'ನಾನು ಸಿರಾಜ್ ನೀವು ಚೆನ್ನಾಗಿ ಬೌಲ್ ಮಾಡಿದ್ದೀರಿ ಎಂದಿದ್ದಕ್ಕೆ ಸಿರಾಜ್ ಮುಖಭಾವನೆ ನನಗೆ ಸರಿ ಅನಿಸಲಿಲ್ಲ' ಎಂದು ಟ್ರಾವಿಸ್ ಪತ್ರಕರ್ತರ ಮುಂದ ಹೇಳಿದರು. ಆದರೆ, ಈ ಬಗ್ಗೆ ಸಿರಾಜ್ರನ್ನು ಕೇಳಿದಾಗ, 'ಆತ ನನಗೆ ಕೆಟ್ಟದಾಗಿ ಬೈದು, ಈಗ ಮಾಧ್ಯಮದ ಮುಂದೆ ಕೂತು ಸುಳ್ಳು ಹೇಳಿದ್ದಾರೆ. ಕ್ರಿಕೆಟ್ ಒಂದು ಜೆಂಟಲ್ಮ್ಯಾನ್ ಆಟ. ಹೆಡ್ ಎಲ್ಲಿಯೂ ನನಗೆ ಚೆನ್ನಾಗಿ ಬೌಲಿಂಗ್ ಮಾಡಿದ್ದೀರಾ ಎಂದು ಹೇಳಿಲ್ಲ, ಅದನ್ನು ನೀವೇ ಖುದ್ದಾಗಿ ವಿಡಿಯೋದಲ್ಲಿ ವೀಕ್ಷಿಸಬಹುದು' ಎಂದು ಸಿರಾಜ್ ಹೇಳಿದ್ದಾರೆ. ಇನ್ನು ಈ ವೈರಲ್ ವಿಡಿಯೋಗೆ ಪ್ರತಿಕ್ರಿಯಿಸಿದ ಟೀಮ್ ಇಂಡಿಯಾದ ಮಾಜಿ ಆಟಗಾರ ಹರ್ಭಜನ್ ಸಿಂಗ್, ಆಸ್ಟ್ರೇಲಿಯಾದವರಿಗೆ ಇದೊಂದು ಚಾಳಿಯಾಗಿಬಿಟ್ಟಿದೆ ಎಂದು ಕಿಡಿಕಾರಿದ್ದಾರೆ.
