ಟ್ರಾವಿಸ್​-ಸಿರಾಜ್​ ಜಟಾಪಟಿ! ಟೀಮ್ ಇಂಡಿಯಾ ವೇಗಿಗೆ ಮೊಹಮ್ಮದ್​ ಕೈಫ್​ ಎಚ್ಚರಿಕೆ | Siraj

ನವದೆಹಲಿ: ಮೊನ್ನೆಯಷ್ಟೇ ಅಡಿಲೇಡ್ ಓವಲ್‌ನಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್‌ನಲ್ಲಿ ಟೀಮ್ ಇಂಡಿಯಾ ವೇಗಿ ಮೊಹಮ್ಮದ್​ ಸಿರಾಜ್​ ಮತ್ತು ಕಾಂಗರೂ ಪಡೆಯ ಸ್ಟಾರ್​ ಬ್ಯಾಟರ್​ ಟ್ರಾವಿಸ್​ ಹೆಡ್​ ಮಧ್ಯೆ ಉಂಟಾದ ಸಂಘರ್ಷ ಸದ್ಯ ದೊಡ್ಡ ವಿವಾದಕ್ಕೆ ತಿರುಗಿದೆ. ಹೆಡ್​ರ ವಿಕೆಟ್​​ ಕಬಳಿಸಿದ ಸಿರಾಜ್​, ತಮ್ಮ ಸಂಭ್ರಮವನ್ನು ವ್ಯಕ್ತಪಡಿಸಿದ ರೀತಿ ಕೆಲವರಿಗೆ ಇಷ್ಟವಾಗಲಿಲ್ಲ. ಬ್ಯಾಟರ್​ಗೆ ಯಾವುದೇ ಅವಾಚ್ಯ ಪದ ಬಳಸದ ಸಿರಾಜ್ (Siraj)​ ವಿರುದ್ಧ ಟ್ರಾವಿಸ್​ ಪತ್ರಕರ್ತರ ಮುಂದೆ ಸುಳ್ಳು ಆರೋಪ ಎಸಗಿದ್ದು, ನಾನು ಮೆಚ್ಚಿ ಮಾತನಾಡಿದರು ಸಹ ಸಿರಾಜ್ ನನ್ನೊಂದಿಗೆ​ ಕೆಟ್ಟದಾಗಿ ವರ್ತಿಸಿದರು ಎಂದರು. ಈ ಮಾತು ಹೊರಬಿದ್ದ ಬೆನ್ನಲ್ಲೇ ಇಬ್ಬರ ನಡುವಿನ ವಿವಾದಕ್ಕೆ ಎರಡು ತಂಡದ ಮಾಜಿ ಕ್ರಿಕೆಟಿಗರು ಕಿಡಿಕಾರುತ್ತಿದ್ದಾರೆ.

ಇದನ್ಣೂ ಓದಿ: ಆತನಿದ್ರೆ ಮಾತ್ರ ಆಸಿಸ್​ ವಿರುದ್ಧ ಭಾರತ ಉಳಿದ 3 ಟೆಸ್ಟ್​ ಪಂದ್ಯ ಗೆಲ್ಲಲು ಸಾಧ್ಯ! ಪಾಕ್ ಮಾಜಿ ಕ್ರಿಕೆಟಿಗನ ಹೇಳಿಕೆ | Team India

