ಸಂಸದರೂ ಆಗಿರುವ 35 ವರ್ಷದ ವೇಗಿ ಮೊರ್ಟಜ ಕಳೆದ ಕೆಲ ಸಮಯದಿಂದ ಕರೊನಾ ಹಾವಳಿಯಿಂದಾಗಿ ಸಂಕಷ್ಟದಲ್ಲಿರುವವರಿಗೆ ನೆರವಾಗುವ ಕೆಲಸದಲ್ಲಿ ನಿರತರಾಗಿದ್ದರು. ಆದರೆ ಅವರಿಗೆ ಸೋಂಕು ಹೇಗೆ ಹರಡಿದೆ ಎಂಬುದು ಸ್ಪಷ್ಟವಾಗಿಲ್ಲ. ಮೊರ್ಟಜ ಕಳೆದ ಕೆಲ ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಅವರಿಗೆ ಶುಕ್ರವಾರ ಪರೀಕ್ಷೆ ನಡೆದಿತ್ತು. ಶನಿವಾರ ವರದಿ ಬಂದಿದೆ. ಢಾಕಾದ ಮನೆಯಲ್ಲಿ ಐಸೋಲೇಷನ್ನಲ್ಲಿರಲಿದ್ದಾರೆ ಎಂದು ಮೊರ್ಟಜ ಸಹೋದರ ಮೊರ್ಸಲಿನ್ ಬಿನ್ ಮೊರ್ಟಜ ತಿಳಿಸಿದ್ದಾರೆ. ಬಾಂಗ್ಲಾದೇಶದ ಮತ್ತೋರ್ವ ಮಾಜಿ ಕ್ರಿಕೆಟಿಗ ನಫೀಸ್ ಇಕ್ಬಾಲ್ಗೂ ಶನಿವಾರ ಕರೊನಾ ಸೋಂಕು ದೃಢಪಟ್ಟಿದೆ. 34 ವರ್ಷದ ನಫೀಸ್ ಬಾಂಗ್ಲಾ ಪರ 11 ಟೆಸ್ಟ್ 16 ಏಕದಿನ ಆಡಿದ್ದಾರೆ. ಬಾಂಗ್ಲಾದಲ್ಲಿ ಕರೊನಾ ಸೋಂಕಿತರ ಸಂಖ್ಯೆ 1 ಲಕ್ಷ ದಾಟಿದ್ದು, ದೇಶದಲ್ಲಿ ಈಗ ಪ್ರದೇಶವಾರು ಲಾಕ್ಡೌನ್ ಜಾರಿಯಲ್ಲಿದೆ.
