ಹ್ಯಾರಿ ಕೇನ್ ಭಾವನಾತ್ಮಕ ನುಡಿಗಳು!
ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಹ್ಯಾರಿ ಕೇನ್, ತಮ್ಮ ಆರಂಭಿಕ ದಿನಗಳ ವೈಫಲ್ಯಗಳು ಮತ್ತು ಟೊಟೆಂಹ್ಯಾಮ್ ಹಾಟ್‌ಸ್ಪರ್ ಕ್ಲಬ್‌ನಲ್ಲಿ ತಾವು ಬೆಳೆದು ಬಂದ ಹಾದಿಯನ್ನು ಮೆಲುಕು ಹಾಕಿದರು. ತಮ್ಮ ಗೆಲುವಿಗೆ ಸಾಥ್ ನೀಡಿದ ಸಹಆಟಗಾರರು, ಅಭಿಮಾನಿಗಳು ಮತ್ತು ತರಬೇತುದಾರರಿಗೆ ಧನ್ಯವಾದ ಅರ್ಪಿಸಿದರು. ಲಂಡನ್‌ನಲ್ಲಿ ಈ ಪ್ರಶಸ್ತಿ ಸ್ವೀಕರಿಸುತ್ತಿರುವುದು ಇದನ್ನು ಮತ್ತಷ್ಟು ವಿಶೇಷವಾಗಿಸಿದೆ. ಫ್ರಾನ್ಸ್ ಫುಟ್ಬಾಲ್ ಸಂಸ್ಥೆಗೆ ಹಾಗೂ ನನಗೆ ಮತಹಾಕಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳು. ಬೇಯರ್ನ್ ಮ್ಯೂನಿಚ್ ಮತ್ತು ಇಂಗ್ಲೆಂಡ್ ತಂಡದ ಸಹಆಟಗಾರರ ಬೆಂಬಲವಿಲ್ಲದೆ ಇದು ಸಾಧ್ಯವಿರಲಿಲ್ಲ ಎಂದು ಭಾವುಕರಾದರು.
ತಮ್ಮ ಹಳೆಯ ಕ್ಲಬ್ ಆದ ಟೊಟೆಂಹ್ಯಾಮ್ ಹಾಟ್‌ಸ್ಪರ್ ಅನ್ನು ನೆನಪಿಸಿಕೊಂಡ ಕೇನ್, ನನಗೆ 11 ವರ್ಷದವನಿದ್ದಾಗಿನಿಂದಲೂ ಬೆಂಬಲ ನೀಡಿ, ನನ್ನ ಕನಸನ್ನು ನುಡಿಯಲು ವೇದಿಕೆ ಕಲ್ಪಿಸಿಕೊಟ್ಟ ಟೊಟೆಂಹ್ಯಾಮ್‌ಗೆ ನಾನು ಆಭಾರಿಯಾಗಿದ್ದೇನೆ. ಕಷ್ಟದ ಮತ್ತು ಒಳ್ಳೆಯ ದಿನಗಳಲ್ಲಿ ಜತೆಯಾಗಿ ಸಾಗಿದ ಆ ಪಯಣವೇ ಇಂದಿನ ಈ ಯಶಸ್ಸಿಗೆ ಕಾರಣ ಎಂದು ಸ್ಮರಿಸಿದರು. ಜಗತ್ತಿನಾದ್ಯಂತ ಇರುವ ತಮ್ಮ ಅಭಿಮಾನಿಗಳಿಗೆ ಹಾಗೂ ಫುಟ್ಬಾಲ್ ಪ್ರೇಮಿಗಳಿಗೆ ಅವರು ಧನ್ಯವಾದ ತಿಳಿಸಿದರು(ಏಜೆನ್ಸೀಸ್).
