ಯಾರಾದರೂ ಹಾರ್ದಿಕ್​ ಬಗ್ಗೆ ಮಾತನಾಡಿದರೆ...; ಮಾಜಿ ಕ್ರಿಕೆಟಿಗ ಹೀಗಂದಿದ್ಯಾಕೆ

ನವದೆಹಲಿ: ಯುಎಸ್​ಎ-ವೆಸ್ಟ್​ ಇಂಡೀಸ್​ ಆತಿಥ್ಯದಲ್ಲಿ ನಡೆದ ಟಿ20 ವಿಶ್ವಕಪ್​ನಲ್ಲಿ ಟೀಮ್​ ಇಂಡಿಯಾ ಗೆದ್ದು ಬೀಗಿದ್ದು, ತಂಡದ ಸರ್ವಾಂಗೀಣ ಪ್ರದರ್ಶನದ ಫಲವಾಗಿ ಭಾರತ ವಿಶ್ವ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಇನ್ನೂ ಟೀಮ್​ ಇಂಡಿಯಾ ಪರ ಅತ್ಯುತ್ತಮ ಪ್ರದರ್ಶನ ನೀಡಿದ ಹಾರ್ದಿಕ್​ ಪಾಂಡ್ಯ ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ ಎದಂರೆ ತಪ್ಪಾಗಲಾರದು. ಇದೀಗ ಮಾಜಿ ಕ್ರಿಕೆಟಿಗ ಅಂಬಾಟಿ ರಾಯುಡು ಹಾರ್ದಿಕ್​ ಪಾಂಡ್ಯರನ್ನು ಹಾಡಿಹೊಗಳಿದ್ದು, ಫ್ಯಾನ್ಸ್​ಗೆ ಖಡಕ್​ ಎಚ್ಚರಿಕೆ ನೀಡಿದ್ದಾರೆ.

17ನೇ ಆವೃತ್ತಿಯ ಐಪಿಎಲ್​ ಶುರುವಾಗುವುದಕ್ಕೂ ಮುಂಚಿನಿಂದಲೂ ಒಂದಿಲ್ಲೊಂದು ಕಾರಣಕ್ಕೆ ಸದ್ದು ಮಾಡುತ್ತಿರುವ ಹಾರ್ದಿಕ್​ ಪಾಂಡ್ಯ ಇತ್ತೀಚಿನ ದಿನಗಳಲ್ಲಿ ವಿಚ್ಛೇದನದ ವಿಚಾರವಾಗಿ ಹೆಚ್ಚು ಸದ್ದು ಮಾಡುತ್ತಿದ್ದಾರೆ. ಈ ವಿಚಾರಗಳಿಗೆ ಹಾರ್ದಿಕ್​ ಪಾಂಡ್ಯ ಹೆಚ್ಚು ಟ್ರೋಲ್​ ಆಗಿದ್ದರು. ಇದೀಗ ಈ ಕುರಿತು ಮಾತನಾಡಿರುವ ಅಂಬಾಟಿ ರಾಯುಡು ಹಾರ್ದಿಕ್​​ ಪ್ರದರ್ಶನವನ್ನು ಹಾಡಿಹೊಗಳಿದ್ದಾರೆ ಮತ್ತು ಟ್ರೋಲ್​​ ಮಾಡುವವರಿಗೆ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ: ಹಾಥರಸ್​ ಕಾಲ್ತುಳಿತ ಪ್ರಕರಣ; 6 ಮಂದಿ ಆಯೋಜಕರು ಅರೆಸ್ಟ್​, ಪ್ರಮುಖ ಆರೋಪಿ ಪತ್ತೆಗೆ ಭರ್ಜರಿ ಗಿಫ್ಟ್​ ಘೋಷಿಸಿದ ಪೊಲೀಸರು

ಸ್ಟಾರ್​ ಸ್ಪೋರ್ಟ್ಸ್​ನಲ್ಲಿ ಈ ಕುರಿತು ಮಾತನಾಡಿದ ರಾಯುಡು, ನನ್ನ ಪ್ರಕಾರ ಇದು ಅವನ ಅತ್ಯದ್ಭುತ ಆಟವಾಗಿದ್ದು, ಅವನು ಶ್ರೇಷ್ಟ ಆಟವಾಡಿದ್ದಾನೆ. ಆತ ಮಾನಸಿಕ ಶಕ್ತಿಯೇ ಈ ಪ್ರದರ್ಶನಕ್ಕೆ ಕಾರಣವಾಗಿದ್ದು, ಇನ್ನೂ ಮುಂದೆ ಯಾರಾದರು ಆತನ ವಿರುದ್ಧ ಮಾತನಾಡುವುದಾಗಲಿ ಅಥವಾ ಟ್ರೋಲ್​ ಮಾಡುವುದಾಗಲಿ ಮಾಡಿದರೆ ಹುಷಾರ್​. ಆತನೊಂದಿಗೆ ನಾನು ಆಟವಾಡಿದ್ದು, ಒಬ್ಬ ಅದ್ಭುತ ಆಟಗಾರ ಎಂದು ಹೇಳುತ್ತೇನೆ.

ತಿಂಗಳುಗಳ ಹಿಂದೆ ಆತ ಇದ್ದಿದ್ದ ಪರಿಸ್ಥಿತಿಗೂ ಈಗ ಇರುವುದಕ್ಕೂ ಸಾಕಷ್ಟು ಬದಲಾವಣೆಗಳು ಕಂಡು ಬಂದಿದ್ದು, ಆತ ತೂಫಾನಿನಂತೆ ಕಮ್​ಬ್ಯಾಕ್​​ ಮಾಡಿದ್ದಾನೆ. ಈಗ ಆತ ವಿಶ್ವಚಾಂಪಿಯನ್​ ಆಗಿದ್ದು, ಇದನ್ನೂ ಯಾರಿಂದಲೂ ನಂಬಲು ಸಾಧ್ಯವಿಲ್ಲ. ಆತ ಬಹಳಷ್ಟು ವರ್ಷಗಳಿಂದ ಭಾರತ್ಕಕೆ ಮ್ಯಾಚ್​ ವಿನ್ನರ್​ ಆಗಿದ್ದಾನೆ. ಇದನ್ನು ಆತ ಬಹಳಷ್ಟು ಬಾರಿ ನಿರೂಪಿಸಿದ್ದಾನೆ. ಭಾರತ ಗೆದ್ದಾಗ ಆತ ಸಂತೋಷ್ ವ್ಯಕ್ತಪಡಿಸಿದ ರೀತಿ ನೋಡಿದರೆ ತಿಳಿಯುತ್ತದೆ ಎಂದು ಹೇಳುವ ಮೂಲಕ ಅಂಬಾಟಿ ರಾಯುಡು ಹಾರ್ದಿಕ್​ ಪಾಂಡ್ಯರನ್ನು ಹಾಡಿ ಹೊಗಳಿದ್ದಾರೆ.

https://www.vijayavani.net/female-prison-guard-caught-on-video-engaging-in-suspicious-activity

https://www.vijayavani.net/looks-for-pressure-situations-shoaib-akhtar-sings-praises-of-virat-kohlis-greatness