ಬಾಲ್ಯದಲ್ಲೇ ಸರಣಿ ಹತ್ಯೆಗಳ ಕಂಡೆ, ಕುಡಿತಕ್ಕೆ ದಾಸನದೆ! ಆತ್ಮಹತ್ಯೆಗೆ ಯತ್ನಿಸಿದ್ದ ಈ ವ್ಯಕ್ತಿ ಇಂದು... | Actor

Comedy Actor: ಜೀವನವೆ ಹಾಗೇ ರೀ…ಯಾವ ಸಮಯದಲ್ಲಿ ಏನಾಗುತ್ತದೆ? ಅಂತ ಯಾರಿಗೂ ತಿಳಿಯಲ್ಲ. ಬದುಕು ದುಸ್ತರವಾಯಿತು ಎಂದು ಚಿಂತಿಸಿ, ಜೀವವನ್ನೇ ಅಂತ್ಯಗೊಳಿಸುವ ತಪ್ಪು ನಿರ್ಧಾರ ಕೈಗೊಳ್ಳುವವರ ಸಂಖ್ಯೆ ಅದೆಷ್ಟೋ! ಬಾಲ್ಯದಿಂದಲೇ ಮನೆಯ ಒತ್ತಡ, ಆರ್ಥಿಕ ಪರಿಸ್ಥಿತಿ ಹೀಗೆ ನಾನಾ ಸಮಸ್ಯೆಗಳಿಗೆ ಸಿಲುಕಿ, ಒದ್ದಾಡುವ ಜನರು, ನಮ್ಮ ಜೀವನ ಇಲ್ಲಿಗೆ ಮುಗಿತು. ಇನ್ನು ನಮಗೆ ಬೇರೆ ದಾರಿಯೇ ಇಲ್ಲ ಎಂದು ತಮ್ಮ ಜೀವವನ್ನೇ ಬಲಿ ಕೊಡುವ ಮೂಲಕ ಇಂತಹ ಸಂಕಷ್ಟದಿಂದ ಮುಕ್ತಿ ಪಡೆಯುತ್ತಾರೆ. ಇಂತಹದ್ದೇ ರೀತಿಯಲ್ಲಿ ಅಂದು ಈ ನಟ ಕೂಡ ದುಡುಕಿ ನಿರ್ಧಾರ ಕೈಗೊಂಡಿದ್ದರು. ಆದ್ರೆ, ವಿಧಿಯಾಟ ಮಾತ್ರ ಬೇರೆಯೇ ಇತ್ತು.

ಇದನ್ನೂ ಓದಿ: ಪೊಲೀಸ್ ಪೇದೆ ಮಾರ್ಗದರ್ಶನದಲ್ಲಿ ಸುಲಿಗೆ, ೯ ಆರೋಪಿಗಳ ಬಂಧನ

ಕಣ್ಣೆದುರೇ ಸರಣಿ ಕೊಲೆ

ಬಾಲ್ಯದಲ್ಲೇ ಮನೆಯ ಒತ್ತಡ, ತಂದೆಯ ವಿಪರೀತ ಕುಡಿತದ ಚಟ ಇವರ ಜೀವನವನ್ನೇ ಬಹಳ ಬೇಸರಗೊಳಿಸಿತ್ತು. ಕಣ್ಣೆದುರೇ ಸರಣಿ ಹತ್ಯೆಗಳನ್ನು ಕಂಡು ದಿಕ್ಕಾಪಾಲಾದ ಇವರು, ಅಂದು ತಾವು ನಿರ್ಧರಿಸಿದಂತೆ ಜೀವನ ಕೊನೆಗೊಳಿಸಲು ಮುಂದಾಗಿದ್ದರು. ಅಷ್ಟಕ್ಕೂ ಈ ನಟ ಬೇರಾರು ಅಲ್ಲ. ಎಲ್ಲರ ನೆಚ್ಚಿನ ಹಾಸ್ಯ ಕಲಾವಿದ ಜಾನಿ ಲಿವರ್. ಇಂದು ಸಿನಿಮಾ ಇಂಡಸ್ಟ್ರಿಯಲ್ಲಿ ದೊಡ್ಡ ನಟರಾಗಿ ಹೊರಹೊಮ್ಮಿರುವ ಇವರು, ಅತ್ಯುತ್ತಮ ಹಾಸ್ಯನಟರಲ್ಲಿ ಒಬ್ಬರು. ವೀಕ್ಷಕರಲ್ಲಿ ಹಾಸ್ಯ ಮೂಡಿಸುವಲ್ಲಿ ವಿಫಲರಾಗದ ಜಾನಿ, ತಮ್ಮ ಬಾಲ್ಯದ ಘಟನೆಗಳನ್ನು ನೆನದು ಸಂದರ್ಶನವೊಂದರಲ್ಲಿ ಭಾವುಕರಾಗಿದ್ದರು.

