2013-14ರ ಅವಧಿಯಲ್ಲಿ ಸ್ಯಾಮ್ಮಿ ಸನ್ರೈಸರ್ಸ್ ತಂಡವನ್ನು ಪ್ರತಿನಿಧಿಸಿದ್ದಾಗ ಇಶಾಂತ್ ಕೂಡ ಸಹ-ಆಟಗಾರರಾಗಿದ್ದರು. ತಂಡದ ಆಗಿನ ಆಟಗಾರರು ತಮಗೆ ‘ಕಾಲೂ’ ಎಂಬ ಅಡ್ಡಹೆಸರು ಇಟ್ಟಿದ್ದರು ಎಂದು ಸ್ಯಾಮ್ಮಿ ಹೇಳಿಕೊಂಡಿದ್ದರು. ಹಾಗಾದರೆ ಇಶಾಂತ್ ಕೂಡ ಸ್ಯಾಮ್ಮಿ ಅವರನ್ನು ‘ಕಾಲೂ’ ಎಂದೇ ಕರೆಯುತ್ತಿದ್ದರೇ ಎಂಬ ಅನುಮಾನ ಮೂಡಿದ್ದು, ದೆಹಲಿಯ ಲಂಬೂ ವೇಗಿ ಕೂಡ ಜನಾಂಗೀಯ ನಿಂದನೆ ಪ್ರಕರಣದಲ್ಲಿ ಸಿಲುಕಿಕೊಳ್ಳುವಂತಾಗಿದೆ. ಭುವನೇಶ್ವರ್ಕುಮಾರ್, ಸ್ಯಾಮ್ಮಿ ಮತ್ತು ಡೇಲ್ ಸ್ಟೈನ್ ಜತೆಗೆ ತಾನಿರುವ ಚಿತ್ರವನ್ನು ಪೋಸ್ಟ್ ಮಾಡಿದ್ದ ಇಶಾಂತ್, ‘ನಾನು, ಭುವಿ, ಕಾಲೂ ಮತ್ತು ಗನ್ ಸನ್ರೈಸರ್ಸ್’ ಎಂಬ ಅಡಿಬರಹ ನೀಡಿದ್ದರು. ಅದರಲ್ಲಿ ಕಾಲೂ ಎಂದರೆ ಸ್ಯಾಮ್ಮಿ ಎಂದಾಗಿತ್ತು.