ಒಂದೆಡೆ ಕ್ರಿಕೆಟ್ ಅಭಿಮಾನಿಗಳು ವಿಡಿಯೋ ಸಾಕ್ಷಿ ಮುಂದಿಟ್ಟು ಟ್ರಾವಿಸ್​ರನ್ನು ಟೀಕಿಸಿದರೆ, ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗರು ಕಣ್ಣು ಮುಂದೆ ಪುರಾವೆ ಇದ್ದರೂ ಸಹ ಭಾರತದ ವೇಗಿಯನ್ನು ಬ್ಯಾನ್​ ಮಾಡಬೇಕು ಇಲ್ಲ ದಂಡ ವಿಧಿಸಬೇಕು ಎಂದೆಲ್ಲಾ ನಾಲಿಗೆ ಹರಿಬಿಟ್ಟಿದ್ದಾರೆ. ಸದ್ಯ ಭಾರತ ಮತ್ತು ಆಸ್ಟ್ರೇಲಿಯಾ ವಿರುದ್ಧ ಇನ್ನೂ ಮೂರು ಟೆಸ್ಟ್​ ಪಂದ್ಯಗಳು ಬಾಕಿ ಉಳಿದಿದ್ದು, ಇದರ ನಡುವೆಯೇ ಈ ವಿಚಾರ ದೊಡ್ಡ ವಿವಾದಕ್ಕೆ ಎಡಮಾಡಿಕೊಟ್ಟಿದೆ. ವಿಡಿಯೋ ಸಾಕ್ಷಿಯನ್ನು ಕಂಡಿದ್ದರೂ ಕೂಡ ಇದೀಗ ಸಿರಾಜ್​ ವಿರುದ್ಧವೇ ಟೀಮ್ ಇಂಡಿಯಾದ ಮಾಜಿ ಆಟಗಾರ ಮೊಹಮ್ಮದ್​ ಕೈಫ್​ ಗುಡುಗಿದ್ದಾರೆ.

ಅವಕಾಶವಿತ್ತು!

"ಇದು ಅಶಿಸ್ತಿನ ನಡೆ. ಮಾರ್ನಸ್ ಲ್ಯಾಬುಸ್ಚಾಗ್ನೆ ಬಳಿ ಬಾಲ್ ಎಸೆದಿದ್ದು ಮತ್ತು ಟ್ರಾವಿಸ್ ಹೆಡ್ ಜತೆ ಅನುಚಿತವಾಗಿ ವರ್ತಿಸಿದ್ದು ಸಿರಾಜ್ ಮಾಡಿದ ಎರಡು ತಪ್ಪುಗಳು. ಸಿರಾಜ್​ನ ಈ ನಡೆ ಯುವ ಕ್ರಿಕೆಟಿಗರಿಗೆ ಯಾವ ಸಂದೇಶ ರವಾನಿಸುತ್ತಿದೆ? ಹೆಡ್​ 79 ರನ್ ಗಳಿಸಿದ್ದಾಗಲೇ ಸಿರಾಜ್‌ಗೆ ಅವರನ್ನು ಪೆವಿಲಿಯನ್​ಗೆ ಕಳಿಸುವ ಅವಕಾಶವಿತ್ತು, ಆದರೆ ವೇಗಿ ಕ್ಯಾಚ್ ಹಿಡಿಯಲು ವಿಫಲರಾದರು. ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಅಂತಹ ಕ್ಯಾಚ್‌ಗಳನ್ನು ನೀವು ಹಿಡಿಯುವುದು ಬಹಳ ಮುಖ್ಯ" ಎಂದರು.

ಇದು ಸರಿಯಲ್ಲ

"ಟ್ರಾವಿಸ್ ಹೆಡ್ ವೇಗಿ ಸಿರಾಜ್ ಸೇರಿದಂತೆ ಉಳಿದ ಬೌಲರ್​ಗಳ ಬಾಲ್​ಗಳಿಗೆ ಮೈದಾನದ ಪೂರ ಸಿಕ್ಸ್​ ಮತ್ತು ಬೌಂಡರಿಗಳನ್ನು ಬಾರಿಸಿದ್ದಾರೆ. ವಿಕೆಟ್​ ಪಡೆದ ನಿಮ್ಮ ಖುಷಿ, ಸಂಭ್ರಮವನ್ನು ನಾನು ಅರ್ಥಮಾಡಿಕೊಳ್ಳಬಲ್ಲೆ. ಆದರೆ, 140 ರನ್ ಗಳಿಸಿದ ಒಬ್ಬ ಬ್ಯಾಟರ್‌ಗೆ ಕೊಡುವ ಗೌರವ ಅದಲ್ಲ. ಆತನನ್ನು ಆ ರೀತಿ ಪೆವಿಲಿಯನ್​ಗೆ ಕಳಿಸುವುದು ಸರಿಯಲ್ಲ" ಎಂದು ಕೈಫ್​ ಎಚ್ಚರಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/instead-of-500-rs-petrol-he-got-only