ಆತ ವೈಟ್​ಬಾಲ್​ ಕ್ರಿಕೆಟ್​ನ... Virat Kohli ಕುರಿತಾಗಿ ಅಚ್ಚರಿಯ ಹೇಳಿಕೆ ನೀಡಿದ ಮಾಜಿ ಸ್ಟಾರ್​ ಆಟಗಾರ

ನವದೆಹಲಿ: ಟೀಮ್​ ಇಂಡಿಯಾದ ಮಾಜಿ ನಾಯಕ, ಸ್ಟಾರ್​ ಬ್ಯಾಟರ್​, ರನ್​ ಮೆಷಿನ್​ ಎಂದೇ ಖ್ಯಾತಿ ಪಡೆದಿರುವ ವಿರಾಟ್​ ಕೊಹ್ಲಿ (Virat Kohli) ಪ್ರಸ್ತುತ ತಮ್ಮ ಫಾರ್ಮ್​ ಕಂಡುಕೊಳ್ಳಲು ಪರದಾಡುತ್ತಿದ್ದು, ಈಚೆಗೆ ಮುಕ್ತಾಯಗೊಂಡ ಟೆಸ್ಟ್​ ಸರಣಿಗಳೇ ಅದಕ್ಕೆ ಜೀವಂತೆ ನಿದರ್ಶನವಾಗಿದೆ. ಕೊಹ್ಲಿಯ ನೀರಸ ಪ್ರದರ್ಶನಕ್ಕೆ ಕಿಡಿಕಾರಿದ್ದ ಫ್ಯಾನ್ಸ್​ ನಿವೃತ್ತಿ ಪಡೆಯುವಂತೆ ಸೂಚಿಸಿದ್ದರು. ಈ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಪರ-ವಿರೋಧದ ಚರ್ಚೆಗೆ ಕಾರಣವಾಗಿತ್ತು. ಇದೀಗ ಈ ಬಗ್ಗೆ ಮಾತನಾಡಿರುವ ಮೊಹಮ್ಮದ್ ಕೈಫ್​ ಕೊಹ್ಲಿ ಕಮ್​ಬ್ಯಾಕ್​ ಮಾಡುತ್ತಾರೆ ಎಂದು ಹೇಳಿದ್ದಾರೆ.

ತಮ್ಮ ಯೂಟ್ಯೂಬ್​​ ಚಾನೆಲ್​ನಲ್ಲಿ ಈ ಕುರಿತಾಗಿ ವಿಡಿಯೋ ಪೋಸ್ಟ್ ಮಾಡಿರುವ ಕೈಫ್​, ನಾನೂ ನೋಡಿದಂತೆ ವಿರಾಟ್​ ಕೊಹ್ಲಿ (Virat Kohli) ಅಷ್ಟು ಸುಲಭವಾಗಿ ಸೋಲನ್ನು ಒಪ್ಪಿಕೊಳ್ಳುವುದಿಲ್ಲ. ಆತ ಕಮ್​ಬ್ಯಾಕ್​ ಮಾಡೇ ಮಾಡುತ್ತಾನೆ. ವೈಟ್​ಬಾಲ್​ ಕ್ರಿಕೆಟ್​ನಲ್ಲಿ ಆತನ ಪ್ರದರ್ಶನವೇ ಎಲ್ಲವನ್ನು ಹೇಳುತ್ತದೆ. ಏಕದಿನ ಮಾದರಿಯಲ್ಲಿ ಆತ 50 ಶತಕ ಒಳಗೊಂಡಂತೆ 13 ಸಾವಿರ ರನ್​ಗಳನ್ನು ಬಾರಿಸಿದ್ದಾನೆ. ಟೆಸ್ಟ್​ನಲ್ಲಿ ಏನಾಯಿತು ಎಂಬುದನ್ನು ನಾವೆಲ್ಲರೂ ಮರೆಯಬೇಕು.

ವೈಟ್​ಬಾಲ್​ ಕ್ರಿಕೆಟ್​ಗೆ ಬರುವುದಾದರೆ ವಿರಾಟ್​ ಕೊಹ್ಲಿ ವಿಭಿನ್ನವಾಗಿ ಆಡುತ್ತಾನೆ ಎಂಬುದರಲ್ಲಿ ಯಾವುದೇ ಸಂಶಯವಿಲ್ಲ. ಕಳೆದ ಬಾರಿ ಆತ ದುಬೈ ಕ್ರೀಡಾಂಗಣದಲ್ಲಿ ಅಫ್ಘಾನಿಸ್ಥಾನದ ವಿರುದ್ಧ ಆರು ಸಿಕ್ಸರ್​ ಒಳಗೊಂಡಂತೆ 61 ಎಸೆತಗಳಲ್ಲಿ 122 ರನ್​ಗಳಿಸಿದ್ದರು. ಆ ಸಮಯದಲ್ಲಿ ಆತನ ಫಾರ್ಮ್​ ಅತ್ಯುತ್ತಮವಾಗಿತ್ತು. ಆತ ದುಬೈನಲ್ಲಿ ಆಡಲು ಇಷ್ಟಪಡುತ್ತಾರೆ, ಆದ್ದರಿಂದ ನಾನು ಆತನ ಮೇಲೆ ಹೆಚ್ಚಿನ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದೇನೆ. 

ಆತ ಏನಾದರೂ ಮೊದಲ ಪಂದ್ಯದಲ್ಲಿ ರನ್​ ಗಳಿಸಿದರೆ ಉಳಿದ ಮ್ಯಾಚ್​ಗಳಿಗೆ ನಾನು ಗ್ಯಾರಂಟಿ ಕೊಡಬಲ್ಲೇ. ವೈಟ್​ಬಾಲ್​ ಕ್ರಿಕೆಟ್​ನಲ್ಲಿ ವಿರಾಟ್​ ಕೊಹ್ಲಿ ರಾಜ ಎಂದರೆ ತಪ್ಪಾಗಲಾರದು. ಆತನ ಯುಗವು ಇನ್ನೂ ಕೊನೆಗೊಂಡಿಲ್ಲ. ಮುಂದುವರೆಯುತ್ತದೆ ಎಂದು ಟೀಮ್​ ಇಂಡಿಯಾ ಮಾಜಿ ಆಟಗಾರ ಮೊಹಮ್ಮದ್ ಕೈಫ್​ ವಿರಾಟ್​ ಕೊಹ್ಲಿ (Virat Kohli) ಫಾರ್ಮ್​ ಕುರಿತಾಗಿ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.

https://www.vijayavani.net/biggboss-offiaicl-voting-data-revealed-in-finale-stage

https://www.vijayavani.net/padma-awards-2025-30-unsung-heroes-awarded-padma-shri