ಆಡಿದರೆ ಮುಂದಿನ 20 ವರ್ಷ... ಯುವ ಬ್ಯಾಟರ್​ಗೆ ಎಚ್ಚರಿಕೆ ಕೊಟ್ಟ ವೀರೇಂದ್ರ ಸೆಹ್ವಾಗ್​ | Vaibhav Suryavanshi

Vaibhav Suryavanshi: ಐಪಿಎಲ್​ ಇತಿಹಾಸದಲ್ಲಿ ಅತ್ಯಂತ ಕಿರಿಯ ಆಟಗಾರನಾಗಿ ಪದಾರ್ಪಣೆ ಮಾಡಿರುವ 14 ವರ್ಷದ ವೈಭವ್ ಸೂರ್ಯವಂಶಿ, ಆಡಿದ ಎರಡು ಪಂದ್ಯಗಳಲ್ಲಿ ಅದ್ಭುತ ಓಪನಿಂಗ್ ನೀಡಿದ ರೀತಿಗೆ ಕ್ರಿಕೆಟ್​ ಪ್ರಿಯರು ಫಿದಾ ಆಗಿದ್ದಾರೆ.

ಇದನ್ನೂ ಓದಿ: ಸೋಲಿನ ಸರಮಾಲೆ! ಮತ್ತೊಮ್ಮೆ ಭಾರೀ ಮುಖಭಂಗ ಅನುಭವಿಸಿದ ಧೋನಿ ಪಡೆ; ಪ್ಲೇಆಫ್​ ಆಸೆ ಇನ್ನೂ ಜೀವಂತ | CSK vs SRH

ಲಖನೌ ಸೂಪರ್​ ಜೈಂಟ್ಸ್​ ವಿರುದ್ಧ ತನ್ನ ಚೊಚ್ಚಲ ಐಪಿಎಲ್ ಪಂದ್ಯವನ್ನಾಡಿದ ವೈಭವ್​, ಮೊದಲ ಬಾಲ್​ನಲ್ಲೇ ಸಿಕ್ಸರ್​ ಬಾರಿಸಿದ ರೀತಿ ನೋಡುಗರನ್ನು ಅಚ್ಚರಿಗೆ ದೂಡಿತು. ಡೆಬ್ಯೂ ಮ್ಯಾಚ್​ನಲ್ಲಿಯೇ ಮೊದಲ ಬಾಲ್​ಗೆ ಸಿಕ್ಸರ್​ ಬಾರಿಸಿ, ಟಿ20 ಲೀಗ್​ನಲ್ಲಿ ಹೆಸರು ದಾಖಲಿಸಿದ ಕೆಲವೇ ಕೆಲವು ಆಟಗಾರರಲ್ಲಿ ವೈಭವ್ ಕೂಡ ಒಬ್ಬರಾಗಿದ್ದಾರೆ. ಎಲ್​ಎಸ್​ಜಿ ವಿರುದ್ಧ 20 ಎಸೆತ ಎದುರಿಸಿದ ವೈಭವ್​ 34 ರನ್ ಕಲೆಹಾಕಿದರು. ಇನ್ನೂ ಆರ್​ಸಿಬಿ ವಿರುದ್ಧದ ಪಂದ್ಯದಲ್ಲಿಯೂ ಎರಡು ಸಿಕ್ಸರ್​ ಬಾರಿಸಿ ವಿಕೆಟ್​ ಒಪ್ಪಿಸಿದ ಸೂರ್ಯವಂಶಿ, ಕ್ರಿಕೆಟ್​ ಪ್ರಿಯರ ಮೆಚ್ಚುಗೆಗೆ ಪಾತ್ರರಾದರು. ​

14 ವರ್ಷ ವಯಸ್ಸಿನಲ್ಲಿ ಸ್ಫೋಟಕ ಇನ್ನಿಂಗ್ಸ್​ ಆಡುತ್ತಿರುವ ಯುವ ಬ್ಯಾಟರ್​ಗೆ ಹಲವರು ಮೆಚ್ಚುಗೆ ನೀಡಿದರೆ, ಟೀಮ್ ಇಂಡಿಯಾದ ಮಾಜಿ ಹಿರಿಯ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್​ ಎಚ್ಚರಿಕೆ ನೀಡಿದ್ದಾರೆ. "ಚಿಕ್ಕ ವಯಸ್ಸಿನಲ್ಲೇ ದೊಡ್ಡ ಹೆಸರು ಮಾಡಿ ಕಣ್ಮರೆಯಾದವರು ಅನೇಕರಿದ್ದಾರೆ. ಹೀಗಿರುವಾಗ ವೈಭವ್​ ತನ್ನ ಕರಿಯರ್​ ಬಗ್ಗೆ ಬಹಳ ಸೂಕ್ಷ್ಮವಾಗಿ ನಿರ್ಧರಿಸಬೇಕು. ಒಂದು ಸಿಕ್ಸ್​ ಬಾರಿಸಿದ ತಕ್ಷಣ ತೀರ ಉತ್ಸಾಹಕ್ಕೆ ಒಳಗಾಗಬಾರದು ಮತ್ತು ದೊಡ್ಡದು ಸಾಧಿಸಿದೆ ಎಂಬ ಖುಷಿಯಲ್ಲಿ ತೇಲಾಡಬಾರದು" ಎಂದಿದ್ದಾರೆ.

ಇದನ್ನೂ ಓದಿ: ನಾವು ಅಮಾಯಕರು, ನಮ್ಮ ಮನೆ ಛಿದ್ರಗೊಳಿಸಿದ್ದಾರೆ; ಪಹಲ್ಗಾಮ್​ ಉಗ್ರನ ಸಹೋದರಿ ಮಾತು | Pahalgam

"ವೈಭವ್​ ಅವರ ಗುರಿ ಹೇಗಿರಬೇಕು ಎಂದರೆ ಮುಂದಿನ 20 ವರ್ಷ ಐಪಿಎಲ್​ನಲ್ಲಿ ಆಡುವಂತೆ ಪ್ಲಾನ್ ಮಾಡಿಕೊಳ್ಳಬೇಕು. ವಂಶಿಗೆ ವಿರಾಟ್​ ಅದ್ಭುತ ನಿದರ್ಶನ. 19ನೇ ವಯಸ್ಸಿನಲ್ಲಿ ಪದಾರ್ಪಣೆ ಮಾಡಿದ ಕೊಹ್ಲಿ, ಇಂದು 18 ಐಪಿಎಲ್​ ಆವೃತ್ತಿ ಆಡಿದ್ದಾರೆ. ಕೊಹ್ಲಿಯಂತೆ ವೈಭವ್ ಸಹ ಬೆಳೆಯಬೇಕು" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/pahalgam-terrorist-sister-speaks-about-the-incident