ಸಂದರ್ಶನವೊಂದರಲ್ಲಿ ಭಾಗಿಯಾಗಿ ಮಾತನಾಡಿದ್ದ ಜಾನಿ ಲಿವರ್​, “ನನ್ನ ತಂದೆ ವಿಪರೀತ ಕುಡಿತದ ಚಟಕ್ಕೆ ದಾಸರಾಗಿದ್ದರು. ಇದರಿಂದಾಗಿ ಅವರು ಎಂದಿಗೂ ನಮ್ಮ ಬಗ್ಗೆ ಗಮನ ಹರಿಸಲಿಲ್ಲ. ಶಾಲೆಯ ಫೀಸ್​ನೂ ಕಟ್ಟಲಿಲ್ಲ, ಯಾವುದಕ್ಕೂ ಹಣ ಕೊಡಲಿಲ್ಲ. ಅವರ ಬದಲಿಗೆ ನಮ್ಮನ್ನು ತಂದೆಯ ಸ್ಥಾನದಲ್ಲಿದ್ದು ನೋಡಿಕೊಂಡಿದ್ದು, ನಮ್ಮ ದೊಡ್ಡಪ್ಪ. ಇವರೇ ನಮ್ಮ ಶಾಲೆಯ ಫೀಸ್​ ಪಾವತಿಸಿದರು. ಆದರೆ, ಕೆಲವು ವರ್ಷಗಳ ಬಳಿಕ ಸ್ಕೂಲ್​ ತೊರೆದೆ. ಆದರೆ, ಶಾಲೆಯಲ್ಲಿದ್ದ ಅಷ್ಟು ದಿನಗಳು ಎಲ್ಲರನ್ನೂ ಅನುಕರಿಸುತ್ತಿದ್ದೆ, ಎಲ್ಲರ ಪ್ರೀತಿಗೆ ಪಾತ್ರನಾಗಿದ್ದೆ” ಎಂದು ಭಾವುಕರಾದರು.

ಇದನ್ನೂ ಓದಿ: ಕೇಂದ್ರ ಕಚೇರಿ ಆವರಣದಲ್ಲಿ ಆತ್ಮಹತ್ಯೆಗೆ ಮಹಿಳೆ ಯತ್ನ; ಈ ಪ್ರಕರಣಕ್ಕೂ ಬಿಬಿಎಂಪಿಗೆ ಯಾವುದೇ ಸಂಬಂಧವಿರುವುದಿಲ್ಲ: ಡಾ. ನಿರ್ಮಲಾ ಬುಗ್ಗಿ

ನಾನೇ ನಿನ್ನ ಫೀಸ್ ಕಟ್ತೀನಿ​

“ಶಿಕ್ಷಕರು ಕೂಡ ನನ್ನನ್ನು ಬಹಳ ಮೆಚ್ಚಿಕೊಂಡಿದ್ದರು. ನನ್ನ ಕ್ಲಾಸ್ ಟೀಚರ್ ದಮಯಂತಿ ಅವರು ನನ್ನನ್ನು ತುಂಬಾ ಪ್ರೀತಿ ಮಾಡುತ್ತಿದ್ದರು. ಇಂದಿಗೂ ಅವರನ್ನು ಭೇಟಿಯಾಗಿ, ಆಗಾಗ್ಗೆ ಮಾತನಾಡಿಸುತ್ತಿರುತ್ತೇನೆ. ನಾನು ಶಾಲೆ ಬಿಟ್ಟಾಗ, ವಿದ್ಯಾರ್ಥಿಗಳನ್ನು ನನ್ನ ಮನೆಗೆ ಕಳಿಸಿ, ನನ್ನನ್ನು ವಾಪಾಸ್​ ಕರೆದುಕೊಂಡು ಬರಲು ಹೇಳಿದ್ದರು. ನಾನೇ ನಿನ್ನ ಫೀಸ್ ಕಟ್ತೀನಿ​, ಯೂನಿಫಾರ್ಮ್​ ಕೊಡಿಸ್ತೀನಿ ಬಾ ಎಂದಿದ್ದರು. ಆದರೆ, ನಾನು ಮಾತ್ರ ಹಿಂತಿರುಗಿ ಹೋಗಲೇ ಇಲ್ಲ" ಎಂದರು.

