ನಾಯಕತ್ವ ವಹಿಸಿಕೊಂಡ್ರೆ ಸಾಲದು… ಹಾರ್ದಿಕ್​ಗೆ ಮುಖಕ್ಕೆ ಹೊಡದಂಗೆ ಹೇಳಿದ್ರು ಮಾಜಿ ಸ್ಟಾರ್​ ಕ್ರಿಕೆಟಿಗ

ಜೈಪುರ: ನಿನ್ನೆ (ಏಪ್ರಿಲ್​ 22) ಇಲ್ಲಿನ ಸವಾಯಿ ಮಾನ್ಸಿಂಗ್​ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಹೀನಾಯ ಸೋಲನ್ನು ಅನುಭವಿಸಿತು. ಆಡಿದ 8 ಪಂದ್ಯಗಳಲ್ಲಿ ಕೇವಲ ಮೂರು ಮ್ಯಾಚ್​​ಗಳನ್ನು ಗೆದ್ದಿರುವ ಎಂಐಗೆ ಇದು ಐದನೇ ಸೋಲಾಗಿದೆ. ಐಪಿಎಲ್ ಆರಂಭಕ್ಕೂ ಮುನ್ನ ರೋಹಿತ್​ ಶರ್ಮಾರಿಂದ ಕ್ಯಾಪ್ಟನ್ಸಿ ವಹಿಸಿಕೊಂಡ ಹಾರ್ದಿಕ್​ಗೆ ಈಗ ಭಾರೀ ಮುಖಭಂಗ ಎದುರಾಗಿದೆ.

ಇದನ್ನೂ ಓದಿ: ಹಾರ್ದಿಕ್​ ಪಾಂಡ್ಯ ಅವರೇ ಇಷ್ಟೊಂದು ಓವರ್​ ಆ್ಯಕ್ಷನ್ ಬೇಡ; ಇದನೆಲ್ಲ ಡ್ರೆಸ್ಸಿಂಗ್ ರೂಮ್​ನಲ್ಲಿ ಇಟ್ಕೊಳ್ಳಿ!

ಟಾಸ್ ಗೆದ್ದ ಮುಂಬೈ ಇಂಡಿಯನ್ಸ್ ಮೊದಲು ಬ್ಯಾಟಿಂಗ್ ಆಯ್ದುಕೊಂಡು 20 ಓವರ್​ಗಳಲ್ಲಿ  9 ವಿಕೆಟ್ ನಷ್ಟಕ್ಕೆ ಕೇವಲ 179 ರನ್​ಗಳನ್ನು ಕಲೆಹಾಕುವಲ್ಲಿ ಶಕ್ತವಾಯಿತು. ಈ ಸಾಧಾರಣ ಗುರಿಯನ್ನು ಬೆನ್ನಟ್ಟಿದ ರಾಜಸ್ಥಾನ ಪಡೆಗೆ ಆರಂಭಿಕ ಹಂತದಲ್ಲೇ ಜಾಸ್​ ಬಟ್ಲರ್​ ವಿಕೆಟ್ ಕಳೆದುಕೊಂಡಿದ್ದು ಬಿಟ್ಟರೆ ಇನ್ಯಾವ ವಿಕೆಟ್ ಕಳೆದುಕೊಳ್ಳದೆ, ಅತ್ಯಂತ ‘ಯಶಸ್ವಿ’ಯಾಗಿ 8 ಬಾಲ್​ಗಳಿಗೂ ಮುನ್ನವೇ ಪಂದ್ಯವನ್ನು ಮುಗಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್​ ಬ್ಯಾಟ್ಸ್​ಮನ್​ಗಳು ನಿರೀಕ್ಷಿಸಿದಂತೆ ಅಬ್ಬರಿಸಲಿಲ್ಲ. ಬದಲಿಗೆ ಒಬ್ಬರಂತೆ ಒಬ್ಬರು ಪೆವಿಲಿಯನ್ ಹಾದಿ ಹಿಡಿದರು.

