2019ರಲ್ಲಿ ಇಮ್ರಾನ್ ಖಾನ್ ನಿರ್ದೇಶನದ ಮೇರೆಗೆ ಪಿಸಿಬಿ, ದೇಶೀಯ ಕ್ರಿಕೆಟ್ ರಚನೆಯನ್ನು ಕೂಲಂಕಷವಾಗಿ ಪರಿಶೀಲಿಸಿತು. ವಿಭಾಗೀಯ ಮತ್ತು ಪ್ರಾದೇಶಿಕ ತಂಡಗಳ ದೀರ್ಘಕಾಲದ ವ್ಯವಸ್ಥೆಯನ್ನು ಆರು ತಂಡಗಳ ಪ್ರಥಮ ದರ್ಜೆ ತಂಡಗಳಾಗಿ ಬದಲಾಯಿಸಿತು. ಇಮ್ರಾನ್ ಅವರ ಮಾಜಿ ತಂಡದ ಸಹ ಆಟಗಾರ ರಮೀಜ್ ರಾಜಾ ಅವರನ್ನು 2021ರಲ್ಲಿ ಪಿಸಿಬಿ ಮುಖ್ಯಸ್ಥರನ್ನಾಗಿ ನೇಮಿಸಲಾಯಿತು. ಆದರೆ, ಇಮ್ರಾನ್ ನೇತೃತ್ವದ ಸರ್ಕಾರದ ಪತನದ ನಂತರ ಅವರು ತಮ್ಮ ಸ್ಥಾನವನ್ನು ತ್ಯಜಿಸಬೇಕಾಯಿತು. 2019ರಲ್ಲಿ ಹೊಸ ಪ್ರಧಾನಿ ಅಡಿಯಲ್ಲಿ ಹೊಸ ಆಡಳಿತ ಮಂಡಳಿಯು ಪಾಕಿಸ್ತಾನಕ್ಕೆ ದಶಕಗಳಿಂದ ಉತ್ತಮ ಸೇವೆ ಸಲ್ಲಿಸುತ್ತಿದ್ದ ದೇಶೀಯ ಕ್ರಿಕೆಟ್ ರಚನೆಯನ್ನೇ ಬದಲಾಯಿಸಿ, ಸೂಕ್ತವಲ್ಲದ ಆಸ್ಟ್ರೇಲಿಯಾದ ಹೈಬ್ರಿಡ್ ಮಾದರಿಯನ್ನು ಜಾರಿಗೆ ತಂದಿತು. ಅಲ್ಲಿಂದಾಚೆಗೆ ಪಾಕ್ ಕ್ರಿಕೆಟ್ ಪತನ ಆರಂಭವಾಯಿತು. ಕ್ರಿಕೆಟ್ನಲ್ಲಿ ರಾಜಕೀಯ ಹಸ್ತಕ್ಷೇಪ ಮುಂದುವರೆಯಿತು. ಅಲ್ಲದೆ, ವಿರೋಧಾತ್ಮಕ ಪಿಸಿಬಿ ನೀತಿಗಳು ರೂಢಿಯಾದವು. ವಿದೇಶಿ ತರಬೇತುದಾರರನ್ನು ನೇಮಿಸಲಾಯಿತು. ಆಯ್ಕೆದಾರರನ್ನು ವಿಚಿತ್ರವಾಗಿ ನಾಮನಿರ್ದೇಶನ ಮಾಡಲಾಯಿತು. ಈ ಹಿಂದೆ ತಿರಸ್ಕರಿಸಿದವರನ್ನು ಮಾರ್ಗದರ್ಶನ ಮತ್ತು ನಿರ್ವಹಣೆಗೆ ನೇಮಿಸಲಾಯಿತು. ಅಂತಿಮವಾಗಿ, ಆಟಗಾರರ ಶಕ್ತಿ, ನಾಯಕನ ಅಹಂಕಾರ ಮತ್ತು ತಂಡದಲ್ಲಿನ ಗುಂಪುಗಳ ಘರ್ಷಣೆಯು ಮೇಲುಗೈ ಸಾಧಿಸಿತು. ಇದೆಲ್ಲದರ ಭಯಾನಕ ಫಲಿತಾಂಶ ಇಂದು ನಮ್ಮ ಕಣ್ಣ ಮುಂದಿದೆ ಎಂದು ಸೇಥಿ ಹೇಳಿದರು.