ಬಲವಂತವಾಗಿ ಮದ್ಯ ಕುಡಿಸಿದರು

"ಒಮ್ಮೆ ನನ್ನ ತಂದೆ ಇದನ್ನು ಕುಡಿ ನಿನ್ನ ಹೊಟ್ಟೆ ಸರಿಯಾಗುತ್ತದೆ ಎಂದು ಬಲವಂತವಾಗಿ ಮದ್ಯವನ್ನು ಕುಡಿಸಿದರು. ಇದರಿಂದ ಬಹಳ ನೋವುಂಟಾಯಿತು. ಬಾಲ್ಯದಲ್ಲಿ ಸಾಕಷ್ಟು ಸವಾಲುಗಳನ್ನು ಎದುರಿಸಿದ್ದೇನೆ. ಅಪ್ಪನ ನಿರ್ಲಕ್ಷ್ಯದಿಂದ ನನ್ನ ಕುಟುಂಬವನ್ನು ನೋಡಿಕೊಳ್ಳುವ ಅನಿವಾರ್ಯತೆ ಎದುರಾಯಿತು. ಅಂದು ದುಡಿದರೆ ಮಾತ್ರ ಊಟ ಸಿಗುತ್ತಿತ್ತು. ನನ್ನ ತಂದೆಗೆ ಅವರೇನು ಮಾಡುತ್ತಿದ್ದಾರೆಂದು ಅವರಿಗೇ ತಿಳಿದಿರಲಿಲ್ಲ. ರೌಡಿಸಂನಲ್ಲಿ ತೊಡಗಿದ್ದರು. ಎಷ್ಟೋ ಸಲ ನಾನು ಅವರ ಆಯುಧಗಳನ್ನು ಕದ್ದು ಬಿಸಾಡಿದ್ದೆ” ಎಂದರು.

ಇದನ್ನೂ ಓದಿ: ನಿಮಿಕಾ ಸಿನಿಮಾ ‘ಸಫಾರಿ: ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ ‘ಪುಷ್ಪವತಿ’

ಆತ್ಮಹತ್ಯೆಗೆ ಯತ್ನ

“13ನೇ ವಯಸ್ಸಿನಲ್ಲಿ ಆತ್ಮಹತ್ಯೆ ಮಾಡಿಕೊಳ್ಳಲು ರೈಲ್ವೆ ಹಳಿಗೆ ಹೋಗಿದ್ದೆ. ನನ್ನ ತಂದೆಯ ವರ್ತನೆಯಿಂದ ತೀವ್ರ ಮನನೊಂದಿದ್ದೆ. ಹಾಗಾಗಿ ಟ್ರ್ಯಾಕ್ ಮೇಲೆ ಮಲಗಿದ್ದೆ. ಆಗ ತಕ್ಷಣ ಇದ್ದಕ್ಕಿದ್ದಂತೆ ನನ್ನ ಮೂರು ತಂಗಿಯರ ಮುಖಗಳು ನನ್ನ ಕಣ್ಣ ಮುಂದೆ ಬಂದಿತು. ನಾನೇನಾದರೂ ಸಾವಿಗೀಡಾದರೆ, ನನ್ನ ತಂಗಿಯರ ಗತಿಯೇನು? ಎಂದು ಯೋಚಿಸಿ, ಕೂಡಲೇ ಟ್ರ್ಯಾಕ್‌ನಿಂದ ಹೊರಬಂದೆ” ಎಂದು ತಮ್ಮ ಬಾಲ್ಯದ ಕಹಿದಿನಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/ranya-rao-gold-smuggling-case