‘ಕಳೆದ ಆವೃತ್ತಿಯಲ್ಲೂ ರಾಹುಲ್, ಮಯಾಂಕ್, ಮನೀಷ್ ಕೆಲ ಪಂದ್ಯಗಳಿಗೆ ಲಭ್ಯವಿರಲಿಲ್ಲ. ಈ ವೇಳೆ ಆರಂಭಿಕನಾಗಿ ಸಮರ್ಥವಾಗಿ ನನ್ನ ಜವಾಬ್ದಾರಿ ನಿಭಾಯಿಸಿದ್ದೆ. ಈ ಬಾರಿಯೂ ಅದೇ ರೀತಿ ಜವಾಬ್ದಾರಿ ಹೊತ್ತುಕೊಳ್ಳುವೆ’ ಎಂದು ಹೇಳುತ್ತಾರೆ ಪಡಿಕಲ್. ಐಪಿಎಲ್ನಲ್ಲಿ ಸ್ಟಾರ್ ಕ್ರಿಕೆಟಿಗರೊಂದಿಗ ಡಗೌಟ್ ಹಂಚಿಕೊಂಡಿದ್ದು ನೆರವಿಗೆ ಬಂತು, ಹಿರಿಯ ಆಟಗಾರರ ಮಾರ್ಗದರ್ಶನ ನೆರವಾಗಿದೆ. ಇದು ಕೂಡ ಐಪಿಎಲ್ನಲ್ಲಿ ಉತ್ತಮ ನಿರ್ವಹಣೆ ತೋರಲು ಪ್ರಮುಖ ಕಾರಣ ಎಂದಿದ್ದಾರೆ. ಕೇವಲ ಮೈದಾನದಲ್ಲಷ್ಟೇ ಅಲ್ಲ, ಮೈದಾನದ ಹೊರಗೂ ಅಗತ್ಯ ಸಲಹೆ-ನಿರ್ದೇಶನ ನೀಡುತ್ತಿದ್ದರು. ಈ ಎರಡು ತಿಂಗಳು ಸಾಕಷ್ಟು ಕಲಿತೆ, ಕ್ರಿಕೆಟ್ನಲ್ಲಿ ಕಲಿಯುವುದು ಸಾಕಷ್ಟಿದೆ ಎಂದು ಕೂಡ ಅನಿಸಿತು ಎಂದು ಹೇಳಿದರು.
