ತನ್ನೆಲ್ಲ ಪಂದ್ಯಗಳನ್ನು ಭಾರತ ಇಲ್ಲೇ ಆಡಿದೆ...: ದುಬೈ ಪಿಚ್​ ಕುರಿತು ಕಿವೀಸ್ ಕ್ಯಾಪ್ಟನ್​ ನೇರ ನುಡಿ | IND vs NZ Final

IND vs NZ Final: ಪ್ರಸಕ್ತ ದುಬೈ ಮತ್ತು ಪಾಕಿಸ್ತಾನ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯಲ್ಲಿ ಸತತ ನಾಲ್ಕು ಪಂದ್ಯಗಳನ್ನು ಗೆದ್ದು ನೇರವಾಗಿ ಫೈನಲ್​ಗೆ ಲಗ್ಗೆಯಿಟ್ಟಿರುವ ರೋಹಿತ್ ಶರ್ಮ ಪಡೆ, ತಮ್ಮ ಐದನೇ ಹಾಗೂ ಕೊನೆಯ ಪಂದ್ಯವನ್ನು ಕಿವೀಸ್​ ವಿರುದ್ಧ ಆಡಲಿದೆ. ಈ ಪಂದ್ಯವೂ ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯಲಿದ್ದು, ಭಾರತದ ಗೆಲುವಿಗೆ ಪಿಚ್​ ಕಂಡೀಷನ್​ ಹೇಗೆ ಫಲಿಸಲಿದೆ? ಎಂಬ ಲೆಕ್ಕಾಚಾರಗಳು ಶುರುವಾಗಿವೆ. ಈ ಮಧ್ಯೆ ನ್ಯೂಜಿಲೆಂಡ್​ ಕ್ಯಾಪ್ಟನ್​ ಹೇಳಿಕೆ ಹಲವರ ಹುಬ್ಬೇರಿಸಿದೆ.

ಇದನ್ನೂ ಓದಿ: ಬಾಲ್ಯದಲ್ಲೇ ಸರಣಿ ಹತ್ಯೆಗಳ ಕಂಡೆ, ಕುಡಿತಕ್ಕೆ ದಾಸನದೆ! ಆತ್ಮಹತ್ಯೆಗೆ ಯತ್ನಿಸಿದ್ದ ಈ ವ್ಯಕ್ತಿ ಇಂದು… | Actor

ಭಾನುವಾರ (ಮಾ.09) ನಡೆಯಲಿರುವ ನ್ಯೂಜಿಲೆಂಡ್ ಮತ್ತು ಭಾರತ ನಡುವಿನ ಫೈನಲ್​ ಪಂದ್ಯಕ್ಕೆ ಉಭಯ ತಂಡಗಳು ಸಕಲ ತಯಾರಿ ನಡೆಸುತ್ತಿದ್ದು, ಪಂದ್ಯ ವೀಕ್ಷಣೆಗಾಗಿ ಅಭಿಮಾನಿಗಳು ತೀವ್ರ ಕಾತರ ವ್ಯಕ್ತಪಡಿಸಿದ್ದಾರೆ. 2025ರ ಚಾಂಪಿಯನ್ಸ್ ಟ್ರೋಫಿ ಎತ್ತಿ ಹಿಡಿಯಲು ರೋಹಿತ್ ಶರ್ಮ ಪಡೆ ಎದುರುನೋಡುತ್ತಿದ್ದರೆ, ದುಬೈ ಪಿಚ್​ನಲ್ಲೇ ಆಡುತ್ತಿರುವ ಟೀಮ್ ಇಂಡಿಯಾಗೆ ಈ ಪಂದ್ಯದಲ್ಲಿಯೂ ಗೆಲುವು ಸಿಗಬಹುದೇ ಎಂಬ ಚಿಂತೆ ಕಿವೀಸ್​ ಕ್ಯಾಪ್ಟನ್​ಗೆ ಕಾಡುತ್ತಿದೆ. ಅದಕ್ಕೆ ಅವರ ಇತ್ತೀಚಿನ ಹೇಳಿಕೆಯೇ ಕಾರಣ.

ದುಬೈಗೆ ಬಂದಿಳಿದ ಹಿನ್ನೆಲೆ ಮಾತನಾಡಿದ ಮಿಚೆಲ್​ ಸ್ಯಾಟ್ನರ್​, "ತಮ್ಮೆಲ್ಲ ಪಂದ್ಯಗಳನ್ನು ಭಾರತ ಇದೇ ಪಿಚ್​ನಲ್ಲಿ ಆಡಿದೆ. ಹಾಗಾಗಿ, ಅವರಿಗೆ ದುಬೈ ಪಿಚ್​ ಹೇಗಿರಲಿದೆ ಎಂಬ ಐಡಿಯಾ ಇದೆ. ಲಾಹೋರ್​ ಕ್ರೀಡಾಂಗಣದಲ್ಲಿ ಆಡಿರುವ ನಮಗೆ ಇದು ಹೇಗೆ ಪರಿಣಾಮ ಬೀರಲಿದೆ ಎಂಬುದೇ ಕುತೂಹಲ. ಖಂಡಿತ, ಕೊಂಚ ಕಷ್ಟವಾಗಲಿದೆ. ಆದ್ರೆ, ಅದನ್ನು ಭೇದಿಸುವ ಕಲೆ ನಮಗಿದೆ. ಇದೊಂದು ಸವಾಲು ಎಂದೇ ನಾವು ಸ್ವೀಕರಿಸುತ್ತೇವೆ. ಟೂರ್ನಿಯಲ್ಲಿ ಬಹುತೇಕ ಎಲ್ಲ ಪಿಚ್​ಗಳಲ್ಲಿಯೂ ನಮ್ಮ ತಂಡ ಆಡಿದೆ" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/fans-are-not-ok-with-96-sequel