ಬೆಂಗಳೂರು: ದರ್ಶನ್ ನಟನೆಯ ‘ಕ್ರಾಂತಿ’ ಚಿತ್ರದ ‘ಶೇಕ್ ಇಟ್ ಪುಷ್ಪವತಿ’ ಸಾಂಗ್ ಮೂಲಕ ಗಮನಸೆಳೆದವರು ನಟಿ ನಿಮಿಕಾ ರತ್ನಾಕರ್. ಇದಕ್ಕೂ ಮುನ್ನ ‘ಅಬ್ಬರ’, ‘ಮಿ.ಬ್ಯಾಚುಲರ್’ ಸಿನಿಮಾಗಳಲ್ಲಿ ನಟಿಸಿದ್ದರೂ, ನಿಮಿಕಾಗೆ ಹೆಚ್ಚು ಪ್ರಸಿದ್ಧಿ ತಂದುಕೊಟ್ಟಿದ್ದು ‘ಕ್ರಾಂತಿ’ ಚಿತ್ರದ ಸ್ಪೆಷಲ್ ಸಾಂಗ್. ಆ ಬಳಿಕ ಅವರು ಸ್ಯಾಂಡಲ್ವುಡ್ನಲ್ಲಿ ಬಿಜಿಯಾಗಿದ್ದು, ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಸದ್ಯ ಮಹಿಳಾ ಪ್ರಧಾನ ಚಿತ್ರದಲ್ಲಿ ನಟಿಸುತ್ತಿದ್ದು, ಅದರ ಶೂಟಿಂಗ್ ಚಾಲ್ತಿಯಲ್ಲಿರುವಾಗಲೇ ಮತ್ತೊಂದು ಸಿನಿಮಾದಲ್ಲಿ ಅವಕಾಶ ಪಡೆದುಕೊಂಡಿದ್ದಾರೆ. ಹೆಸರು ‘ವೈಲ್ಡ್ ಟೈಗರ್ ಸಫಾರಿ’. ಮಂಗಳೂರಿನಲ್ಲಿ ಇಂದು ಈ ಚಿತ್ರದ ಮುಹೂರ್ತ ನೆರವೇರಲಿದೆ. ‘ಕೆಜಿಎಫ್’ ಸರಣಿಯ ಸಂಭಾಷಣಕಾರ ಗುರುತಿಸಿಕೊಂಡಿದ್ದ ಚಂದ್ರಮೌಳಿ ಈ ಚಿತ್ರಕ್ಕೆ ಆ್ಯಕ್ಷನ್-ಕಟ್ ಹೇಳುತ್ತಿದ್ದಾರೆ. ಬಾಲಿವುಡ್ನಲ್ಲಿ ಹೆಸರುವಾಸಿಯಾಗಿರುವ ಡಾನ್ಸರ್ ಧರ್ಮೇಶ್ ಹಾಗೂ ಸುಶಾಂತ್ ಪೂಜಾರಿ ಮುಖ್ಯಪಾತ್ರದಲ್ಲಿದ್ದು, ನಿಮಿಕಾ ನಾಯಕಿಯಾಗಿ ಸಾಥ್ ನೀಡಲಿದ್ದಾರೆ. ಶೀತಲ್ ಪೂಜಾರಿ ಇನ್ನೊಂದು ನಾಯಕಿ ಪಾತ್ರ ನಿರ್ವಹಿಸುತ್ತಿದ್ದಾರೆ. ಚಿತ್ರಕ್ಕೆ ಶಿವಕುಮಾರ್ ಕಲಾ ನಿರ್ದೇಶನ, ಎ.ಜೆ.ಶೆಟ್ಟಿ ಛಾಯಾಗ್ರಹಣ ಇರಲಿದೆ.
