗಟ್ಟಿಯಾಗಿ ಹಿಡಿಯದೆ ಹಾಗೆಯೇ ಬಿಟ್ಟರು. ಇದು ಸ್ಟ್ಯಾಂಡ್ಸ್​ನಲ್ಲಿ ಕುಳಿತಿದ್ದ ಕಾವ್ಯಾ ಮಾರನ್​ ಎದ್ದು ಚೀರಾಡುವಂತೆ ಮಾಡಿತು. ಅತ್ಯಂತ ಸುಲಭ ಕ್ಯಾಚ್​ ಬಿಟ್ಟ ಪಟೇಲ್ ವಿರುದ್ಧ ಕಾವ್ಯ ತೀವ್ರ ಸಿಟ್ಟಾದರು. ಈ ದೃಶ್ಯ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ,(ಏಜೆನ್ಸೀಸ್).

https://www.vijayavani.net/sehwag-warns-vaibhav-suryavanshi