ಮೊಬೈಲ್​ ಕರೆಗಾಗಿ ಮರ ಏರಿದ್ದ ಅಂಪೈರ್​ ಊರಲ್ಲಿ ಈಗ ನೆಟ್​ವರ್ಕ್​ ಸಮಸ್ಯೆ ಇಲ್ಲ!

ನವದೆಹಲಿ: ಕರೊನಾ ಹಾವಳಿ ಶುರುವಾಗಿ ದೇಶ ಲಾಕ್​ಡೌನ್​ ಆದ ಸಮಯದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ ಅಂಪೈರ್​ ಅನಿಲ್​ ಚೌಧರಿ ನೆಟ್​ವರ್ಕ್​ ಸಿಗದ ಕಾರಣ ಮರವೇರಿ ಮೊಬೈಲ್​ ಕರೆ ಮಾಡಿದ್ದರು. ಅವರ ಈ ಪರದಾಟ ಸಾಕಷ್ಟು ಸುದ್ದಿಯಾಗಿತ್ತು. ಆದರೆ ಈಗ ಅವರ ಊರಿನಲ್ಲಿ ನೆಟ್​ವರ್ಕ್​ ಸಮಸ್ಯೆ ಇಲ್ಲ. ಅವರು ಮರವೇರಿದ ಬಳಿಕ ಏನೇನಾಯಿತು ಎಂಬುದರ ವಿವರಣೆ ಇಲ್ಲಿದೆ.

ಕಳೆದ ಮಾರ್ಚ್​ನಲ್ಲಿ ಭಾರತ ಮತ್ತು ದಣ ಆಫ್ರಿಕಾ ನಡುವಿನ ಏಕದಿನ ಸರಣಿಯಲ್ಲಿ ಕಾರ್ಯನಿರ್ವಹಿಸಲು ನೇಮಕಗೊಂಡಿದ್ದ ಅಂಪೈರ್​ ಅನಿಲ್​ ಚೌಧರಿ, ಸರಣಿ ಮೊಟಕುಗೊಂಡ ಬಳಿಕ ತಮ್ಮ ಹುಟ್ಟೂರಿಗೆ ತೆರಳಿದ್ದರು. ಆದರೆ ದೆಹಲಿಯಿಂದ 89 ಕಿಲೋಮೀಟರ್​ ದೂರದಲ್ಲಿರುವ ಉತ್ತರ ಪ್ರದೇಶದ ಡಂಗ್ರೋಲ್​ನಲ್ಲಿ ಅವರಿಗೆ ನೆಟ್​ವರ್ಕ್​ ಸಮಸ್ಯೆ ಎದುರಾಗಿತ್ತು. ಲಾಕ್​ಡೌನ್​ ಸಮಯದಲ್ಲಿ ಐಸಿಸಿ ಆನ್​ಲೈನ್​ ಮೂಲಕ ಅಂಪೈರ್​ಗಳಿಗೆ ವರ್ಕ್​ಶಾಪ್​ ಆಯೋಜಿಸಿತ್ತು. ಈ ಬಗ್ಗೆ ಸೂಕ್ತ ಮಾಹಿತಿ ಪಡೆದುಕೊಳ್ಳುವ ಸಲುವಾಗಿ ಮೊಬೈಲ್​ ಕರೆ ಮಾಡಲು ನೆಟ್​ವರ್ಕ್​ ಸಿಗದ ಕಾರಣ ಅವರು ಮರವೇರಿದ್ದರು.

ಇದನ್ನೂ ಓದಿ: VIDEO | ಪತ್ನಿ ಮನ ಒಲಿಸಲು ಶಿಖರ್​ ಧವನ್​ ಡ್ಯಾನ್ಸ್​, ಕಾಲೆಳೆದ ಚಾಹಲ್​!

ಅನಿಲ್​ ಚೌಧರಿ ಮರವೇರಿ ಮೊಬೈಲ್​ ಕರೆ ಮಾಡಿ ಚಿತ್ರ ಸಾಕಷ್ಟು ವೈರಲ್​ ಆಗುತ್ತಿದ್ದಂತೆ ಟೆಲಿಕಾಂ ಕಂಪನಿಯೊಂದು ಅವರನ್ನು ಸಂಪಕಿರ್ಸಿತ್ತು ಮತ್ತು ಅವರ ಊರಲ್ಲಿ ಮೊಬೈಲ್​ ಟವರ್​ ಅಳವಡಿಸಿತ್ತು. ಇದರಿಂದ ಅನಿಲ್​ ಚೌಧರಿ ಮಾತ್ರವಲ್ಲದೆ ಆ ಊರಿನ ಎಲ್ಲರ ನೆಟ್​ವರ್ಕ್​ ಸಮಸ್ಯೆಯೂ ನೀಗಿತ್ತು. ಹಿಂದೆಲ್ಲ ವಿಡಿಯೋ ಕಾನ್ಫರೆನ್ಸ್​ನಲ್ಲಿ ಪಾಲ್ಗೊಳ್ಳುವ ಸಲುವಾಗಿ ಡಂಗ್ರೊಲ್​ನಿಂದ ದೆಹಲಿಗೆ ಸಂಚರಿಸುತ್ತಿದ್ದ ಅನಿಲ್​ ಚೌಧರಿ ಈಗ ಊರಲ್ಲಿದ್ದುಕೊಂಡೇ ಆನ್​ಲೈನ್​ ವರ್ಕ್​ಶಾಪ್​ನಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ನಾವು ಈಗ ಯಾವುದೇ ಅಡಚಣೆಗಳಿಲ್ಲದೆ ದೂರವಾಣಿಯಲ್ಲಿ ಮಾತನಾಡಬಹುದಾಗಿದೆ. ಶಿಕ್ಷಣಕ್ಕಾಗಿ ಆನ್​ಲೈನ್​ ತರಗತಿಯಲ್ಲಿ ಪಾಲ್ಗೊಳ್ಳುವ ನಮ್ಮ ಊರಿನ ಮಕ್ಕಳಿಗೂ ಈಗ ಲಾಭವಾಗಿದೆ. ಊರಿನವರು ಈಗ ಬಂದು ನನ್ನನ್ನು ಅಭಿನಂದಿಸುವಾಗ ಅವರಿಗೆ ಇದು ಎಷ್ಟೊಂದು ದೊಡ್ಡ ಸಮಸ್ಯೆಯಾಗಿತ್ತು ಎಂಬುದು ಗೊತ್ತಾಗುತ್ತಿದೆ ಎಂದು ಅನಿಲ್​ ಚೌಧರಿ ವಿವರಿಸಿದ್ದಾರೆ. 55 ವರ್ಷದ ಅವರು ಇದುವರೆಗೆ 20 ಏಕದಿನ ಮತ್ತು 27 ಟಿ20 ಪಂದ್ಯಗಳಲ್ಲಿ ಅಂಪೈರ್​ ಆಗಿ ಕಾರ್ಯನಿರ್ವಹಿಸಿದ್ದಾರೆ. ಐಪಿಎಲ್​ ಮತ್ತು 19 ವಯೋಮಿತಿ ವಿಶ್ವಕಪ್​ಗಳಲ್ಲೂ ಅಂಪೈರ್​ ಆಗಿದ್ದರು.

https://www.vijayavani.net/twitterati-compare-rashid-khan-with-salman-khan-after-his-declaration-of-marrying-only-after-winning-the-world-cup/