ಸತತವಾಗಿ ಹೀನಾಯವಾಗಿ ಸೋಲುತ್ತಿರುವ ಮುಂಬೈ ಇಂಡಿಯನ್ಸ್​ ತಂಡವನ್ನು ಗೆಲುವಿನ ಹಾದಿಗೆ ತರಲು ಕ್ಯಾಪ್ಟನ್ ಹಾರ್ದಿಕ್ ಶತಾಯಗತಾಯ ಪ್ರಯತ್ನ ಮಾಡುತ್ತಿದ್ದಾರೆ. ಆದರೆ, ಇದ್ಯಾವುದು ಫಲಿಸುತ್ತಿಲ್ಲ. ಕಳೆದ ಸೀಸನ್​​ಗಳಲ್ಲಿ ಹಿಟ್ ಮ್ಯಾನ್​ ಕ್ಯಾಪ್ಟನ್ಸಿಯಲ್ಲಿ ತಂಡ ಎದುರಾಳಿಗೆ ಭಾರೀ ಪೈಪೋಟಿ ಕೊಡುವ ಮೂಲಕ ಲೀಗ್​ನ ಟಾಪ್ ನಾಲ್ಕರೊಳಗೆ ಇರುತ್ತಿತ್ತು. ಆದ್ರೆ, ಈ ಬಾರಿಯ ಆವೃತ್ತಿಯಲ್ಲಿ ಕಳಪೆ ಪ್ರದರ್ಶನ ಮೂಲಕ ಎಂಐ ಅಂಕಪಟ್ಟಿಯಲ್ಲಿ ಏಳನೇ ಸ್ಥಾನ ಅಲಂಕರಿಸಿದೆ. ಟೀಮ್​ನ ನೂತನ ನಾಯಕರಾಗಿ ನೇಮಕವಾದಾಗಿನಿಂದ ಪಾಂಡ್ಯಗೆ ಭಾರೀ ಹಿನ್ನಡೆಯಾಗುತ್ತಿದೆ.

ಇದನ್ನೂ ಓದಿ: ಚಿನ್ನದ ಬೆಲೆ 2 ದಿನಗಳಲ್ಲಿ 10 ಗ್ರಾಂಗೆ 1736 ರೂ. ಕುಸಿತ: ಬಂಗಾರ ಬೆಲೆ ಇಳಿಯಲು ಕಾರಣಗಳೇನು?

ಇದೆಲ್ಲವೂ ಮುಂಬೈ ಇಂಡಿಯನ್ಸ್ ಅಭಿಮಾನಿಗಳಿಗೆ ಅತೀವ ಬೇಸರ ತಂದಿದ್ದು, ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯ ಮೇಲಿರುವ ಅಸಮಾಧಾನವನ್ನು ಶಮನಗೊಳಿಸಲು ಬಿಡುತ್ತಿಲ್ಲ. ಇನ್ನು ನಿನ್ನೆ ರಾಜಸ್ಥಾನ ರಾಯಲ್ಸ್ ವಿರುದ್ಧ ಪಂದ್ಯ ಸೋತ ಬೆನ್ನಲ್ಲೇ ದಕ್ಷಿಣ ಆಫ್ರಿಕಾದ ಮಾಜಿ ಸ್ಟಾರ್​ ಬೌಲರ್​ ಆದ ಡೇಲ್ ಸ್ಟೇನ್ ಟ್ವೀಟ್ ಮೂಲಕ ಹಾರ್ದಿಕ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

"ಆಟಗಾರರು ಯಾವಾಗ ಪ್ರಾಮಾಣಿಕವಾಗಿ ತಮ್ಮ ತಲೆಯಲ್ಲಿರುವುದನ್ನು ಹೇಳುತ್ತಾರೆ ಎಂದು ನಾನು ಕಾತರದಿಂದ ಎದುರು ನೋಡ್ತದ್ದೀನಿ. ಎಂದಿನಂತೆ ಹೇಳುವಂತೆ ಈ ಪಂದ್ಯವನ್ನು ಇಂದು ಕಳೆದುಕೊಂಡಿದ್ದೇವೆ ಎಂದು ಮುಗುಳ್ನಕ್ಕಿ ಮುಂದಿನ ಪಂದ್ಯಗಳಲ್ಲಿ ಗೆಲ್ಲೋಣ ಎಂದು ಮತ್ತೆ ಅದೇ ನಾನ್​ಸೆನ್ಸ್​​ನ ರಿಪೀಟ್ ಮಾಡೋದಲ್ಲ" ಎಂದು ಡೈಲ್​ ಸ್ಟೈನ್ ನೇರವಾಗಿ ಅರ್ಥವಾಗುವಂತೆ​ ಹೇಳಿದ್ದಾರೆ. ಇನ್ನು ಎಂಐ ಫ್ಯಾನ್ಸ್ ಕೂಡ ಭಾರೀ ಅಸಮಾಧಾನ ಹೊರಹಾಕಿದ್ದು, ನಾಯಕತ್ವ ವಹಿಸಿಕೊಂಡ್ರೆ ಸಾಲದು, ತಂಡವನ್ನು ಯಶಸ್ಸಿನತ್ತ ಮುನ್ನಡೆಸಬೇಕು ಎಂದೆಲ್ಲಾ ಕಮೆಂಟ್ ಮಾಡಿ, ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/rcb-fans-upset-over-franchise

https://www.vijayavani.net/it-was-like-this-the-whole-4-hour-flight