ಸೋಲಿನ ಸರಮಾಲೆ! ಮತ್ತೊಮ್ಮೆ ಭಾರೀ ಮುಖಭಂಗ ಅನುಭವಿಸಿದ ಧೋನಿ ಪಡೆ; ಪ್ಲೇಆಫ್​ ಆಸೆ ಇನ್ನೂ ಜೀವಂತ | CSK vs SRH

CSK vs SRH: ನಿನ್ನೆ (ಏ.25) ಚೆಪಾಕ್​ನಲ್ಲಿ ನಡೆದ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಸನ್​ರೈಸರ್ಸ್​ ನಡುವಿನ ಪಂದ್ಯದಲ್ಲಿ ಪ್ಯಾಟ್​ ಕಮ್ಮಿನ್ಸ್ ಪಡೆ 5 ವಿಕೆಟ್​ಗಳ ಸುಲಭ ಜಯ ದಾಖಲಿಸಿತು.

ಇದನ್ನೂ ಓದಿ: ಪಾಕಿಸ್ತಾನದ ಅರ್ಷದ್​ ನದೀಂರನ್ನು ಬೆಂಗಳೂರಿಗೆ ಆಹ್ವಾನಿಸಿದ್ದಕ್ಕೆ ನಿಂದನೆ; ಬೇಸರ ವ್ಯಕ್ತಪಡಿಸಿ ಸ್ಪಷ್ಟನೆ ನೀಡಿದ ನೀರಜ್​ ಚೋಪ್ರಾ

ಸೋಲಿನ ಸರಮಾಲೆ

ಮೊದಲು ಟಾಸ್​ ಗೆದ್ದು ಬೌಲಿಂಗ್ ಮಾಡಿದ ಎಸ್​ಆರ್​ಎಚ್​, ಸಿಎಸ್​ಕೆ ತಂಡವನ್ನು ಆಲ್​​ಔಟ್ ಮಾಡುವ ಮೂಲಕ ತಮ್ಮ ಬೌಲಿಂಗ್​ ಸಾಮರ್ಥ್ಯವನ್ನು ಪ್ರದರ್ಶಿಸಿತು. 10 ವಿಕೆಟ್​ ನಷ್ಟಕ್ಕೆ ಕೇವಲ 154 ರನ್​ ಕಲೆಹಾಕಲಷ್ಟೇ ಧೋನಿ ಪಡೆ ಶಕ್ತವಾಯಿತು. ಈ ಸಾಧಾರಣ ಗುರಿಯನ್ನು ಬೆನ್ನತ್ತಿದ ಎಸ್​ಆರ್​ಚ್​, ಬಹಳ ಸುಲಭವಾಗಿ ಧೋನಿ ಪಡೆಯನ್ನು ಅವರ ತವರಿನಲ್ಲೇ ಮಣಿಸಿತು. ಈ ಮೂಲಕ ತಮ್ಮ ಪ್ಲೇಆಫ್​ ಕನಸನ್ನು ಇನ್ನೂ ಜೀವಂತವಾಗಿ ಉಳಿಸಿಕೊಂಡಿತು.

ಇಲ್ಲಿಯವರೆಗೆ ಆಡಿರುವ 9 ಪಂದ್ಯಗಳಲ್ಲಿ ಒಟ್ಟು 7 ಪಂದ್ಯಗಳನ್ನು ಸೋತಿರುವ ಸಿಎಸ್​ಕೆ, ಕೇವಲ 2 ಪಂದ್ಯ ಮಾತ್ರ ಗೆದ್ದಿದೆ. ಇದು ಐದು ಬಾರಿ ಚಾಂಪಿಯನ್ಸ್​ ಆಗಿ ಮಿಂಚಿದ ತಂಡಕ್ಕೆ ಪ್ಲೇಆಫ್​ ಕನಸನ್ನು ಬಹುತೇಕ ಭಗ್ನಗೊಳಿಸಿದೆ. ಆದರೂ ಸಹ ಇನ್ನೂ ಅವಕಾಶವಿದೆ ಎಂಬುದು ಇಲ್ಲಿ ಗಮನಾರ್ಹ.

ಇದನ್ನೂ ಓದಿ: ವಿಜ್ಞಾನ ಸಂತ; ಬಾಹ್ಯಾಕಾಶದ ಎತ್ತರಕ್ಕೆ ವಿಜ್ಞಾನ ಕಸ್ತೂರಿ ಪಸರಿಸಿದ ಜ್ಞಾನಿ

ಪ್ಲೇಆಫ್ ಕನಸು ಜೀವಂತ!

ಇನ್ನು ಬಾಕಿ ಉಳಿದಿರುವ 5 ಪಂದ್ಯವನ್ನು ಸತತವಾಗಿ ಗೆದ್ದು ಬೀಗಿದರೆ, ಟಾಪ್​ 4ರಲ್ಲಿ ಸಿಎಸ್​ಕೆಗೆ ಸ್ಥಾನ ಸಿಗುವ ಎಲ್ಲಾ ಸಾಧ್ಯತೆಗಳಿವೆ. ಅದು ಇತರೆ ತಂಡಗಳ ಪ್ರದರ್ಶನದ ಆಧಾರದ ಮೇಲೆ ಎಂಬುದು ಇಲ್ಲಿ ಗಮನಿಸಬೇಕಾದ ಅಂಶ. 18ನೇ ಆವೃತ್ತಿಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ತೋರಿರುವ ಸಿಎಸ್​ಕೆ, ಐಪಿಎಲ್​ ಇತಿಹಾಸದಲ್ಲೇ ಈ ಮಟ್ಟಿಗಿನ ಕಳಪೆ ಆಟ ಎಂದಿಗೂ ಆಡಿರಲಿಲ್ಲ ಎಂಬ ಸಂಗತಿ ಸದ್ಯ ಕ್ರಿಕೆಟ್​ ಪ್ರಿಯರಲ್ಲಿ ಅರಗಿಸಿಕೊಳ್ಳಲಾಗದ ಸಂಗತಿ ಎಂದೇ ಹೇಳಬಹುದು,(ಏಜೆನ್ಸೀಸ್).

https://www.vijayavani.net/actress-slams-netizens-over-plastic-surgery/